ລະບົບທາງເດີນອາຫານຊະນິດໜຶ່ງທີ່ຮ່າງກາຍມີອາການນຳ້ຍ່ອຍຈາກກະເພາະອາຫານໄຫລຍ້ອນກັບຂຶ້ນໄປໃນຫລອດອາຫານ ເຮັດໃຫ້ເກີດອາການແສບຮ້ອນບໍລິເວນໜ້າເອິກ ໂດຍອາຫານກໍເປັນໜຶ່ງໃນສາເຫດສຳຄັນຂອງພະຍາດກົດໄຫລຍ້ອນເຊັ່ນກັນ ມາເບິ່ງພ້ອມກັນວ່າອາຫານຊະນິດໃດແດ່ທີ່ຊ່ວຍຈັດການກົດໄຫລຍ້ອນໄດ້

1. ເຂົ້າຫລາຍສີ, ເຂົ້າໜົມປັງໂຮຫວີດ ເປັນອາຫານທີ່ມີໄຟເບີຫລາຍ ແລະ ກາກໄຍຫລາຍ ເຊິ່ງດີຕໍ່ສຸຂະພາບ ບໍ່ເພີ່ມກົດໃນກະເພາະອາຫານ ແລະ ຊ່ວຍໃນການຂັບຖ່າຍ

2. ເອິກໄກ່ ມີຄຸນຄ່າທາງອາຫານຫລາຍແລ້ວຍັງຍ່ອຍງ່າຍ ເຊິ່ງດີຕໍ່ຜູ້ເປັນກົດໄຫລຍ້ອນ. ນອກຈາກນີ້ແລ້ວຍັງມີຊີ້ນປາ ທີ່ຈະຊ່ວຍຫລຸດອາການຂອງກົດໄຫລຍ້ອນໄດ້ເຊັ່ນດຽວກັນ

3. ຂີງ ມີສັບພະຄຸນຊ່ວຍຫລຸດອາການອັກເສບ ແລະ ຊ່ວຍປິ່ນປົວລະບົບທາງເດີນອາຫານ ສາມາດຊ່ວຍໄລ່ລົມ ຊ່ວຍຫລຸດອາການຍື່ງທ້ອງ ຫລຸດກົດເກີນ ແລະ ແກ໊ສໃນກະເພາະອາຫານ

4. ໝາກໂມ ສາມາດຊ່ວຍຫລຸດຜ່ອນອາການກົດໄຫລຍ້ອນໄດ້ ເພາະໝາກໄມ້ເຫລົ່ານີ້ຈະໄປຊ່ວຍຫລຸດກົດໃນກະເພາະອາຫານ ຫລຸດຄວາມສ່ຽງເປັນກົດໄຫລຍ້ອນໄດ້

5. ຜັກກະລໍ່າ ເປັນຜັກທີ່ມີຄຸນຄ່າທາງອາຫານຫລາຍ ແລະ ຍັງມີຊັລເຟີ ທີ່ຊ່ວຍຈັດການສານພິດໃນຮ່າງກາຍ ແລະ ຊ່ວຍປິ່ນປົວບາດແຜໃນກະເພາະອາຫານ, ຍ່ອຍງ່າຍ, ສະບາຍທ້ອງ

ຍັງມີອາຫານອີກຫລາຍຊະນິດທີ່ມີປະໂຫຍດ ແລະ ຊ່ວຍຮັບມືກັບກະເພາະອາຫານໄດ້ ການປັບພຶດຕິກຳການກິນ ແລະ ການໃຊ້ຊີວິດຮ່ວມນຳ ເຊັ່ນ: ບໍ່ກິນອາຫານກ່ອນນອນ ແລະ ອອກກຳລັງກາຍເປັນປະຈຳ ຈະຊ່ວຍຫລີກເວັ້ນບໍ່ໃຫ້ເຈັບກະເພາະໄດ້.

ຮຽນເຖິງທ່ານຜູ້ໂດຍສານທີ່ຮັກແພງທຸກທ່ານ: ເນື່ອງຈາກໄດ້ຮັບຜົນກະທົບຢ່າງຕໍ່ເນື່ອງຈາກ ພາຍຸໝຸນເຂດຮ້ອນ “ຄາຈິກິ”, ຜ່ານການຄົ້ນຄວ້າວິເຄາະຢ່າງຮອບດ້ານ ຕາມຫຼັກວິທະຍາສາດ ແລະ ປຶກສາຫາລືກັບພາກສ່ວນອຸຕຸນິຍົມທີ່ກ່ຽວຂ້ອງ, ເຫັນວ່າປັດຈຸບັນພາກກາງ ແລະ ພາກເໜືອຂອງ ສປປ ລາວ ຍັງມີຄວາມສ່ຽງສູງທີ່ຈະເກີດໄພພິບັດທາງທຳມະຊາດ ເຊິ່ງຍັງບໍ່ມີເງື່ອນໄຂເອື້ອອໍານວຍໃນການແລ່ນລົດໄຟ. ດັ່ງນັ້ນ, ເພື່ອຮັບປະກັນຄວາມປອດໄພຕໍ່ຊີວິດ ແລະ ຊັບສິນຂອງຜູ້ໂດຍສານ, ທາງລົດໄຟລາວ-ຈີນ ແມ່ນຈະໄດ້ສືບຕໍ່ຢຸດແລ່ນລົດໄຟໂດຍສານທັງໝົດຂອງວັນທີ 26 ສິງຫາ 2025 ເປັນການຊົ່ວຄາວ.

ທ່ານຜູ້ໂດຍສານສາມາດຍົກເລີກປີ້ເອົາເງິນຄືນ ຫຼື ປ່ຽນປີ້ໄດ້ ຜ່ານແອັບຂາຍປີ້ອອນລາຍ LCR Ticket ຫຼື ຫ້ອງຂາຍປີ້ໃນແຕ່ລະສະຖານີ ໂດຍບໍ່ເສຍຄ່າທຳນຽມໃດໆທັງໝົດ. ສຳລັບທ່ານໃດທີ່ບໍ່ສາມາດເຮັດທຸລະກຳໄດ້ທັນເວລາ ແມ່ນສາມາດຍົກເລີກປີ້ເອົາເງິນຄືນໄດ້ພາຍໃນ 30 ມື້ ນັບແຕ່ມື້ເດີນທາງໃນໜ້າປີ້ເປັນຕົ້ນໄປ ແລະ ຈະໄດ້ເງິນຄືນເຕັມຈໍານວນ.

ບໍລິສັດ ທາງລົດໄຟລາວ-ຈີນ ພ້ອມດ້ວຍພະນັກງານໝົດທຸກຄົນ ຈະສືບຕໍ່ເອົາໃຈໃສ່ຕິດຕາມສະພາບອາກາດ ແລະ ເຮັດວຽກຢ່າງຕັ້ງໝ້າ ໂດຍນຳໃຊ້ກົນໄກຮັບມືສຸກເສີນ, ເພິ່ມທະວີຈັດຕັ້ງພະນັກງານວິຊາສະເພາະອອກກວດກາລາດຕະເວນ, ຄົ້ນຫາ ແລະ ແກ້ໄຂຈຸດສ່ຽງຕ່າງໆທີ່ແອບແຝງ ຢູ່ຕາມແລວທາງລົດໄຟລາວ-ຈີນ ໃນລະຫວ່າງການຢຸດແລ່ນລົດໄຟຊົ່ວຄາວ; ຮັບປະກັນໃຫ້ອຸປະກອນ ແລະ ສິ່ງອໍານວຍຄວາມສະດວກຂອງທາງລົດໄຟຢູ່ໃນສະພາບສົມບູນທີ່ສຸດ.

ຫຼັງຈາກສະພາບດິນຟ້າອາກາດເອື້ອອໍານວຍ, ບົນພື້ນຖານທີ່ສາມາດຮັບປະກັນຄວາມປອດໄພ ແລະ ມີເງື່ອນໄຂຄົບຖ້ວນໃນການແລ່ນລົດແລ້ວ, ທາງລົດໄຟລາວ-ຈີນ ຈະກັບມາດຳເນີນການຢ່າງເປັນປົກກະຕິ, ພ້ອມທັງຈະມີການເພີ່ມຖ້ຽວລົດໄຟ ແລະ ຕໍ່ລົດໄຟສອງຂະບວນໃສ່ກັນ ເພື່ອຮອງຮັບ ແລະ ອຳນວຍຄວາມສະດວກໃຫ້ຜູ້ໂດຍສານທີ່ຕົກຄ້າງຢູ່ຕາມແລວທາງລົດໄຟລາວ-ຈີນ ໃຫ້ສາມາດເດີນທາງໄປຮອດຈຸດໝາຍປາຍທາງໄດ້ ຢ່າງປອດໄພ ໂດຍໄວເທົ່າທີ່ຈະໄວໄດ້.

ບັນດາທ່ານສາມາດຕິດຕາມຂໍ້ມູນການແລ່ນລົດ ຜ່ານທາງແອັບຂາຍປີ້ອອນລາຍ LCR Ticket, ແຈ້ງການຂອງສະຖານີ ແລະ ໜ້າເຟສບຸກຂອງບໍລິສັດ ທາງລົດໄຟລາວ-ຈີນ ຈຳກັດ. ຂໍໃຫ້ທ່ານຈົ່ງມີສະຕິລະວັງຕົວໃນຊ່ວງພາຍຸເຂົ້ານີ້ ພ້ອມທັງຈັດແຜນການການເດີນທາງຂອງທ່ານໃຫ້ເໝາະສົມ ແລະ ປອດໄພດ້ວຍ.

ອີກເທື່ອໜຶ່ງ, ບໍລິສັດທາງລົດໄຟລາວ-ຈີນ ຈຳກັດ ຂໍສະແດງຄວາມຂອບໃຈທີ່ບັນດາທ່ານໃຫ້ຄວາມໄວ້ເນື້ອເຊື່ອໃຈ ແລະ ເດີນທາງກັບພວກເຮົາມາໂດຍຕະຫຼອດ.

ພວກເຮົາຕ້ອງຂໍອະໄພໃນຄວາມບໍ່ສະດວກມານະທີ່ນີ້ດ້ວຍ.

ບໍລິສັດ ທາງລົດໄຟລາວ-ຈີນ ຈໍາກັດ

25 ສິງຫາ 2025

ວັນທີ 15 ສິງຫາ 2025, ກົມຕຳຫຼວດກວດຄົນເຂົ້າ-ອອກເມືອງ ກົມໃຫຍ່ສັນຕິບານ ກະຊວງປ້ອງກັນຄວາມສະຫງົບ ອອກແຈ້ງການ ວ່າ: ນັບແຕ່ວັນທີ 01 ກັນຍາ 2025 ເປັນຕົ້ນໄປ ກົມຕຳຫຼວດກວດຄົນເຂົ້າ-ອອກເມືອງ ຈະເລີ່ມທົດລອງຈັດຕັ້ງປະຕິບັດ ການລົງທະບຽນ ເດີນທາງເຂົ້າ-ອອກ ສປປ ລາວ ຜ່ານລະບົບອອນລາຍ, ໂດຍຜ່ານ ເວັບໄຊ: www.immigration.gov.la, ຊຶ່ງຈະເລີ່ມຕົ້ນ ທົດລອງ ຢູ່ 04 ດ່ານສາກົນ ຄື: ສະໜາມບິນສາກົນ ວັດໄຕ ນະຄອນຫຼວງວຽງຈັນ; ສະໜາມບິນສາກົນ ຫຼວງພະບາງ ແຂວງ ຫຼວງພະບາງ; ສະໜາມບິນສາກົນ ປາກເຊ ແຂວງ ຈຳປາສັກ ແລະ ດ່ານສາກົນ ຂົວມິດຕະພາບ 1 ນະຄອນຫຼວງວຽງຈັນ.

ຄົນຕ່າງປະເທດ ທີ່ນໍາໃຊ້ໜັງສືຜ່ານແດນ (Passport) ເດີນທາງເຂົ້າ-ອອກ ສປປ ລາວ ຜ່ານ 04 ດ່ານ ສາກົນດັ່ງກ່າວ ຕ້ອງລົງທະບຽນ ຜ່ານລະບົບອອນລາຍ, ຊຶ່ງພາຍຫຼັງລົງທະບຽນສໍາເລັດ ຈະໄດ້ຮັບ QR Code (ທີ່ສາມາດນໍາໃຊ້ໄດ້ໃນໄລຍະເວລາ 03 ວັນ ທີ່ຈະເດີນທາງ) ເພື່ອແຈ້ງເຂົ້າ-ອອກ ຕໍ່ເຈົ້າໜ້າທີ່ ຕຳຫຼວດກວດຄົນ ເຂົ້າ-ອອກເມືອງ ປະຈໍາດ່ານ ກວດກາ, ຢັ້ງຢືນການລົງທະບຽນ. ຄົນຕ່າງປະເທດ ທີ່ລົງທະບຽນອອນລາຍແລ້ວ ແມ່ນ ບໍ່ຈໍາເປັນຕ້ອງຂຽນ ຫຼື ຕື່ມ ແບບພິມແຈ້ງເຂົ້າ-ອອກ ສປປ ລາວ (Arrival-Departure application form).

ໃນຕົ້ນປີ 2026 ແມ່ນຈະສິ້ນສຸດການທົດລອງ ແລະ ຈະເລີ່ມຕົ້ນຈັດຕັ້ງປະຕິບັດ ໃຫ້ຄົນຕ່າງປະເທດ ລົງທະບຽນ ເດີນທາງເຂົ້າ-ອອກ ຜ່ານລະບົບອອນລາຍ ເພື່ອປ່ຽນແທນການຂຽນແບບພິມແຈ້ງເຂົ້າ-ອອກ ສປປ ລາວ ຢູ່ ບັນດາດ່ານສາກົນ ໃນຂອບເຂດທົ່ວປະເທດ, ໂດຍຈະມີໜັງສືແຈ້ງ ໃຫ້ຊາບຢ່າງເປັນທາງການ ໃນພາຍຫຼັງ.

ດັ່ງນັ້ນ, ຈຶ່ງແຈ້ງມາຍັງທ່ານເພື່ອຊາບ ແລະ ປະຕິບັດຕາມເນື້ອໃນແຈ້ງການສະບັບນີ້ດ້ວຍ.

ວິທະຍຸກະຈາຍສຽງຫວຽດນາມ ລາຍງານໃນວັນທີ 24 ສິງຫາ ຜ່ານມາວ່າ: ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນສ້າງຕັ້ງຂະແໜງການທູດຫວຽດນາມ (28 ສິງຫາ 1945 – 28 ສິງຫາ 2025), ທ່ານ ເລືອງເກື່ອງ ປະທານປະເທດ ຫວຽດນາມ ໄດ້ມີບົດຂຽນ “ການທູດຫວຽດນາມ – 80 ປີແຫ່ງການສ້າງຕັ້ງ ແລະ ເຕີບໃຫຍ່ພ້ອມກັບປະເທດຊາດ”.

ບົດຂຽນໄດ້ຢືນຢັນວ່າ: 80 ປີແຫ່ງການສ້າງຕັ້ງ ແລະ ເຕີບໃຫຍ່ ພາຍໃຕ້ການຊີ້ນຳຂອງພັກ ແລະ ປະທານໂຮ່ຈິມິນ, ຂະແໜງການທູດຫວຽດນາມ ມີການປະກອບສ່ວນຢ່າງຫຼວງຫຼາຍເຂົ້າໃນພາລະກິດການປະຕິວັດຂອງຊາດ. ເນື່ອງຈາກມີການພົວພັນດ້ານເສດຖະກິດ – ການຄ້າກັບເກືອບ 30 ປະເທດ ແລະ ເຂດແຄວ້ນ, ມາຮອດປັດຈຸບັນຫວຽດນາມ ໄດ້ມີການພົວພັນດ້ານເສດຖະກິດ – ການຄ້າກັບ 230 ກວ່າປະເທດ ແລະ ເຂດແຄວ້ນ; ຍອດວົງເງິນສົ່ງອອກ – ນໍາເຂົ້າບັນລຸເກືອບ 800 ຕື້ໂດລາ, ນອນໃນກຸ່ມ 20 ປະເທດມີຂອບເຂດການຄ້າໃຫຍ່ທີ່ສຸດໃນໂລກ. ຫວຽດນາມ ກາຍເປັນຕ່ອງໂສ້ສຳຄັນໃນເສດຖະກິດໂລກ ແລະ ທີ່ຕັ້ງໃນລະບົບຜະລິດທົ່ວໂລກກໍນັບມື້ເພີ່ມຂຶ້ນ. ບັນດາຄວາມມານະພະຍາຍາມດ້ານການທູດໄດ້ປະກອບສ່ວນນຳຫວຽດນາມ ຈາກປະເທດຖືກປິດລ້ອມ, ບືນຕົວຂຶ້ນເປັນປະເທດສະມາຊິກທີ່ຕັ້ງໜ້າ, ມີຄວາມຮັບຜິດຊອບໃນກວ່າ 70 ອົງການສາກົນ ແລະ ພາກພື້ນ, ລວມທັງບັນດາກົນໄກມີບົດບາດສຳຄັນເປັນແກ່ນສານໃນການຄຸ້ມຄອງທົ່ວໂລກ.

ທ່ານປະທານປະເທດ ເຊື່ອໝັ້ນວ່າ, ດ້ວຍຄຸນທາດ, ພູມປັນຍາຂອງຂະແໜງການທູດຫວຽດນາມ ທີ່ທັນສະໄໝ, ໄດ້ຫຼໍ່ຫຼອມຜ່ານປະຫວັດສາດນັບພັນປີຂອງຊາດ, ເຕີບໃຫຍ່ພາຍໃຕ້ສະໄໝໂຮ່ຈິມິນ, ໃນສັງກາດໃໝ່, ຂະແໜງການທູດຈະສືບຕໍ່ປະກອບສ່ວນເຂົ້າໃນການເດີນທາງນຳປະເທດຊາດກ້າວຂຶ້ນ.

ດຍຕອບສະໜອງຕາມການເຊື້ອເຊີນຂອງ ທ່ານ ຫງວຽນ ແມງ ຮຸງ ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ (ກວຕ) ສສ ຫວຽດນາມ, ທ່ານ ບໍ່ວຽງຄຳ ວົງດາລາ ລັດຖະມົນຕີ ກະຊວງເຕັກໂນໂລຊີ ແລະ ການສື່ສານ (ກຕສ) ພ້ອມດ້ວຍ ຮອງລັດຖະມົນຕີ ແລະ ຄະນະ ໄດ້ເດີນທາງຢ້ຽມຢາມ ແລະ ເຮັດວຽກຢູ່ ນະຄອນຫຼວງຮ່າໂນ້ຍ ສສ ຫວຽດນາມ ຫວ່າງບໍ່ດົນມານີ້ ເພື່ອສືບຕໍ່ຮັດແໜ້ນຄວາມສາມັກຄີຮ່ວມມືໃນຂົງເຂດ ເຕັກໂນໂລຊີ ແລະ ການສື່ສານ.

ການຢ້ຽມຢາມ ແລະ ເຮັດວຽກຄັ້ງນີ້, ທີ່ສຳນັກງານ ກວຕ ໄດ້ມີການພົບປະກັນຢ່າງອົບອຸ່ນລະຫວ່າງ ທ່ານ ບໍ່ວຽງຄໍາ ວົງດາລາ ແລະ ທ່ານ ຫງວຽນ ແມງ ຮຸງ, ໂດຍມີ ທ່ານ ນາງ ຄຳເພົາ ເອີນລາວັນ ເອກອັກຄະລັດຖະທູດ ສປປ ລາວ ປະຈໍາ ສສ ຫວຽດນາມ ຕິດຕາມເຂົ້າຮ່ວມ. ຈຸດປະສົງໃນການພົບປະ ກໍແມ່ນເພື່ອສືບຕໍ່ຮັດແໜ້ນຄວາມສາມັກຄີ ລາວ-ຫວຽດນາມ, ຫວຽດນາມ-ລາວ ໂດຍສະເພາະແມ່ນລະຫວ່າງສອງກະຊວງ ຊຶ່ງໄດ້ພົບປະໃນໄລຍະທີ່ມີການສະເຫຼີມສະຫຼອງວັນເຊັນສົນທິສັນຍາມິດຕະພາບ ແລະ ການຮ່ວມມືລະຫວ່າງ ສປປ ລາວ ແລະ ສສ ຫວຽດນາມ ຄົບຮອບ 48 ປີ (18/07/1977 – 18/07/2025) ອັນເປັນນິມິດໝາຍທີ່ດີ ແລະ ສໍາຄັນ ຊຶ່ງເປັນການສືບຕໍ່ຮັດແໜ້ນສາຍພົວພັນການຮ່ວມມືມິດຕະພາບ ແລະ ຜັນຂະຫຍາຍສັນຍາຮ່ວມມືທັງສອງຝ່າຍທີ່ໄດ້ເຊັນຮ່ວມກັນໃນຜ່ານມາ, ພ້ອມທັງໄດ້ປຶກສາຫາລືການຮ່ວມມື ລະຫວ່າງສອງກະຊວງໃນຕໍ່ໜ້າ.

ທ່ານ ບໍ່ວຽງຄໍາ ວົງດາລາ ໄດ້ກ່າວມີຄໍາເຫັນຕໍ່ສາຍພົວພັນມິດຕະພາບອັນເປັນມູນເຊື້ອການພົວພັນຮ່ວມມືແບບຍຸດທະສາດຮອບດ້ານ ລະຫວ່າງ ລາວ-ຫວຽດນາມ, ຫວຽດນາມ-ລາວ ໂດຍສະເພາະແມ່ນການພົວພັນຮ່ວມມື ລະຫວ່າງ ກຕສ ແລະ ກວຕ. ໃນໂອກາດດຽວກັນ, ທ່ານ ໄຊຊະນະ ສິດທິພອນ ຮອງລັດຖະມົນຕີ ກຕສ ກໍກ່າວລາຍງານເນື້ອໃນການສະເໜີທິດທາງການຮ່ວມມືໃນປັດຈຸບັນ ແລະ ແຜນວຽກງານໃນຕໍ່ໜ້າ; ຈາກນັ້ນ, ສອງຝ່າຍ ກໍໄດ້ມີຄໍາເຫັນແລກປ່ຽນ ເພື່ອໃຫ້ການຮ່ວມມືຂອງສອງກະຊວງໄດ້ຮັບໝາກຜົນໃນການຈັດຕັ້ງປະຕິບັດເພື່ອຜັນຂະຫຍາຍໃຫ້ສືບຕໍ່ເປັນຮູບປະທຳຕື່ມອີກດ້ວຍ.

ນອກນີ້, ກໍໄດ້ມີວາລະອັນພິເສດ ຊຶ່ງ ທ່ານ ບໍ່ວຽງຄຳ ວົງດາລາ ໄດ້ຕາງໜ້າ ພັກ-ລັດ ແຫ່ງ ສປປ ລາວ ເປັນກຽດ ປະດັບຫຼຽນໄຊ ໃຫ້ການນໍາຂັ້ນສູງ ແລະ ການຈັດຕັ້ງຂອງ ກວຕ ແຫ່ງ ສສ ຫວຽດນາມ ໂດຍໄດ້ປະດັບຫຼຽນໄຊແຮງງານຊັ້ນ I ໃຫ້ ທ່ານ ຫງວຽນ ແມງ ຮຸງ ທີ່ມີຜົນງານດີເດັ່ນປະກອບສ່ວນດ້ານ ເຫື່ອແຮງ, ສະຕິປັນຍາ ເຂົ້າໃນການນໍາພາ-ຊີ້ນໍາ ການພັດທະນາສ້າງລະບົບປະຕິບັດການຮັກສາຄວາມປອດໄພ, ລະບົບລາຍເຊັນແບບເອເລັກໂຕຣນິກ ແລະ ການກໍ່ສ້າງຊັບພະຍາກອນມະນຸດ ໃນຂະແໜງການເຕັກໂນໂລຊີ ແລະ ການສື່ສານ ຂັ້ນສູນກາງ ແລະ ທ້ອງຖິ່ນ ແລະ ສ້າງຮ່າງນິຕິກໍາ ເພື່ອຄຸ້ມຄອງ ແລະ ການນໍາໃຊ້ເລກໝາຍອິນເຕີເນັດ ສົ່ງເສີມການຫັນປ່ຽນ ແລະ ການນໍາໃຊ້ IPv6 (ໂຕເລກລະບຸ ແລະ ກຳນົດຕົວຕົນພາຍໃນເນັດເວີກ); ຜົນງານດັ່ງກ່າວ, ເປັນການປະກອບສ່ວນອັນສໍາຄັນໃນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ; ພ້ອມນີ້, ກໍໄດ້ສືບຕໍ່ດຳເນີນພິທີປະດັບຫຼຽນໄຊມິດຕະພາບ ໃຫ້ແກ່ພະນັກງານສູນອິນເຕີເນັດ ສສ ຫວຽດນາມ 5 ສະຫາຍ ໄດ້ແກ່ ທ່ານ ຫງວຽນ ເລ ຖຸຍ ອະດີດຫົວໜ້າສູນອິນເຕີເນັດແຫ່ງຊາດອະດີດປະທານສະພາບໍລິຫານ ຂອງ ສູນອິນເຕີເນັດແຫ່ງຊາດ, ທ່ານ ຮວາງ ມິງ ເກືອງ ອະດີດຫົວໜ້າສູນອິນເຕີເນັດແຫ່ງຊາດຮອງເລຂາພັກ ແຂວງ ຮາຍຟອງ, ທ່ານ ເຈີນ ມິງ ເຕີນ ອະດີດຫົວໜ້າສູນອິນເຕີເນັດແຫ່ງຊາດຮອງອໍານວຍການສະຖາບັນຍຸດທະສາດຂໍ້ມູນຂ່າວສານ ແລະ ການສື່ສານ ແຫ່ງຊາດ, ທ່ານ ເລ ຫງອກ ດຶກ ປະທານສະພາບໍລິຫານສູນອິນເຕີເນັດແຫ່ງຊາດ, ທ່ານ ຫງວຽນ ຮົງ ຖັງ ຫົວໜ້າສູນອິນເຕີເນັດແຫ່ງຊາດ ແລະ ສືບຕໍ່ ດຳເນີນພິທີປະດັບຫຼຽນໄຊມິດຕະພາບ ໃຫ້ ສູນອິນເຕີເນັດ ແຫ່ງຊາດ ແຫ່ງ ສສ ຫວຽດນາມ.

ໃນໂອກາດເດີນທາງເຄື່ອນໄຫວວຽກດັ່ງກ່າວ, ທ່ານລັດຖະມົນຕີ, ຮອງລັດຖະມົນຕີ ພ້ອມດ້ວຍຄະນະ ຍັງໄດ້ຢ້ຽມຢາມ ແລະ ເຮັດວຽກຮ່ວມກັບ ບັນດາກົມ, ສູນ, ສະຖາບັນ ທີ່ຈະໄດ້ມີການຮ່ວມມືແລກປ່ຽນແນວທາງການພັດທະນາ.

(ຂ່າວ: ສຸກສະຫວັນ, ຂໍ້ມູນ-ພາບ: ກຕສ)

ສຳນັກຂ່າວຫວຽດນາມ ລາຍງານວ່າ: ເວລາ 14:30 ນາທີ ວັນທີ 25 ສິງຫາ 2025 ເກີດມີຝົນຕົກໜັກ ແລະ ລົມພັດແຮງ ເນື່ອງຈາກພາບຄວາມເສຍຫາຍ ເກີດຈາກຝົນຕົກໜັກ ແລະ ລົມແຮງ ຢູ່ ສສ ຫວຽດນາມ

ສຳນັກຂ່າວຫວຽດນາມ ລາຍງານວ່າ: ເວລາ 14:30 ນາທີ ວັນທີ 25 ສິງຫາ 2025 ເກີດມີຝົນຕົກໜັກ ແລະ ລົມພັດແຮງ ເນື່ອງຈາກພາຍຸຄາຈິກິ (ພາຍຸຫົວທີ 5) ກຳລັງຢູ່ບໍລິເວນນ່ານນ້ຳຊາຍຝັ່ງທະເລ ແຂວງເຫງະອານ-ຮ່າຕິງ ຄວາມແຮງຂອງລົມຢູ່ລະດັບ 16 ເກືອບ 190 ກິໂລແມັດ/ຊົ່ວໂມງ.

ເຈົ້າໜ້າທີ່ຕຳຫລວດຈະລາຈອນໄດ້ປະກາດຫ້າມພາຫະນະທຸກຊະນິດສັນຈອນໄປມາເທິງທາງດ່ວນສາຍເໜືອ-ໃຕ້ ທີ່ຜ່ານແຂວງເຫງະອານ.

ທີ່ມາ: ໜັງສືພິມລາວພັດທະນາ

ໃນວັນທີ 25 ສິງຫາ 2025 ນີ້, ທີ່ຫ້ອງວ່າການແຂວງໄຊສົມບູນ ໄດ້ຈັດກອງປະຊຸມດໍາເນີນຊີວິດການເມືອງພາຍໃນຄະນະບໍລິຫານງານພັກ ແຂວງໄຊສົມບູນ ທ້າຍສະໄໝທີ I, ໂດຍການໃຫ້ກຽດເປັນປະທານ ຂອງສະຫາຍ ພົນເອກ ຈັນສະໝອນ ຈັນຍາລາດກໍາມະການກົມການເມືອງສູນກາງພັກ, ຮອງນາຍົກລັດຖະມົນຕີ, ຜູ້ຊີ້ນໍາວຽກງານຮອບດ້ານແຂວງໄຊສົມບູນ, ມີສະຫາຍ ພອຍຄຳ ຮຸ່ງບຸນຍວງ ເລຂາພັກແຂວງ, ເຈົ້າແຂວງ ແຂວງໄຊສົມບູນ, ສະຫາຍ ປອ ດາວບົວລະພາ ບາວົງເພັດ ຮອງປະທານຄະນະກວດກາສູນກາງພັກ, ບັນດາສະຫາຍຮອງເລຂາ, ຄະນະປະຈໍາພັກແຂວງ, ກໍາມະການພັກແຂວງ, ບັນດາສະຫາຍຜູ້ຕາງໜ້າຈາກ ຄະນະຈັດຕັ້ງສູນກາງພັກ, ຫ້ອງວ່າການສູນກາງພັກ ແລະ ຄະນະຕິດຕາມຈາກສູນກາງ ເຂົ້າຮ່ວມ.

ໃນໂອກາດນີ້, ສະຫາຍ ເລຂາພັກ ແຂວງໄຊສົມບູນ ໄດ້ລາຍງານໃຫ້ຊາບວ່າ: ກອງປະຊຸມດຳເນີນຊີວິດການເມືອງພາຍໃນຄະນະບໍລິຫານງານພັກ ແຂວງໄຊສົມບູນ ທ້າຍສະໄໝທີ I ນີ້ ບັນດາສະຫາຍ ຄະນະບໍລິຫານງານພັກແຂວງ ຈະໄດ້ຜ່ານບົດສຳຫຼວດຕົນເອງ ແລະ ພ້ອມກັນປະກອບຄຳຄິດເຫັນ ຕີລາຄາຄືນຈຸດດີ, ຈຸດອ່ອນ, ຂໍ້ຄົງຄ້າງ ໃນການເຄື່ອນໄຫວຈັດຕັ້ງປະຕິບັດວຽກງານຮອບດ້ານຂອງຕົນ ໃນໄລຍະຜ່ານມາ ໂດຍສະເພາະ ດ້ານວຽກແນວຄິດ-ການ ເມືອງ, ແບບແຜນການນຳພາ-ຊີ້ນຳ ແລະ ວິທີການຈັດຕັ້ງປະຕິບັດ ເພື່ອຊອກໃຫ້ເຫັນບັນຫາຈຸດອ່ອນຂອງຕົນ ທີ່ຈະຕ້ອງໄດ້ປັບປຸງແກ້ໄຂ, ທັງເສີມຂະຫຍາຍຈຸດດີ ທີ່ຈະຕ້ອງເພີ່ມທະວີເຂົ້າໃນການຈັດຕັ້ງປະຕິບັດໜ້າທີ່ວຽກງານເມືອງ ທີ່ພັກ-ລັດ ແລະ ປະຊາຊົນ ມອບໝາຍ ໃຫ້ມີປະສິດທິພາບ, ປະສິດທິຜົນ ປະກອບສ່ວນເຂົ້າໃນການສ້າງສາພັດທະນາ ແຂວງໄຊສົມບູນ ໃຫ້ນັບມື້ນັບໄດ້ຮັບການພັດທະນາດີຂຶ້ນຢ່າງບໍ່ຢຸດຢັ້ງ.

ໂອກາດດຽວກັນ, ສະຫາຍ ພົນເອກ ຈັນສະໝອນ ຈັນຍາລາດ ໄດ້ມີບາງຄໍາເຫັນວ່າ: ການສໍາຫຼວດການນໍາພາລວມ ແລະ ການສໍາຫຼວດຕີລາຄາຕົນເອງ ຕ້ອງບົນພື້ນຖານໜ້າທີ່ຄວາມຮັບຜິດຊອບ, ຕຳແໜ່ງ, ມາດຖານ, ຕີລາຄາຢ່າງເລິກເຊິ່ງ, ຖືກຕ້ອງ, ພາວະວິໄສ ແລະ ແທດຕົວຈິງ ລວມທັງ ການປະຕິບັດບັນດາຂໍ້ຫ້າມ ສໍາລັບສະມາຊິກພັກ-ພະນັກງານ ແລະ ລະບຽບການຕ່າງໆ ເຊິ່ງຕ້ອງຕື່ນຕົວຊອກໃຫ້ເຫັນດ້ານດີ-ຜົນສໍາເລັດ, ດ້ານອ່ອນ-ຂໍ້ຄົງຄ້າງ ແລະ ຂໍ້ບົກພ່ອງຂອງຕົນເອງ; ໃນກໍລະນີ ໝູ່ຄະນະ ແລະ ເພື່ອນສະຫາຍ ຍັງເຫັນມີບັນຫາໃດ ກໍໃຫ້ຕຳນິສົ່ງຂ່າວກໍ່ສ້າງ ເຊິ່ງກັນ ແລະ ກັນ ບົນຈິດໃຈເພື່ອນສະຫາຍຮ່ວມອຸດົມການອັນດຽວກັນ, ຊ່ວຍເຫຼືອເຊິ່ງກັນ ແລະ ກັນ ເພື່ອພ້ອມກັນກ້າວໜ້າ, ຮັບປະກັນຄວາມສາມັກຄີ ເພື່ອເຮັດໃຫ້ພາຍໃນພັກ ມີຄວາມປອດໃສ ເຂັ້ມແຂງ ແລະ ໜັກແໜ້ນ; ການດໍາເນີນຊີວິດການເມືອງໃນຄັ້ງນີ້, ຕ້ອງບົນພື້ນຖານເສີມຂະຫຍາຍປະຊາທິປະໄຕພາຍໃນພັກ ຢ່າງກວ້າງຂວາງ-ເລິກເຊິ່ງ, ມີລັກສະນະສ້າງສັນ, ຮັບປະກັນຄວາມສາມັກຄີອັນເປັນປຶກແຜ່ນ ພາຍໃນພັກ-ພະນັກງານ; ເດັດດ່ຽວຕໍ່ສູ້ກັບທັດສະນະແນວຄິດທີ່ບໍ່ຖືກຕ້ອງ, ເອົາໃຈໃສ່ສໍາຫຼວດກວດກາ-ຕຳນິສົ່ງຂ່າວຊ່ວຍເຫຼືອເຊິ່ງກັນ ແລະ ກັນ ແລະ ພ້ອມກັນແກ້ໄຂໃຫ້ຈະແຈ້ງ, ປອດໃສຂາວສະອາດ ແລະ ມີຄວາມສະຫງົບ; ຕ້ອງມີຄວາມເຂົ້າໃຈຢ່າງເລິກເຊິ່ງ ຕໍ່ການຕິຊົມຕົນເອງ ແລະ ຕິຊົມກັນ ເຊິ່ງແມ່ນຫຼັກການນໍາພາລວມຂອງພັກ.

ໄຊຊະນະອັນຍິ່ງໃຫຍ່ໃນການຕໍ່ສູ້ເພື່ອປົດປ່ອຍຊາດ, ເອກະພາບ ຂອງ ປະເທດ, ປົກປ້ອງປະເທດຊາດ ແລະ ປະຕິບັດໜ້າທີ່ສາກົນ ຢ່າງສົມບູນພາຍຫລັງໄຊຊະນະອັນສະຫງ່າງາມ ຂອງການປະຕິວັດ ເດືອນ ສິງຫາປີ 1945, ສາທາລະນະລັດ ປະຊາທິປະໄຕຫວຽດນາມ ໄດ້ກໍາເນີດຂຶ້ນ ໃນສະພາບການທີ່ເຕັມໄປດ້ວຍຄວາມຫຍຸ້ງຍາກ ແລະ ສິ່ງທ້າທາຍ. ລັດ ຖະບານປະຕິວັດ ທີ່ຍັງອ່ອນນ້ອຍຕ້ອງປະເຊີນກັບຄວາມຫຍຸ້ງຍາກ ແລະ ໄພຂົ່ມຂູ່ຫລາຍດ້ານ ໃນທ່າມກາງສະຖານະການທີ່ຂ້ຽວຂາດ ມີທັງສັດຕູ ພາຍໃນ ແລະ ພາຍ ນອກ. ຕໍ່ສະພາບການນັ້ນ, ພາຍໃຕ້ການນຳພາຢ່າງ ເດັດດ່ຽວ, ສະຫລາດ ສ່ອງໃສ ແລະ ຍຶດໝັ້ນຂອງພັກ ແລະ ປະທານໂຮ່ຈີ ມິງ, ທົ່ວປວງຊົນໄດ້ ໂຮມພະລັງເປັນໜຶ່ງດຽວ ສະແດງອອກຢ່າງສູງສຸດ ເຖິງຈິດໃຈແຫ່ງການເພິ່ງພາຕົນເອງ, ຄວາມກ້າຫານ ແລະ ສະຕິປັນຍາ ໃນການສ້າງສັນ, ກ້າວຜ່ານອຸປະສັກ ແລະ ບົດທົດສອບອັນໂຫດຮ້າຍຂອງ ປະຫວັດສາດໄດ້ຢ່າງ ໝັ້ນຄົງ.

ໃນໄລຍະປີ 1945-1946, ພັກ ແລະ ປະທານໂຮ່ຈີມິງ ໄດ້ຊີ້ນຳປະຊາຊົນທັງ ປະເທດດຳເນີນພ້ອມກັນສອງພາລະກິດຄື: ການສ້າງລັດຖະບານປະຕິວັດ ແລະ ການປົກປ້ອງຜົນໄດ້ຮັບຂອງການປະຕິວັດເດືອນສິງຫາ. ການເລືອກ ຕັ້ງຄັ້ງໃຫຍ່ເມື່ອວັນທີ 6 ມັງກອນ 1946 ຈັດຂຶ້ນດ້ວຍຜົນສຳເລັດ, ສະພາ ແຫ່ງຊາດຊຸດທີ 1 ໄດ້ສ້າງຕັ້ງຂຶ້ນ, ລັດຖະທຳມະນູນປະຊາທິປະໄຕສະບັບ ທຳ ອິດ ໄດ້ປະກາດໃຊ້. ລັດຖະບານປະຕິວັດ ໄດ້ເສີມສ້າງຢ່າງຕໍ່ເນື່ອງ, ຂະບວນ ການກຳຈັດ “ສັດຕູ ອຶດຢາກ”, “ສັດຕູກືກໜັງສື” ແລະ “ສັດຕູຮຸກຮານຈາກ ພາຍນອກ” ໄດ້ຖືກຈຸດປະກາຍຂຶ້ນຢ່າງຄຶກຄັກ ແລະ ບັນດາອຳນາດຝ່າຍກົງ ກັນຂ້າມການປະຕິວັດຖືກປາບປາມ.

ເມື່ອຜະເຊີນໜ້າກັບແຜນການຮຸກຮານຄັ້ງທີສອງຂອງຈັກກະພັດຝຣັ່ງ, ໃນຄືນວັນທີ 19 ທັນວາ 1946, ປະທານໂຮ່ຈີມິນ ໃນນາມສູນກາງພັກ ແລະ ລັດຖະບານ, ໄດ້ອອກ “ຄຳຮຽກຮ້ອງໃຫ້ທົ່ວປະເທດລຸກຂຶ້ນຕໍ່ຕ້ານການຮຸກ ຮານ” ດ້ວຍຄວາມມຸ່ງໝັ້ນວ່າ: “ພວກເຮົາຍອມເສຍສະລະທຸກສິ່ງ, ແຕ່ຈະບໍ່ ຍອມເສຍປະເທດ ແລະ ຈະບໍ່ຍອມເປັນຂ້າທາດຢ່າງເດັດຂາດ!”ດ້ວຍແນວ ທາງການຕໍ່ຕ້ານສົງຄາມແບບທົ່ວຊາດ, ທຸກດ້ານ, ຕໍ່ສູ້ໄລຍະຍາວ, ປະສົມ ປະສານການຕໍ່ສູ້ທາງການທະຫານ, ການເມືອງ ແລະ ການທູດຄຽງຄູ່ກັບ ການສ້າງຊາດ, ພັກໄດ້ຊີ້ນຳປະຊາຊົນຫວຽດນາມເອົາຊະນະເທື່ອລະຂັ້ນຕໍ່ຍຸດທະສາດຂອງຈັກກະພັດຝຣັ່ງ. ຈຸດສູງສຸດແມ່ນໄຊຊະນະ ດຽນບຽນຟູ ປີ 1954 -ບົດມະຫາກາບອັນຍິ່ງໃຫຍ່ທີ່ “ກ້ອງກັງວານໄປທົ່ວ 5 ທະວີບ, ສະ ເທືອນທົ່ວໂລກ” ບັງຄັບໃຫ້ລັດຖະບານຝຣັ່ງ ຕ້ອງລົງນາມໃນຂໍ້ຕົກ ລົງເຊີ ແນວ, ຍອມຮັບສິດທິພື້ນຖານຂອງຊາດຫວຽດນາມ ແລະ ຢຸດຕິລົງດ້ວຍ ໄຊຊະນະສົງຄາມຕໍ່ຕ້ານຝຣັ່ງທີ່ຍາວນານ 9 ປີ ພ້ອມທັງການແຊກແຊງ ຈາກສະຫະລັດອາເມລິກາ.

ຢ່າງໃດກໍຕາມ, ຕໍ່ມາຈັກກະພັດອາເມລິກາ ໄດ້ເຂົ້າມາແຊກແຊງພາກ ໃຕ້ຂອງຫວຽດນາມຢ່າງດຸເດືອດໜັກກວ່າເກົ່າ, ດຳເນີນແຜນການແບ່ງ ແຍກປະເທດຫວຽດນາມ ຢ່າງຍືດເຍື້ອ, ຍົກເວັ້ນພາກໃຕ້ໃຫ້ກາຍເປັນ ຫົວ ເມືອງຂຶ້ນຮູບແບບໃໝ່. ທ່າມກາງສະພາບການນັ້ນ, ພາຍໃຕ້ການນຳພາ ຂອງພັກ ແລະ ປະທານໂຮ່ຈີມິງ, ທົ່ວພັກ, ທົ່ວປວງຊົນ ແລະ ທົ່ວກອງ ທັບ ຂອງພວກເຮົາໄດ້ຢືນຢັນປະຕິບັດສອງພາລະກິດຍຸດທະສາດຢ່າງເດັດ ຂາດ ຄື: ການປະຕິວັດສັງຄົມນິຍົມໃນພາກເໜືອ – ການສ້າງແນວຫລັງ ຂະ ໜາດໃຫຍ່ໃຫ້ແກ່ທົ່ວປະເທດ ແລະ ການປະຕິວັດປະຊາທິປະ ໄຕຊາດ ໃນ ພາກໃຕ້-ການຕໍ່ສູ້ເພື່ອປົດປ່ອຍພາກໃຕ້ ແລະ ທ້ອນໂຮມປະເທດຊາດ. ສົງ ຄາມຕໍ່ຕ້ານອາເມຣິກາເພື່ອກູ້ຊາດເປັນມະຫາກາບວີລະກຳຂອງຊາດ ຫວຽດນາມ ໃນສະຕະວັດທີ 20. ຕະຫລອດໄລຍະເວລາ 21 ປີທີ່ຍາວນານ, ເຕັມໄປດ້ວຍຄວາມຫຍຸ້ງຍາກ ແລະ ຄວາມສະຫງ່າງາມ (1954-1975), ພັກ ກອມມູນິດຫວຽດນາມ ໄດ້ຊີ້ນຳປະຊາຊົນສອງພາກຂອງປະເທດໃຫ້ຄ່ອຍໆ ເອົາຊະນະເທື່ອລະຂັ້ນ ຕໍ່ຍຸດທະສາດສົງຄາມຂອງຈັກກະພັດອາເມລິກາ. ພາກເໜືອທັງຕໍ່ສູ້ຕໍ່ຕ້ານສົງຄາມທຳລາຍລ້າງ ທັງມຸ່ງໝັ້ນຟື້ນຟູ ແລະ ພັດ ທະນາເສດຖະກິດ, ປະຕິບັດໜ້າທີ່ແນວຫລັງໃຫຍ່, ສົ່ງກຳລັງສະໜັບສະ ໜູນບໍ່ຂາດສາຍໄປຍັງແນວໜ້າພາກໃຕ້.

ໄຊຊະນະ ອັນຍິ່ງໃຫຍ່ໃນລະດູບານໃໝ່ປີ 1975 ໂດຍມີຈຸດໝາຍສູງສຸດ ຄືບັ້ນຮົບໂຮ່ຈີມິນທີ່ເປັນຂີດໝາຍປະຫວັດສາດ, ໄດ້ປິດສາກລົງດ້ວຍ ໄຊຊະ ນະຢ່າງສົມບູນຂອງສົງຄາມຕໍ່ຕ້ານອາເມລິກາເພື່ອກູ້ຊາດ, ປົດປ່ອຍພາກ ໃຕ້ຢ່າງສົມບູນ ແລະ ລວມປະເທດເປັນເອກະພາບ.

ພາຍຫລັງວັນທ້ອນໂຮມປະເທດຊາດ, ປະເທດຍັງຕ້ອງຜະເຊີນໜ້າ ກັບຄວາມຫຍຸ້ງຍາກມະຫາສານ. ດ້ານໜຶ່ງຕ້ອງເລັ່ງຟື້ນຟູຜົນກະທົບອັນ ໜັກໜ່ວງຈາກສົງຄາມກວ່າ 30 ປີ, ເຮັດໃຫ້ຊີວິດປະຊາຊົນມີສະຖຽນລະ ພາບ, ເສີມສ້າງລັດຖະບານປະຕິວັດ ແລະ ສ້າງເສດຖະກິດທີ່ເປັນອິດສະລະ ແລະ ເພິ່ງຕົນເອງໄດ້. ອີກດ້ານໜຶ່ງ ຕ້ອງຕໍ່ສູ້ປົກປ້ອງຊາຍແດນ, ຮັກສາເອ ກະລາດ ແລະ ອະທິປະໄຕອັນສັກສິດຂອງປະເທດຊາດ, ພ້ອມທັງປະຕິບັດ ໜ້າທີ່ສາກົນອັນສູງສົ່ງໃນການຊ່ວຍເຫລືອປະຊາຊົນກຳປູເຈຍໃຫ້ພົ້ນຈາກ ໄພຂ້າລ້າງເຜົ່າພັນ ແລະ ເລີ່ມຂະບວນການຟື້ນຟູປະເທດ. ໃນຂະນະທີ່ຕ້ອງ ຕໍ່ສູ້ອົດທົນເພື່ອປົກປ້ອງປະເທດຊາດ, ຫວຽດນາມຍັງຕ້ອງຜະເຊີນກັບ ການຖືກປິດລ້ອມ ແລະ ຂວ້ຳບາດຍາວນານຈາກພາຍນອກ. ຂະນະດຽວ ກັນ, ກົນໄກການບໍລິຫານແບບລວມສູນ, ອາດຍາສິດ ແລະ ການເກື້ອກູນ ກໍບໍ່ສອດຄ່ອງອີກຕໍ່ໄປ, ກໍ່ໃຫ້ເກີດຂໍ້ຈຳກັດ ແລະ ບັນຫາຫລາຍດ້ານໃນ ການພັດທະນາເສດຖະກິດ-ສັງຄົມ. ພາຍໃຕ້ເງື່ອນໄຂອັນຫຍຸ້ງຍາກນັ້ນ, ພັກຍັງຄົງຮັກສາບົດບາດການນຳພາຢ່າງໝັ້ນຄົງ, ຢືນຢັນເປົ້າໝາຍເອກະ ລາດຂອງຊາດຄຽງຄູ່ກັບສັງຄົມນິຍົມ, ເສີມສ້າງພະລັງແຫ່ງຄວາມສາມັກຄີ ຂອງຊາດເທື່ອລະກ້າວ, ກ້າວຜ່ານອຸປະສັກ, ຟື້ນຟູເສດຖະກິດຢ່າງວ່ອງໄວ, ຮັກສາສະຖຽນລະພາບທາງການເມືອງ-ສັງຄົມ ແລະ ອະທິປະໄຕຂອງຊາດ, ວາງຮາກຖານເພື່ອການປ່ຽນແປງຍຸດທະສາດໃນແນວຄິດການພັດທະນາ.

ສິບປີຫລັງການທ້ອນໂຮມປະເທດຊາດ (1975-1985) ເປັນໄລຍະເວລາແຫ່ງ ບົດທົດສອບຄັ້ງໃຫຍ່, ເປັນໄລຍະທີ່ພັກຂອງພວກເຮົາຄ່ອຍໆສະແຫວງຫາ ເສັ້ນ ທາງໃໝ່ແຫ່ງການປະຕິຮູບ.

ແນວຄິດການພັດທະນາເລີ່ມກໍ່ໂຕຂຶ້ນຈາກຄວາມເປັນຈິງ ອັນມີຊີວິດຊີ ວາ ຂອງການປະຕິວັດໃນຫວຽດນາມ. ຜົນສຳເລັດ, ລວມທັງຄວາມຫຍຸ້ງ ຍາກ ແລະ ຂໍ້ຈຳກັດໃນເວລານັ້ນ, ໄດ້ປະບົດຮຽນອັນລ້ຳຄ່າໄວ້ ແລະ ວາງ ຮາກຖານທັງດ້ານແນວຄິດ ແລະ ພາກປະຕິບັດໃຫ້ແກ່ຂະບວນການ “ ປ່ຽນແປງໃໝ່” (ການປະຕິຮູບ) ຢ່າງຮອບດ້ານ ທີ່ພັກໄດ້ລິເລີ່ມມາຕັ້ງແຕ່ປີ 1986.

ຜົນສຳເລັດອັນຍິ່ງໃຫຍ່ ແລະ ມີຄວາມໝາຍທາງປະຫວັດສາດໃນການນຳ ພາປະເທດກ້າວສູ່ສັງຄົມນິຍົມ- ປະເທດທີ່ມີລະບອບການເມືອງ ເປັນເອກະ ລາດ, ມີອະທິປະໄຕເໜືອດິນແດນ ແລະ ມີສິດໃນການກຳນົດເສັ້ນທາງ ການພັດທະນາຂອງຕົນເອງໄຊຊະນະຂອງການປະຕິວັດ ເດືອນສິງຫາ ປີ 1945 ໄດ້ເປີດຈຸດປ່ຽນຄັ້ງຍິ່ງໃຫຍ່ໃນປະຫວັດສາດຂອງ ຫວຽດນາມ. ເຫດ ການວັນທີ 2 ກັນຍາ 1945 ກັບການສ້າງຕັ້ງສາທາລະນະລັດ ປະຊາທິປະໄຕ ຫວຽດນາມ – ລັດປະຊາທິປະໄຕ ຂອງປະຊາຊົນແຫ່ງທຳອິດໃນອາຊີ ຕາເວັນ ອອກສຽງໃຕ້-ໄດ້ຢຸດຕິລະບອບສັກດີນາຕະຫລອດໄປ ແລະ ປິດສາກກວ່າ 80 ປີແຫ່ງການຕົກເປັນຫົວເມືອງຂຶ້ນ. ນັບແຕ່ນັ້ນມາ, ປະເທດຊາດຫວຽດ ນາມ ໄດ້ກ້າວເຂົ້າສູ່ຍຸກແຫ່ງເອກະລາດຂອງຊາດ ຄຽງຄູ່ກັບສັງຄົມນິຍົມ.

ສືບເນື່ອງຈາກໄຊຊະນະນັ້ນ, ວັນທີ 6 ມັງກອນ ປີ1946, ການເລືອກຕັ້ງໃຫຍ່ ທົ່ວປະເທດຄັ້ງທຳອິດ ໄດ້ຈັດຂຶ້ນຕາມຫລັກການປະຊາທິປະໄຕ ແລະ ກ້າວ ໜ້າ, ໂດຍມີຜູ້ແທນສະພາແຫ່ງຊາດຈຳນວນ 333 ຄົນໄດ້ຮັບການເລືອກ ຕັ້ງດ້ວຍຄວາມໄວ້ວາງໃຈຈາກປະຊາຊົນທັງປະເທດ. ສະພາແຫ່ງຊາດຊຸດທີ 1 ໄດ້ຜ່ານລັດຖະທຳມະນູນປີ 1946, ວາງຮາກຖານທາງກົດໝາຍສຳລັບ ລັດຮູບແບບໃໝ່, ຢືນຢັນອຳນາດຂອງປະຊາຊົນ, ໂດຍປະຊາຊົນ ແລະ ເພື່ອ ປະຊາຊົນ, ເຊິ່ງມີຄຸນສົມບັດຄົບຖ້ວນໃນການເປັນຕົວແທນຂອງປະ ເທດ ໃນເວທີສາກົນ.

ພາຍຫລັງ 3 ທົດສະວັດແຫ່ງສົງຄາມປົດປ່ອຍທີ່ຍາວນານ, ໂດຍມີຈຸດ ໝາຍສູງສຸດຄື ໄຊຊະນະອັນຍິ່ງໃຫຍ່ໃນລະດູບານໃໝ່ປີ 1975, ພາກໃຕ້ໄດ້ ຮັບການປົດປ່ອຍຢ່າງສົມບູນ, ແຜ່ນດິນໄດ້ໂຮມເປັນໜຶ່ງດຽວ. ກອງປະ ຊຸມຄະນະກຳມະການສູນກາງຄັ້ງທີ 24 (ກັນຍາ 1975) ໄດ້ກຳນົດພາລະກິດ ໃນການບັນລຸເອກະພາບຂອງປະເທດໃນດ້ານລັດ. ຜົນໄດ້ຮັບຄື ວັນທີ 25 ເມສາ ປີ1976, ມີຜູ້ມີສິດເລືອກຕັ້ງຫລາຍກວ່າ 23 ລ້ານຄົນ (ຄິດເປັນ 98,8% ຂອງຈຳນວນທັງໝົດ) ເຂົ້າຮ່ວມການເລືອກຕັ້ງທົ່ວໄປເພື່ອເລືອກ ສະພາແຫ່ງຊາດຮ່ວມຂອງທົ່ວປະເທດ. ໃນກອງປະຊຸມຄັ້ງທຳອິດ, ລັດຖະ ສະພາ ໄດ້ລົງມະຕິປະກາດຊື່ປະເທດເປັນ “ສາທາລະນະລັດສັງຄົມນິຍົມ ຫວຽດນາມ”, ທຸງຊາດເປັນທຸງແດງ ດາວທອງ, ເພງຊາດຄື “ຕຽນກວນກາ”, ຊື່ປະເທດວ່າ “ສາທາລະນະລັດສັງຄົມນິຍົມ ຫວຽດນາມ”, ກຳນົດໃຫ້ ຮ່າໂນ້ຍ ເປັນເມືອງຫລວງ ແລະ ປ່ຽນຊື່ເມືອງໄຊງ່ອນເປັນ “ນະຄອນໂຮ່ຈີມິງ”.

ການບັນລຸເອກະພາບຂອງປະເທດໃນດ້ານລັດ ໄດ້ສ້າງເງື່ອນໄຂທາງການ ເມືອງພື້ນຖານໃນການລະດົມ ແລະ ເສີມສ້າງພະລັງແຫ່ງຄວາມສາມັກ ຄີຂອງທົ່ວຊາດ, ເປີດທາງໃຫ້ແກ່ພາລະກິດການສ້າງສາ ແລະ ການປົກປ້ອງ ປະເທດຊາດໃນຍຸກສະໄໝໃໝ່, ເນັ້ນໜັກສິດ ໃນການກຳນົດຊາຕາກຳ ຂອງປະຊາຊົນຫວຽດນາມ ຕາມເສັ້ນທາງແຫ່ງຄວາມໝັ້ນຄົງໃນເອກະລາດ ຂອງຊາດຄຽງຄູ່ກັບສັງຄົມນິຍົມ, ເພື່ອສ້າງປະເທດໃຫ້ຮັ່ງມີ, ສີວິໄລ ແລະ ເຂັ້ມແຂງ.

– ການຮັບຮູ້ກ່ຽວກັບສັງຄົມນິຍົມ ແລະ ເສັ້ນທາງສູ່ສັງຄົມນິຍົມມີຄວາມ ຊັດເຈນຫລາຍຂຶ້ນ.

ນັບຕັ້ງແຕ່ກໍ່ຕັ້ງໃນເດືອນກຸມພາ ປີ 1930, ພັກກອມມູນິດຫວຽດນາມ ໄດ້ ຢືນຢັນເທິງເສັ້ນທາງສັງຄົມນິຍົມ. ແນວທາງການເມືອງສະບັບທຳອິດ ທີ່ໄດ້ ຮັບການຮັບຮອງໃນກອງປະຊຸມກໍ່ຕັ້ງພັກ ໄດ້ກຳນົດເປົ້າໝາຍຍຸດທະສາດ ວ່າ: “ເຮັດໃຫ້ປະເທດຫວຽດນາມໄດ້ຮັບ ເອກະລາດຢ່າງສົມບູນ” ເພື່ອ “ມຸ່ງ ໄປສູ່ສັງຄົມກອມມູນິດ”. ຕໍ່ມາ, ໂຄງການການເມືອງ ເດືອນຕຸລາ ປີ 1930 ໄດ້ລະບຸຢ່າງຊັດເຈນວ່າ: ການປະຕິວັດໃນຫວຽດນາມຈະ “ຂ້າມໄລຍະທຶນນິ ຍົມ ແລະ ກ້າວເຂົ້າສູ່ເສັ້ນທາງສັງຄົມນິຍົມໂດຍກົງ”. ໄຊຊະນະຂອງການປະ ຕິວັດເດືອນສິງຫາ 1945 ພາຍໃຕ້ການນຳພາຂອງ ພັກ ແລະ ປະທານ ໂຮ່ຈີ ມິງ ໄດ້ລົບລ້າງແອກຫົວເມືອງຂຶ້ນ ແລະ ສັກດີນາ, ເປີດຍຸກສະໄໝ ແຫ່ງ ເອກະລາດຂອງຊາດທີ່ຄຽງຄູ່ກັບສັງຄົມນິຍົມ-ຍຸກສະໄໝທີ່ປະຊາຊົນເປັນ ເຈົ້າຂອງສັງຄົມ ແລະ ຊີວິດຂອງຕົນເອງ.

ທີ່ກອງປະຊຸມໃຫຍ່ຂອງພັກຄັ້ງທີ 2 (ກຸມພາ 1951), ໂຄງການການ ເມືອງຫວຽດນາມ ໄດ້ນຳສະເໜີເປັນຄັ້ງທຳອິດເຖິງເງື່ອນໄຂ ແລະ ແນວ ທາງໃນການກ້າວສູ່ສັງຄົມນິຍົມ. ພາຍຫລັງສອງທົດສະວັດແຫ່ງສົງຄາມ ປົດປ່ອຍ ແລະ ສົງຄາມປົກປ້ອງປະເທດຊາດ, ການຮັບຮູ້ດັ່ງກ່າວຍັງຄົງໄດ້ ຮັບການຢືນຢັນ ແລະ ພັດທະນາ. ຈຸດປ່ຽນຂອງການປະຕິຮູບຮອບດ້ານ ທີ່ ກອງປະຊຸມໃຫຍ່ຂອງພັກຄັ້ງທີ 6 (ທັນວາ 1986) ໄດ້ລິເລີ່ມຂຶ້ນ, ໄດ້ຮັບການ ຫັນເປັນທິດສະດີໂດຍການປະຍຸກໃຊ້ຢ່າງສ້າງສັນລັດທິມາກ-ເລນິນ ແລະ ແນວຄິດໂຮ່ຈີມິງ, ພ້ອມທັງການສະຫລຸບຈາກປະສົບການຕົວຈິງ ຂອງການ ປະຕິວັດໃນປະເທດ, ເຊິ່ງໄດ້ສ້າງຮາກຖານໃຫ້ແກ່ແນວຄິດໃໝ່ກ່ຽວກັບໄລ ຍະເວລາການຫັນປ່ຽນສູ່ສັງຄົມນິຍົມ.

ແນວທາງການສ້າງປະເທດໃນໄລຍະຂ້າມຜ່ານສູ່ສັງຄົມນິຍົມ ໄດ້ຮັບ ການອະນຸມັດຈາກກອງປະຊຸມໃຫຍ່ຄັ້ງທີ 7 (ມິຖຸນາ 1991) ແລະ ແນວທາງ ສະບັບເພີ່ມເຕີມ ແລະ ພັດທະນາ (2011) ທີ່ໄດ້ຮັບການຮັບຮອງ ຈາກກອງ ປະຊຸມໃຫຍ່ຄັ້ງທີ 11 ຖືເປັນຈຸດໝາຍສຳຄັນໃນການພັດທະນາທາງທິດສະ ດີ. ລັກສະນະ 8 ດ້ານຂອງສັງຄົມສັງຄົມນິຍົມ ທີ່ໄດ້ກຳນົດໄວ້ໃນ ແນວທາງ ສະບັບປີ 2011 ຊ່ວຍໃຫ້ພັກມີຄວາມເຂົ້າໃຈເລິກເຊິ່ງຍິ່ງຂຶ້ນ ກ່ຽວກັບປະຊາ ທິປະ ໄຕສັງຄົມນິຍົມ, ສິດໃນການເປັນເຈົ້າຂອງຂອງປະຊາຊົນ; ກ່ຽວກັບ ເປົ້າໝາຍການພັດທະນາຢ່າງວ່ອງໄວ ແລະ ຍືນຍົງ, ໂດຍຢຶດຖືເອົາຄຸນນະ ພາບ, ປະສິດທິພາບ ແລະ ຄວາມສາມາດ ໃນການແຂ່ງຂັນຂອງເສດຖະກິດ ເປັນໃຈກາງ; ກ່ຽວກັບຊັບພະຍາກອນມະນຸດ ແລະ ວັດທະນະທຳ ເຊິ່ງເປັນ ຮາກຖານທາງຈິດໃຈ ແລະ ພະລັງພາຍໃນຂອງການພັດທະນາ; ກ່ຽວກັບພະ ລັງ ແຫ່ງຄວາມສາມັກຄີຂອງທົ່ວຊາດ ທີ່ເຊື່ອມໂຍງກັບການຂະຫຍາຍສາຍ ພົວພັນສາກົນ, ການປະສົມປະສານພະລັງຂອງຊາດ ແລະ ພະລັງຂອງຍຸກ ສະໄໝ.

ນັບຕັ້ງແຕ່ກອງປະຊຸມໃຫຍ່ຄັ້ງທີ 7 ຈົນເຖິງຄັ້ງທີ 13, ແນວທາງການປະ ຕິຮູບ ໄດ້ຮັບການປັບປຸງຢ່າງຕໍ່ເນື່ອງ ແລະ ຍຶດໝັ້ນລັດທິມາກ-ເລນິນ ແລະ ແນວຄິດໂຮ່ຈີມິງ ໃນຖານະຮາກຖານທາງອຸດົມການ ແລະ ເຂັມທິດ ນຳພາການປະຕິບັດທຸກດ້ານ, ພ້ອມທັງເນັ້ນໜັກເຖິງຄວາມ ຈຳເປັນໃນ ການປະຕິຮູບຢ່າງຄົບຊຸດ, ຮອບດ້ານໃນທຸກດ້ານ ແລະ ຄົງໄວ້ເຊິ່ງທິດທາງ ສັງຄົມນິຍົມ.

ຜົນງານຈາກການປະຕິຮູບເກືອບ 4 ທົດສະວັດທີ່ຜ່ານມາ, ໄດ້ພິສູດ ເຖິງຄວາມຖືກຕ້ອງ ແລະ ຄວາມສ້າງສັນຂອງເສັ້ນທາງສັງຄົມນິຍົມໃນ ຫວຽດນາມ. ເສດຖະກິດ ຍັງຄົງຮັກສາອັດຕາການເຕີບໂຕໃນລະດັບສູງ ຂຶ້ນຢ່າງຕໍ່ເນື່ອງ, ຊີວິດຄວາມເປັນຢູ່ຂອງປະຊາຊົນດີຂຶ້ນຢ່າງຊັດເຈນ, ສະ ຖານະ ແລະ ຊື່ສຽງຂອງປະເທດໃນເວທີສາກົນ ກໍໄດ້ຮັບການຍົກລະດັບຢ່າງ ບໍ່ຢຸດຢັ້ງ. ໝາກຜົນເຫລົ່ານີ້ ຢືນຢັນວ່າ ເສັ້ນທາງສູ່ສັງຄົມນິຍົມສອດຄ່ອງ ພາວະເປັນຈິງຂອງຫວຽດນາມ ແລະ ທ່າອ່ຽງການພັດທະນາຂອງຍຸກສະ ໄໝ, ພ້ອມກັນນັ້ນ ຍັງສະແດງໃຫ້ເຫັນເຖິງການພັດທະນາທາງທິດສະດີ ທີ່ຊັດເຈນຍິ່ງຂຶ້ນກ່ຽວກັບສັງຄົມນິຍົມ ແລະ ໄລຍະຂ້າມຜ່ານ ພາຍໃຕ້ການ ນຳພາຂອງພັກກອມມູນິດຫວຽດນາມ.

– ເສດຖະກິດຫລຸດພົ້ນຈາກພາວະຢຸດຈຶ້ງ, ວິກິດ ແລະ ຄວາມຫລ້າຫລັງ, ກາຍເປັນປະເທດກຳລັງພັດທະນາທີ່ມີລາຍໄດ້ປານກາງ.

ໄລຍະປີ 1945-1954 ເປັນໄລຍະເລີ່ມຕົ້ນຂອງການສ້າງເສດຖະກິດໃໝ່ໃນ ຫວຽດນາມ ແລະ ໃນຂະນະດຽວກັນກໍເປັນໄລຍະເວລາທີ່ຫຍຸ້ງຍາກທີ່ ສຸດ ໃນປະຫວັດສາດການພັດທະນາຂອງປະເທດ. ພາຍຫລັງການຍາດເອົາ ອຳນາດການປົກຄອງປະເທດຕ້ອງເຂົ້າສູ່ສົງຄາມຕໍ່ຕ້ານຈັກກະພັດຝຣັ່ງ ອັນຍາວນານ, ພາລະກິດການສ້າງ ແລະ ການປັບປຸງເສດຖະກິດ ຈຶ່ງຖືກດຳ ເນີນໄປໃນສະພາບທີ່ເຕັມໄປດ້ວຍຄວາມຫຍຸ້ງຍາກ. ພາຍໃຕ້ການນຳພາ ຂອງພັກ, ຫວຽດນາມໄດ້ຄ່ອຍໆປ່ຽນແປງເສດຖະກິດທີ່ຍັງຄົງຕົກຄ້າງ ຈາກ ລະບອບຫົວເມືອງຂຶ້ນ ແລະ ສັກດີນາ ທີ່ຫລ້າຫລັງ ແລະ ເອື່ອຍອີງ, ກາຍ ເປັນເສດຖະກິດປະຊາທິປະໄຕ ແລະ ເປັນອິດສະລະ, ທີ່ຕອບສະໜອງໂດຍ ກົງຕໍ່ພາລະກິດການຕໍ່ສູ້ເພື່ອປົດປ່ອຍ ແລະ ສ້າງຊາດ.

ໄລຍະປີ 1955 ເຖິງ 1975, ປະເທດຖືກແບ່ງອອກເປັນສອງພາກ, ໂດຍມີ ສອງຮູບແບບເສດຖະກິດ-ສັງຄົມທີ່ແຕກຕ່າງກັນ. ໃນພາກເໜືອ, ພັກ ແລະ ລັດ ຫວຽດນາມ ໄດ້ຊີ້ນຳການດຳເນີນພາລະກິດ ທາງເສດຖະກິດ ໃຫ້ ເໝາະສົມກັບແຕ່ລະໄລຍະ: ຈາກການຟື້ນຟູ ແລະ ປົວແປງຮໍາບາດແຜ ຂອງສົງຄາມ (1955-1957) ໄປຈົນເຖິງການປະຕິຮູບທີ່ດິນ ແລະ ການປັບ ປ່ຽນສາຍພົວພັນການຜະລິດຕາມແນວທາງສັງຄົມນິຍົມ (1958-1960) ແລ້ວຈຶ່ງປ່ຽນໄປສູ່ການພັດທະນາເສດຖະກິດ ຄຽງຄູ່ກັບການສ້າງແນວ ຫລັງຂະໜາດໃຫຍ່ ເພື່ອສະໜັບສະໜູນແນວໜ້າພາກໃຕ້ ພາຍໃຕ້ເງື່ອນ ໄຂສົງຄາມອັນໂຫດຮ້າຍ (1961-1975).

ໄລຍະປີ 1976 ເຖິງ 1985, ຫລັງຈາກປະເທດໂຮມເປັນໜຶ່ງດຽວ, ທົ່ວປະເທດກ້າວສູ່ສັງຄົມນິຍົມ. ນີ້ແມ່ນໄລຍະເວລາທີ່ພາລະກິດການປັບ ປຸງ, ສ້າງສັນ ແລະ ພັດທະນາເສດຖະກິດ ຖືກກຳນົດໃຫ້ເປັນພາ ລະກິດ ສຳຄັນ ຂອງທົ່ວພັກ, ທົ່ວປວງຊົນ ແລະ ທົ່ວກອງທັບ. ປະຊາຊົນທົ່ວປະເທດ ໄດ້ເລັ່ງດຳເນີນການຕາມແຜນພັດທະນາ 5 ປີຄັ້ງທີສອງ (1976-1980) ແລະ ແຜນພັດທະນາ 5 ປີຄັ້ງທີສາມ (1981-1985). ເຖິງວ່າ ຈະບັນລຸຜົນ ບາງດ້ານໃນເບື້ອງຕົ້ນ ໃນການຟື້ນຟູການຜະລິດ ແລະ ສ້າງຖານວັດຖຸ- ເຕັກນິກ, ແຕ່ໂດຍລວມແລ້ວ ເສດຖະກິດຍັງຄົງອ່ອນແອ. ຂໍ້ຈຳກັດຂອງ ກົນໄກການບໍລິຫານແບບລວມສູນ ແລະ ການເກື້ອກູນທີ່ຍືດເຍື້ອມາ ແຕ່ ດົນນານ ປະກອບກັບຄວາມຫຍຸ້ງຍາກຈາກພາຍນອກ, ໄດ້ເຮັດໃຫ້ເສດ ຖະ ກິດຕົກຢູ່ໃນສະພາວະຢຸດຈຶ້ງ, ບໍ່ສົມດຸນ ແລະ ມີຮອດສັນຍານ ຂອງວິກິດ ການຮ້າຍແຮງ.

ໄລຍະປີ 1986 ເປັນຕົ້ນມາ (ໄລຍະການປະຕິຮູບ), ຕໍ່ໜ້າຄວາມຈຳ ເປັນ ອັນຮີບດ່ວນຂອງພາວະເປັນຈິງ, ນັບຕັ້ງແຕ່ປີ 1986, ພັກກອມມູນິດ ໄດ້ລິ ເລີ່ມ ແລະ ຊີ້ນຳຂະບວນການປະຕິຮູບປະເທດຢ່າງຮອບດ້ານ, ໂດຍເລີ່ມ ຈາກການປະຕິຮູບວິທີຄິດທາງເສດຖະກິດ. ດ້ວຍການຄ່ອຍໆຍົກເລີກ ກົນ ໄກການເກື້ອກູນ, ພັດທະນາເສດຖະກິດຫລາຍພາກສ່ວນ ແລະ ດຳເນີນ ກົນໄກຕະຫລາດພາຍໃຕ້ການບໍລິຫານຈັດການຂອງລັດ ຕາມແນວທາງ ສັງຄົມນິຍົມ, ເສດຖະກິດ ຂອງຫວຽດນາມ ໄດ້ມີການປ່ຽນ ແປງໃນທາງ ບວກ. ພາຍໃນປີ 1995, ບັນດາຕົວຊີ້ວັດຫລັກຂອງແຜນພັດ ທະນາ 5 ປີ (1991-1995) ລ້ວນສຳເລັດ ແລະ ເກີນເປົ້າໝາຍ, ເຮັດໃຫ້ປະເທດຫລຸດພົ້ນ ຈາກວິກິດເສດຖະກິດ-ສັງຄົມ ແລະ ສ້າງແຮງຍູ້ໜູນເຂົ້າສູ່ໄລຍະການພັດ ທະນາໃໝ່ ທີ່ມຸ່ງສູ່ການຫັນເປັນອຸດສາຫະກຳ ແລະ ຄວາມທັນສະໄໝ.

ຈາກປະເທດທີ່ທຸກຍາກ, ຫລ້າຫລັງ ແລະ ແບກຮັບຜົນກະທົບໜັກໜ່ວງ ຈາກສົງຄາມ ແລະ ການປິດລ້ອມຂວໍ້າບາດ, ຫວຽດນາມ ໄດ້ກ້າວຂຶ້ນເທື່ອ ລະຂັ້ນ ແລະ ກາຍເປັນປະເທດກຳລັງພັດທະນາທີ່ມີລາຍໄດ້ປານກາງ. ຈົນເຖິງປີ 2024, ຂະໜາດເສດຖະກິດຂອງຫວຽດນາມຢູ່ໃນອັນດັບທີ 32 ຂອງໂລກ, ຢູ່ໃນກຸ່ມ 20 ເສດຖະກິດອັນດັບຕົ້ນ ດ້ານການຄ້າ ແລະ ການ ດຶງດູດການລົງທຶນຈາກຕ່າງປະເທດ. ຄວາມສຳເລັດນັ້ນ ເປັນຫລັກຖານ ທີ່ມີຊີວິດຊີວາເຖິງຂອບເຂດ, ຄວາມສາມາດທາງສະຕິປັນຍາ ແລະ ຄວາມກ້າຫານຂອງພັກ, ລັດ ແລະ ປະຊາຊົນຫວຽດນາມ ໃນການ ຂ້າມຜ່ານຄວາມຫຍຸ້ງຍາກ, ຈຸດປະກາຍພະລັງພາຍໃນ, ສວຍໂອກາດ, ບູລະນະຢ່າງເລິກເຊິ່ງ ແລະ ພັດທະນາຢ່າງຍືນຍົງ.

(ອ່ານຕໍ່ພາກທີ2)

(ຕໍ່ຕອນສອງ)

– ວັດທະນະທຳໄດ້ພັດທະນາຢ່າງຫລາກຫລາຍ ແລະ ຮັ່ງມີ, ມີຄວາມເປັນຊາດ, ມີຄວາມເປັນວິທະຍາສາດ ແລະ ຄວາມເປັນສາກົນໃນທຸກດ້ານຂອງຊີວິດສັງຄົມ, ກາຍເປັນພະລັງຂັບເຄື່ອນການພັດທະນາປະເທດ.

ການຮັບຮູ້ຂອງພັກ, ລັດ ແລະ ປະຊາຊົນ ກ່ຽວກັບບົດບາດຂອງວັດທະນະທຳໃນການສ້າງສາ ແລະ ປົກປ້ອງປະເທດຊາດໄດ້ຮັບການເສີມສ້າງ ແລະ ຍົກລະດັບຢ່າງຕໍ່ເນື່ອງ. ພາລະກິດການສ້າງສາ ແລະ ພັດທະນາວັດທະນະທຳ ແລະ ຊັບພະຍາກອນມະນຸດຫວຽດນາມ ໄດ້ມີການປ່ຽນແປງໃນທາງບວກ ແລະ ບັນລຸຜົນ. ແນວຄິດທາງທິດສະດີກ່ຽວກັບວັດທະນະທຳ ມີການພັດທະນາໃໝ່, ການຮັບຮູ້ກ່ຽວກັບວັດທະນະທຳຂອງທຸກລະດັບ, ທຸກຂະແໜງ ແລະ ຂອງປະຊາຊົນທົ່ວປະເທດໄດ້ຮັບການຍົກລະດັບ, ຊີວິດທາງວັດທະນະທຳ ຂອງປະຊາຊົນມີຄວາມຫລາກຫລາຍຂຶ້ນ. ຄຸນຄ່າທາງວັດທະນະທຳ ດັ້ງເດີມຂອງຊາດໄດ້ຮັບການສົ່ງເສີມ, ມາດຕະຖານທາງວັດທະນະທຳ ແລະ ຄຸນສົມບັດໃໝ່ໆໄດ້ກໍ່ໂຕຂຶ້ນ. ຜະລິດຕະພັນທາງວັດທະນະທຳ, ວັນນະກຳ ແລະ ສິລະປະກຳ ມີຄວາມຫລາກຫລາຍຍິ່ງຂຶ້ນ. ເຕັກໂນໂລຊີ, ໂດຍສະເພາະສື່ອອນລາຍມີການພັດທະນາຢ່າງກ້າວກະໂດດ. ຫລາຍຂະບວນການ ແລະ ກິດຈະກຳທາງວັດທະນະທຳບັນລຸຜົນຢ່າງເປັນຮູບປະທຳ ແລະ ມີປະສິດທິຜົນ, ສົ່ງເສີມໄດ້ຢ່າງດີ ຕໍ່ປະເພນີວັດທະນະທຳຄອບຄົວ, ຕະກູນ ແລະ ຊຸມຊົນ. ການເຮັດໃຫ້ກິດຈະກຳທາງວັດທະນະທຳເປັນຂອງສັງຄົມໂດຍລວມ ໄດ້ຮັບການຂະຫຍາຍຕົວຫລາຍຂຶ້ນ, ມີສ່ວນຮ່ວມຢ່າງສຳຄັນຕໍ່ການສ້າງສະຖາບັນວັດທະນະທຳ. ມໍລະດົກທາງວັດທະນະທຳ ທັງເປັນຮູບປະທໍາ ແລະ ທາມມະທຳ ຈຳນວນຫລາຍໄດ້ຮັບການອະນຸລັກ ແລະ ບູລະນະ. ຮີດຄອງປະເພນີຫລາຍດ້ານ ຂອງກຸ່ມຊົນເຜົ່າສ່ວນນ້ອຍ ໄດ້ຮັບການສຶກສາ, ຮວບຮວມ ແລະ ຟື້ນຟູ. ກິດຈະກຳຄວາມເຊື່ອຖື, ສາສະໜາ ແລະ ວັດທະນະທຳທາງຈິດໃຈ ຂອງປະຊາຊົນໄດ້ຮັບຄວາມສົນໃຈ. ການບໍລິຫານຈັດການຂອງລັດ ດ້ານວັດທະນະທຳໄດ້ຮັບການເສີມສ້າງ, ສະຖາບັນວັດທະນະທຳ ໄດ້ຮັບການປັບປຸງໃຫ້ສົມບູນຍິ່ງຂຶ້ນ. ຂະແໜງການ ທີ່ຮັດວຽກດ້ານວັດທະນະທຳ ແລະ ສິລະປະມີການເຕີບໂຕ, ຄວາມເສລີພາບໃນການສ້າງສັນຂອງສິລະປິນ ໄດ້ຮັບການເຄົາລົບ, ການແລກປ່ຽນ ແລະ ການຮ່ວມມືລະຫວ່າງປະເທດດ້ານວັດທະນະທຳ ມີຄວາມກ້າວໜ້າຢ່າງເຫັນໄດ້ຢ່າງຈະແຈ້ງ.

– ລະບົບນະໂຍບາຍສັງຄົມໄດ້ຮັບການສ້າງ ແລະ ມີຄວາມສົມບູນຫລາຍຂຶ້ນ.

ນັບຕັ້ງແຕ່ປີ 1986 ຈົນເຖິງປັດຈຸບັນ, ຄຽງຄູ່ໄປກັບຂະບວນການປະຕິຮູບຮອບດ້ານຂອງປະເທດ, ດ້ານສັງຄົມໄດ້ບັນລຸຜົນສຳເລັດສຳຄັນຫລາຍດ້ານ, ມີສ່ວນຊ່ວຍຮັບປະກັນຄວາມໝັ້ນຄົງທາງການເມືອງ-ສັງຄົມ ແລະ ຍົກລະດັບຄຸນນະພາບຊີວິດຂອງປະຊາຊົນ. ການຮັບຮູ້ ແລະ ທັດສະນະຂອງພັກກອມມູນິດຫວຽດນາມກ່ຽວກັບນະໂຍບາຍສັງຄົມໄດ້ຮັບການປັບປຸງ ແລະ ພັດທະນາໃຫ້ເປັນລະບົບທີ່ສອດຄ່ອງ ແລະ ຄົບຖ້ວນ, ໂດຍມີແກນຫລັກຄື: ການເຕີບໂຕທາງເສດຖະກິດຕ້ອງຄຽງຄູ່ໄປກັບຄວາມກ້າວໜ້າ ແລະ ຄວາມຍຸຕິທຳທາງສັງຄົມ, ການພັດທະນາທີ່ມຸ່ງເນັ້ນຊັບພະຍາກອນມະນຸດ ແລະ ກໍານົດດ້ານນີ້ ໄວ້ໃນຕຳແໜ່ງໃຈກາງຂອງການພັດທະນາ.

ນະໂຍບາຍສັງຄົມທີ່ຖືກຕ້ອງ, ມີມະນຸດສະທຳ ແລະ ມຸ່ງສູ່ຄວາມສຸກຂອງປະຊາຊົນ ຖືກກຳນົດວ່າ: ບໍ່ພຽງແຕ່ເປັນເປົ້າໝາຍ, ແຕ່ຍັງເປັນແຮງຂັບເຄື່ອນສຳຄັນທີ່ປຸກລະດົມ ແລະ ສົ່ງເສີມທ່າແຮງແຫ່ງຄວາມຄິດສ້າງສັນໃນທົ່ວສັງຄົມ, ກໍ່ໃຫ້ເກີດຄວາມເຫັນພ້ອມເປັນເອກະພາບສູງ ໃນການສ້າງສາສັງຄົມນິຍົມ. ພັກກອມມູນິດຫວຽດນາມຢືນຢັນຢ່າງຈະແຈ້ງ ເຖິງຄວາມຮັບຜິດຊອບຂອງທົ່ວສັງຄົມ, ຂອງທົ່ວລະບົບການເມືອງ ແລະ ຂອງປະຊາຊົນທຸກຄົນໃນການປະຕິບັດ ແລະ ແກ້ໄຂບັນຫາສັງຄົມໃນທິດທາງຂອງການເຮັດໃຫ້ເປັນສັງຄົມສ່ວນລວມຢ່າງກວ້າງຂວາງ, ໂດຍທີ່ລັດເຮັດໜ້າທີ່ເປັນແກນຫລັກ, ເພື່ອຮັບປະກັນຄວາມຍຸດຕິທຳ, ປະສິດທິພາບ ແລະ ຄວາມຍືນຍົງ.

ແນວທາງເຫລົ່ານີ້ ມຸ່ງສູ່ເປົ້າໝາຍໃນການສ້າງລະບົບຄວາມໝັ້ນຄົງທາງສັງຄົມທີ່ຄອບຄຸມ ແລະ ຍືນຍົງ ໂດຍທີ່ປະຊາຊົນທຸກຄົນ ໄດ້ຮັບການຮັບປະກັນຄວາມປອດໄພໃນດ້ານລາຍໄດ້, ການສ້າງວຽກເຮັດງານທໍາ, ສຸຂະພາບ, ການສຶກສາ, ທີ່ຢູ່ອາໄສ ແລະ ການບໍລິການຂັ້ນພື້ນຖານຕ່າງໆ, ເຊິ່ງຢືນຢັນເຖິງຄຸນລັກສະນະອັນຖືກຕ້ອງຂອງລະບອບສັງຄົມນິຍົມ ແລະ ເສີມສ້າງຄວາມເຊື່ອໝັ້ນຂອງສັງຄົມ ຕໍ່ການນຳພາຂອງພັກ ແລະ ການບໍລິຫານຈັດການຂອງລັດໃນພາລະກິດພັດທະນາປະເທດ.

– ການປົກປ້ອງຢ່າງໝັ້ນຄົງເອກະລາດ, ອະທິປະໄຕ, ຄວາມເປັນເອກະພາບ ແລະ ຜືນແຜ່ນດິນອັນຄົບຖ້ວນຂອງປະເທດຊາດ, ຜົນປະໂຫຍດຂອງຊາດ ແລະ ປະຊາຊົນ, ການປົກປ້ອງພັກ, ລັດ, ປະຊາຊົນ ແລະ ລະບອບສັງຄົມນິຍົມ; ການຮັກສາຄວາມໝັ້ນຄົງຂອງຊາດ, ສະຖຽນລະພາບທາງການເມືອງ-ສັງຄົມ, ຄວາມສະຫງົບຮຽບຮ້ອຍ ແລະ ສະພາບແວດລ້ອມແຫ່ງສັນຕິພາບ, ເພື່ອມຸ່ງສ້າງສາ ແລະ ພັດທະນາປະເທດ.

ການປົກປ້ອງຢ່າງໝັ້ນຄົງຕໍ່ປະເທດຊາດຫວຽດນາມສັງຄົມນິຍົມ ແມ່ນພາລະກິດສຳຄັນ ແລະ ຖາວອນ ຂອງທົ່ວພັກ, ທົ່ວປວງຊົນ ແລະ ທົ່ວກອງທັບ. ມັນເປັນພື້ນຖານຫລັກ ໃນການຮັກສາຜົນໄດ້ຮັບຂອງການປະຕິວັດ ແລະ ຮັບປະກັນສະພາບແວດລ້ອມທີ່ສັນຕິ ແລະ ໝັ້ນຄົງສຳລັບພາລະກິດການພັດທະນາປະເທດໃຫ້ກ້າວໜ້າ ແລະ ຍືນຍົງ. ນີ້ເອງຄືໜຶ່ງໃນຄວາມສຳເລັດທີ່ຍິ່ງໃຫຍ່, ຮອບດ້ານ ແລະ ໝັ້ນຄົງທີ່ສຸດ ໃນດ້ານປ້ອງກັນຊາດ-ປ້ອງກັນຄວາມສະຫງົບຕະຫລອດ 80 ປີທີ່ຜ່ານມາ.

ພາຍໃຕ້ການນຳພາໂດຍກົງ ແລະ ເດັດຂາດຂອງພັກ, ການບໍລິຫານຈັດການຢ່າງເປັນເອກະພາບຂອງລັດ ແລະ ຄວາມເປັນນໍ້າໜຶ່ງໃຈດຽວກັນຂອງທົ່ວຊາດ, ຫວຽດນາມໄດ້ຍຶດໝັ້ນ ຮັກສາເອກະລາດ, ອະທິປະໄຕ, ຄວາມເປັນເອກະພາບ ແລະ ຜືນແຜ່ນດິນອັນຄົບຖ້ວນ. ປົກປ້ອງຊາຍແດນແຫ່ງຊາດ ແລະ ທະເລ-ເກາະອັນສັກສິດຂອງປະເທດຊາດຢ່າງໝັ້ນຄົງ. ພ້ອມກັນນັ້ນ, ຫວຽດນາມ ຍັງຄົງຮັກສາຄວາມເປັນຝ່າຍລຸກຮອບດ້ານທາງຍຸດທະສາດ, ຈັດການກັບສະຖານະການທີ່ສັບສົນ ແລະ ອ່ອນໄຫວດ້ານປ້ອງກັນຊາດ-ຄວາມໝັ້ນຄົງດ້ວຍຄວາມຍືດຍຸ່ນ ຜ່ອນສັ້ນ-ຜ່ອນຍາວ ແລະ ສ້າງສັນ, ເຮັດໃຫ້ລົ້ມເຫລວຕໍ່ທຸກແຜນການ ແລະ ເລ່ຫລ່ຽມຂອງສັດຕູ ແລະ ກຸ່ມຕໍ່ຕ້ານ, ໂດຍສະເພາະໃນໂລກໄຊເບີ, ລວມເຖິງໃນດ້ານແນວຄິດ, ວັດທະນະທຳ, ຊົນເຜົ່າ, ສາສະໜາ ແລະ ສິດທິມະນຸດ.

ຄວາມໝັ້ນຄົງທາງການເມືອງ, ຄວາມສະຫງົບຮຽບຮ້ອຍ ແລະ ຄວາມປອດໄພໃນສັງຄົມ ສາມາດຮັກສາໄດ້, ສະພາບແວດລ້ອມທີ່ສັນຕິ ແລະ ໝັ້ນຄົງໃນໄລຍະຍາວ ເພື່ອການພັດທະນາປະເທດໄດ້ຮັບການຮັບປະກັນ. ລະບົບປ້ອງກັນຊາດ ປະຊາຊົນ ທີ່ເຊື່ອມໂຍງກັບລະບົບຄວາມໝັ້ນຄົງ ຂອງປະຊາຊົນ ມີຄວາມໝັ້ນຄົງແຂງແກ່ນຫລາຍຍິ່ງຂຶ້ນ, ຖືກສ້າງຂຶ້ນຢ່າງປະສານສົມທົບ ແລະ ມີປະສິດທິພາບຕັ້ງແຕ່ສູນກາງຈົນເຖິງທ້ອງຖິ່ນ. ຄວາມສາມາດໃນການປ້ອງກັນປະເທດ, ໂດຍສະເພາະໃນພື້ນທີ່ຍຸດທະສາດສຳຄັນ, ໄດ້ຮັບການເສີມສ້າງຢ່າງຕໍ່ເນື່ອງ. ກອງກຳລັງປະກອບອາວຸດຂອງປະຊາຊົນ ໄດ້ຮັບການຈັດຕັ້ງຢ່າງບໍ່ຢຸດຢັ້ງ, ກາຍເປັນກອງກຳລັງທີ່ມີລະບຽບແບບແຜນ, ມີຄວາມຊໍານານ, ກຳລັງກ້າວສູ່ຄວາມທັນສະໄໝ ແລະ ຍັງຄົງຄວາມຈົງຮັກພັກດີຢ່າງສົມບູນຕໍ່ປະເທດຊາດ, ພັກ, ລັດ ແລະ ປະຊາຊົນ.

ຫວຽດນາມຢືນຢັນແນວທາງການປ້ອງກັນປະເທດທົ່ວປວງຊົນ, ກໍ່ສ້າງກອງທັບທີ່ມີລັກສະນະສັນຕິ ແລະ ປ້ອງກັນຕົນເອງ, ບໍ່ເຂົ້າຮ່ວມພັນທະມິດທາງການທະຫານ, ບໍ່ອະນຸຍາດໃຫ້ປະເທດໃດຕັ້ງຖານທັບ ແລະ ບໍ່ໃຊ້ກຳລັງ ຫລື ຂົ່ມຂູ່ການໃຊ້ກຳລັງໃນສາຍພົວພັນສາກົນ. ແນວທາງນີ້ ໄດ້ຍົກລະດັບຊື່ສຽງ ແລະ ສະຖານະສາກົນຂອງຫວຽດນາມ, ເສີມສ້າງຄວາມເຊື່ອໝັ້ນທາງຍຸດທະສາດ ແລະ ສ້າງພາບພົດຂອງປະເທດທີ່ຮັກສັນຕິ, ມີຄວາມຮັບຜິດຊອບ, ຫ້າວຫັນໃນການບູລະນະການ ແລະ ການຮ່ວມມືດ້ານປ້ອງກັນຊາດ-ຄວາມໝັ້ນຄົງ, ປົກປ້ອງຜົນປະໂຫຍດຂອງຊາດດ້ວຍກຳລັງແຮງສັງລວມຮອບດ້ານ. ໂດຍສະເພາະຢ່າງຍິ່ງ, ທ່າມກາງສິ່ງທ້າທາຍດ້ານຄວາມໝັ້ນຄົງຮູບແບບໃໝ່ທີ່ເພີ່ມຂຶ້ນເຊັ່ນ: ໂລກລະບາດ, ໄພທຳມະຊາດ, ການປ່ຽນແປງສະພາບດິນຟ້າອາກາດ, ການກໍ່ການຮ້າຍ ແລະ ຄວາມໝັ້ນຄົງໄຊເບີ, ປະເທດໄດ້ຍົກລະດັບຄວາມສາມາດໃນການຮັບມື, ປະສານຊັບພະຍາກອນຢ່າງມີປະສິດທິພາບ, ລະດົມກຳລັງແຮງສັງລວມຂອງທົ່ວລະບົບການເມືອງ ແລະ ປະຊາຊົນທັງໝົດ, ເພື່ອຮັກສາສະຖຽນລະພາບ, ເສີມສ້າງຄວາມເຊື່ອໝັ້ນ ແລະ ວາງຮາກຖານທີ່ໝັ້ນຄົງໃຫ້ແກ່ຂະບວນການປະຕິຮູບ ແລະ ພັດທະນາປະເທດ.

ຄວາມສຳເລັດທີ່ໂດດເດັ່ນໃນການປົກປ້ອງປະເທດຊາດຕະຫລອດ 80 ປີທີ່ຜ່ານມາ ບໍ່ພຽງແຕ່ເປັນການຮັກສາເອກະລາດ ແລະ ຜືນແຜ່ນດິນອັນຄົບຖ້ວນອັນສັກສິດ, ແຕ່ຍັງຄົງຮັກສາທິດທາງສັງຄົມນິຍົມ, ປົກປ້ອງພັກ, ລັດ, ປະຊາຊົນ ແລະ ລະບອບ. ພ້ອມທັງສ້າງພະລັງໃໝ່ໃຫ້ຫວຽດນາມບູລະນະ ຢ່າງເລິກເຊິ່ງ, ຍົກລະດັບສະຖານະ ແລະ ຊື່ສຽງໃນເວທີສາກົນ, ຢືນຢັນເຖິງຄວາມກ້າຫານ ແລະ ສະຕິປັນຍາຂອງຊາດທີ່ອົດທົນ, ເປັນອິດສະລະ ແລະ ສ້າງສັນໃນຍຸກສະໄໝໃໝ່.

– ການທູດມີສ່ວນສຳຄັນໃນການຮັກສາ ແລະ ເສີມສ້າງສະພາບແວດລ້ອມແຫ່ງສັນຕິພາບ ແລະ ສະຖຽນລະພາບ, ຮັກສາເອກະລາດ, ອະທິປະໄຕ ແລະ ຜືນແຜ່ນດິນອັນຄົບຖ້ວນ, ປົກປ້ອງລະບອບສັງຄົມນິຍົມ.

ພາຍຫລັງໄຊຊະນະຂອງການປະຕິວັດເດືອນສິງຫາ ປີ 1945, ພັກ ແລະ ປະທານໂຮ່ຈີມິນ ໄດ້ກຳນົດແນວທາງການທູດທີ່ເປັນອິດສະລະ ແລະ ເພິ່ງພາຕົນເອງ, ມີການຫົດຢືດ, ອາໄສການສະໜັບສະໜູນຈາກສາກົນຢ່າງເຕັມທີ່ ເພື່ອປົກປ້ອງລັດຖະບານປະຕິວັດທີ່ຍັງອ່ອນນ້ອຍ. ໃນສົງຄາມຕໍ່ຕ້ານຈັກກະພັດນິຍົມຝຣັ່ງ, ການທູດຫວຽດນາມ ຍຶດໝັ້ນໃນຫລັກການ “ໃຊ້ຄວາມເປັນທຳ ເອົາຊະນະອຳນາດ”, ປະສົມປະສານການຕໍ່ສູ້ທາງການທະຫານກັບການເມືອງ ແລະ ການທູດຢ່າງສະຫລາດ, ສ້າງແນວໂຮມທາງຄວາມເຫັນຂອງສາທາລະນະຊົນໃນວົງກວ້າງເພື່ອສະໜັບສະໜູນສົງຄາມທີ່ເປັນທຳຂອງປະຊາຊົນຫວຽດນາມ.

ນັບຕັ້ງແຕ່ຕົ້ນທົດສະວັດ 1950, ກິດຈະກຳການທູດໄດ້ຖືກພັດທະນາຢ່າງເປັນລະບົບໃນ 3 ຊ່ອງທາງທີ່ສະໜັບສະໜູນເຊິ່ງກັນ ແລະ ກັນ ໄດ້ແກ່: ການທູດຂອງພັກ, ການທູດຂອງລັດ ແລະ ການທູດຂອງປະຊາຊົນ. ກົນໄກການປະສານງານດັ່ງກ່າວ ໄດ້ເຮັດໃຫ້ວິທີການເຄື່ອນໄຫວລະຫວ່າງປະເທດມີຄວາມຫລາກຫລາຍຂຶ້ນ ແລະ ມີສ່ວນສຳຄັນຕໍ່ໄຊຊະນະໃນການຕໍ່ສູ້ເພື່ອປົດປ່ອຍຊາດ, ທ້ອນໂຮມປະເທດ ແລະ ຕໍ່ມາໃນຂະບວນການສ້າງສາສັງຄົມນິຍົມ. ເມື່ອກ້າວເຂົ້າສູ່ ໄລຍະປະຕິຮູບ ພາຍໃຕ້ສະພາບແວດລ້ອມລະບອບໂລກທີ່ປ່ຽນແປງຢ່າງເລິກເຊິ່ງ, ກອງປະຊຸມໃຫຍ່ຄັ້ງທີ 7 (ປີ 1991) ໄດ້ກຳນົດແນວທາງ ການຂະຫຍາຍວຽກງານການທູດໃຫ້ຫລາກຫລາຍຂຶ້ນ ດ້ວຍຄໍາຂວັນວ່າ: “ຫວຽດນາມຕ້ອງການເປັນເພື່ອນ ແລະ ຄູ່ຮ່ວມທີ່ໜ້າເຊື່ອຖືຂອງທຸກປະເທດ, ມຸ່ງໝັ້ນເພື່ອສັນຕິພາບ, ເອກະລາດ ແລະ ການພັດທະນາ”. ກອງປະຊຸມຄັ້ງທີ 9 ແລະ ສະມັດຊາພັກຄັ້ງຕໍ່ມາ ຍັງຄົງຢືນຢັນແນວທາງການທູດທີ່ເປັນອິດສະລະ, ເພິ່ງພາຕົນເອງ, ເປີດກວ້າງ, ພະຫຸລະບົບ ແລະ ຫລາກຫລາຍ, ໂດຍຢຶດຖືເອົາຜົນປະໂຫຍດຂອງຊາດ-ປະຊາຊົນ ພ້ອມທັງສັນຕິພາບ, ການຮ່ວມມື ແລະ ການພັດທະນາ ເປັນພື້ນຖານຮ່ວມກັນ.

ດ້ວຍການ ຍຶດໝັ້ນ ໃນແນວທາງດັ່ງກ່າວ, ຫວຽດນາມໄດ້ສ້າງຕັ້ງ ແລະ ເສີມສ້າງຄວາມສຳພັນກັບຄູ່ຮ່ວມຫລັກຢ່າງປົກກະຕິ, ເຂົ້າຮ່ວມອາຊຽນ, WTO, CPTPP ແລະ ລົງນາມໃນຂໍ້ຕົກລົງການຄ້າເສລີ EVFTA, RCEP, ສ້າງຕັ້ງເຄືອຂ່າຍຄູ່ຮ່ວມລະດັບໂລກ, ສ້າງຕັ້ງ ແລະ ຍົກລະດັບຄວາມສຳພັນຂຶ້ນສູ່ລະດັບຄູ່ຮ່ວມມືຍຸດທະສາດ ແລະ ຄູ່ຮ່ວມຮອບດ້ານ, ສ້າງ ແລະ ຮັກສາສາຍພົວພັນມິດຕະພາບ ແລະ ການຮ່ວມມືຢ່າງເລິກເຊິ່ງກັບ 5 ປະເທດສະມາຊິກຖາວອນຂອງສະພາຄວາມໝັ້ນຄົງແຫ່ງສະຫະປະຊາຊາດ, ປະເທດ G7 ທັງໝົດ ແລະ 17 ໃນ 20 ປະເທດ G20. ຢືນຢັນບົດບາດ ແລະ ຊື່ສຽງຂອງຕົນເທິງເວທີພະຫຸລະບົບ, ເຂົ້າຮ່ວມການປະຕິບັດການຮັກສາສັນຕິພາບຢ່າງຕັ້ງໜ້າ, ດຳເນີນການທູດດ້ານເສດຖະກິດ ແລະ ການທູດວັດທະນະທຳຢ່າງມີປະສິດທິພາບ, ເຊິ່ງມີສ່ວນສຳຄັນໃນການຮັກສາສະພາບແວດລ້ອມແຫ່ງສັນຕິພາບ, ປົກປ້ອງອະທິປະໄຕ ແລະ ສົ່ງເສີມການພັດທະນາເສດຖະກິດ-ສັງຄົມ.

ການສ້າງ ແລະ ພັດທະນາລັດນິຕິທໍາຕາມທິດສັງຄົມນິຍົມ.

ພາຍຫລັງໄຊຊະນະຂອງການປະຕິວັດເດືອນສິງຫາ ປີ 1945, ໃນວັນທີ 2 ກັນຍາ, ປະທານໂຮ່ຈີມິງໄດ້ອ່ານຄຳປະກາດອິດສະລະພາບຢ່າງສະຫງ່າຜ່າເຜີຍ, ສ້າງຕັ້ງສາທາລະນະລັດປະຊາທິປະໄຕຫວຽດນາມ (ປັດຈຸບັນແມ່ນສາທາລະນະລັດສັງຄົມນິຍົມຫວຽດນາມ), ວາງຮາກຖານເບື້ອງຕົ້ນຂອງລະບອບລັດຮູບແບບໃໝ່ໃນປະເທດນັ້ນຄື ລັດນິຕິທໍາຕາມທິດສັງຄົມນິຍົມ.

ລັດຖະທຳມະນູນປີ 1946 ເຊິ່ງເປັນລັດຖະທຳມະນູນປະຊາທິປະໄຕສະບັບທຳອິດຂອງຫວຽດນາມ, ໄດ້ສະທ້ອນຢ່າງຊັດເຈນເຖິງຄວາມຕ້ອງການສ້າງລັດທີ່ເປັນປະຊາທິປະໄຕ ແລະ ຍຶດຫລັກອໍານາດກົດໝາຍ. ແນວຄິດຂອງໂຮ່ຈີມິງກ່ຽວກັບລັດອໍານາດກົດໝາຍໄດ້ຮັບການຢືນຢັນຕັ້ງແຕ່ເວລານັ້ນວ່າ ອຳນາດຮ່າງລັດຖະທຳມະນູນເປັນຂອງປະຊາຊົນ, ອົງກອນຂອງລັດຕ້ອງເປັນເຄື່ອງມືໃນການປະຕິບັດຄວາມປະສົງ ແລະ ຄວາມປາດຖະໜາຂອງປະຊາຊົນ. ຂ້າລາດຊະການ ແລະ ເຈົ້າໜ້າທີ່ບໍ່ສາມາດເປັນ “ເຈົ້າຂຸນອຳນາດປະຕິວັດ” ແຕ່ຕ້ອງເປັນ “ຜູ້ຮັບໃຊ້ປະຊາຊົນ” ໂດຍຖືຄວາມສຸກຂອງປະຊາຊົນເປັນເປົ້າໝາຍສູງສຸດ. ກົດໝາຍບໍ່ແມ່ນເຄື່ອງມືໃນການລົງໂທດ ແຕ່ເປັນວິທີທາງໃນການຄຸ້ມຄອງສິດ ແລະ ຜົນປະໂຫຍດອັນຊອບທຳຂອງປະຊາຊົນ.

ແນວຄິດຫລັກນີ້ໄດ້ຮັບການສືບທອດ ແລະ ຄ່ອຍພັດທະນາໂດຍພັກກອມມູນິດຕະຫລອດຂະບວນການນຳພາການປະຕິວັດ. ກອງປະຊຸມໃຫຍ່ພັກ ຄັ້ງທີ 7 (ປີ 1991) ແລະ ເອກະສານແນວທາງໂຍບາຍການສ້າງປະເທດໃນໄລຍະ ຂ້າມຜ່ານສູ່ສັງຄົມນິຍົມ ໄດ້ກຳນົດເປັນຄັ້ງທຳອິດເຖິງລັກສະນະພື້ນຖານຂອງລັດນິຕິທໍາຕາມທິດສັງຄົມນິຍົມວ່າ ອຳນາດຂອງລັດເປັນເອກະພາບ ແຕ່ມີການແບ່ງວຽກຢ່າງຊັດເຈນລະຫວ່າງຝ່າຍນິຕິບັນຍັດ, ຝ່າຍບໍລິຫານ ແລະ ຝ່າຍຕຸລາການ. ການປະຊຸມຜູ້ແທນລະດັບຊາດລະຫວ່າງວາລະໃນປີ 1994 ໄດ້ນຳພາລະກິດການສ້າງລັດນິຕິທໍາຕາມທິດສັງຄົມນິຍົມບັນຈຸໄວ້ໃນເອກະສານຂອງພັກ ແລະ ຕໍ່ມາໃນກອງປະຊຸມໃຫຍ່ພັກຄັ້ງທີ 9 (ປີ 2001) ແລະ ຄັ້ງທີ 10 (ປີ 2006) ກໍໄດ້ຢືນຢັນ ແລະ ຂະຫຍາຍຄວາມເນື້ອໃນນີ້ຕໍ່ໄປ.

ກອງປະຊຸມໃຫຍ່ພັກຄັ້ງທີ 11 (ປີ 2011) ໄດ້ລະບຸຊັດເຈນວ່າ ລັດນິຕິທໍາຕາມທິດສັງຄົມນິຍົມຫວຽດນາມເປັນລັດຂອງປະຊາຊົນ, ໂດຍປະຊາຊົນ ແລະ ເພື່ອປະຊາຊົນ, ຢູ່ພາຍໃຕ້ການນຳພາຂອງພັກກອມມູນິດຫວຽດນາມ. ອຳນາດຂອງລັດເປັນເອກະພາບ ໂດຍມີການແບ່ງວຽກ, ປະສານງານກັນ ລະຫວ່າງສາມອຳນາດ ໄດ້ແກ່ນິຕິບັນຍັດ, ບໍລິຫານ ແລະ ຕຸລາການ. ແນວທາງເຫລົ່ານີ້ໄດ້ປະຕິບັດເປັນຮູບປະທຳໃນລັດຖະທຳມະນູນປີ 2013 ແລະ ກົດໝາຍສຳຄັນຫລາຍສະບັບວ່າດ້ວຍການຈັດຕັ້ງອົງກອນຂອງລັດ. ກອງປະຊຸມໃຫຍ່ພັກຄັ້ງທີ 13 (ປີ 2021) ຢືນຢັນອີກຄັ້ງວ່າ ການສ້າງ ແລະ ພັດທະນາລັດນິຕິທໍາຕາມທິດສັງຄົມນິຍົມຫວຽດນາມຂອງປະຊາຊົນ, ໂດຍປະຊາຊົນ ແລະ ເພື່ອປະຊາຊົນ, ພາຍໃຕ້ການນຳພາຂອງພັກ ຄືພາລະກິດສຳຄັນຂອງການປະຕິຮູບລະບົບການເມືອງ. ຄຽງຄູ່ກັບປະສົບການການນຳພາໃນພາກປະຕິບັດ, ຄວາມເຂົ້າໃຈ ແລະ ແນວຄິດທາງທິດສະດີຂອງພັກກ່ຽວກັບການສ້າງລັດນິຕິທໍາຕາມທິດສັງຄົມນິຍົມຫວຽດນາມ ໄດ້ຮັບການປັບປຸງ ແລະ ພັດທະນາ ເລິກເຊິ່ງຍິ່ງຂຶ້ນ. ລັດຖະທຳມະນູນປີ 2013 ໄດ້ສະທ້ອນຫລັກການພື້ນຖານຂອງລັດນິຕິທໍາຕາມທິດສັງຄົມນິຍົມຫວຽດນາມໄວ້ຢ່າງຄົບຖ້ວນ, ຕັ້ງແຕ່ທຳມະຊາດ, ຫລັກການຈັດຕັ້ງ, ໂຄງສ້າງການດຳເນີນງານ, ການແບ່ງອຳນາດຂອງລັດ, ໄປຈົນເຖິງບົດບາດຂອງກົດໝາຍໃນສັງຄົມ ແລະ ບົດບາດການນຳພາຂອງພັກ.

ຂະບວນການສ້າງລັດນິຕິທໍາຕາມທິດສັງຄົມນິຍົມຫວຽດນາມພາຍໃຕ້ການນຳພາຂອງພັກ ໄດ້ບັນລຸຜົນທີ່ສຳຄັນຢ່າງຍິ່ງ. ຄວາມເຂົ້າໃຈທາງທິດສະດີກ່ຽວກັບຮູບແບບລັດນີ້ມີຄວາມສົມບູນ ແລະ ເປັນເອກະພາບຫລາຍຂຶ້ນ, ລະບົບກົດໝາຍໄດ້ຮັບການສ້າງ ແລະ ປັບປຸງຢ່າງຕໍ່ເນື່ອງ, ມີຄວາມສອດຄ່ອງ ແລະ ເປັນເອກະພາບ, ຮັບປະກັນຄວາມເປັນໄປໄດ້ໃນການບັງຄັບໃຊ້ຈິງ. ບົດບາດຂອງກົດໝາຍ ແລະ ການບັງຄັບໃຊ້ກົດໝາຍໄດ້ມີຄວາມສຳຄັນຢ່າງຍິ່ງໃນກິດຈະກຳຂອງທົ່ວລະບົບການເມືອງ ແລະ ໃນຊີວິດສັງຄົມ.

ກົນໄກການແບ່ງວຽກ, ການປະສານງານ ແລະ ການກວດສອບ ລະຫວ່າງພາກສ່ວນຕ່າງໆຂອງລັດໃນການໃຊ້ອຳນາດນິຕິບັນຍັດ, ບໍລິຫານ ແລະ ຕຸລາການ ມີຄວາມຊັດເຈນ ແລະ ມີປະສິດທິຜົນຫລາຍຂຶ້ນ. ອົງກອນຂອງລັດ ໄດ້ຮັບການຈັດຕັ້ງໃຫ້ກະທັດຮັດລົງ, ການດຳເນີນງານມີປະສິດທິພາບ ແລະ ປະສິດທິຜົນຫລາຍຂຶ້ນ. ສະພາແຫ່ງຊາດ ຍັງຄົງປະຕິຮູບການຈັດຕັ້ງ ແລະ ການເຄື່ອນໄຫວຂອງຕົນ, ຍົກລະດັບຄຸນນະພາບໃນການອອກກົດໝາຍ, ການຕິດຕາມ ແລະ ການຕັດສິນໃຈໃນປະເດັນສຳຄັນຂອງປະເທດ. ລັດຖະບານ ດຳເນີນງານຢ່າງມີການເຄື່ອນໄຫວ ແລະ ມີຄວາມຫ້າວຫັນໃນການບໍລິຫານ, ສຸມໃສ່ການຈັດການມະຫາພາກ, ການປະຕິຮູບລະບົບບໍລິຫານ, ການແກ້ໄຂອຸປະສັກ ແລະ ການສະໜັບສະໜູນການພັດທະນາປະເທດ. ການປະຕິຮູບຂະບວນການຍຸຕິທຳ ໄດ້ຮັບການຊຸກຍູ້ຢ່າງຕໍ່ເນື່ອງ, ອົງກອນດ້ານຕຸລາການໄດ້ຮັບການປັບປຸງໂຄງສ້າງເທື່ອລະຂັ້ນ, ຍົກລະດັບຄຸນນະພາບການດຳເນີນງານ ເພື່ອຮັບປະກັນຫລັກອໍານາດກົດໝາຍໃນການພິຈາລະນາຄະດີ ແລະ ການບັງຄັບໃຊ້ຄວາມຍຸຕິທຳ. ສິດທິມະນຸດ ແລະ ສິດຂອງພົນລະເມືອງ ໄດ້ ບັນຍັດໄວ້ໃນລັດຖະທຳມະນູນ ແລະ ເຮັດໃຫ້ເປັນຮູບປະທຳຜ່ານກົດໝາຍ, ພ້ອມທັງນຳໄປປະຕິບັດຢ່າງມີປະສິດທິຜົນໃນພາກປະຕິບັດຕົວຈິງ. ປະຊາທິປະໄຕແບບຕົວແທນ ແລະ ປະຊາທິປະໄຕໂດຍກົງ ຍັງຄົງໄດ້ຮັບການສົ່ງເສີມຢ່າງຕໍ່ເນື່ອງ. ແນວໂຮມປະເທດຊາດ ແລະ ອົງກອນການເມືອງ-ສັງຄົມຕ່າງໆ ໄດ້ປັບປຸງວິທີການດຳເນີນງານເທື່ອລະກ້າວ, ມີສ່ວນຮ່ວມຢ່າງເປັນຮູບປະທຳຕໍ່ການເຮັດໃຫ້ສິດການເປັນເຈົ້າຂອງ ປະຊາຊົນເກີດຂຶ້ນຈິງ. ຮູບແບບລັດນິຕິທໍາຕາມທິດສັງຄົມນິຍົມຫວຽດນາມ ພາຍໃຕ້ຫລັກການ “ພັກເປັນຜູ້ນຳ, ລັດເປັນຜູ້ບໍລິຫານຈັດການ, ປະຊາຊົນເປັນເຈົ້າຂອງ” ກຳລັງໄດ້ຮັບການພັດທະນາໃຫ້ສົມບູນຫລາຍຍິ່ງຂຶ້ນ ແລະ ໄດ້ກາຍເປັນຮາກຖານທີ່ໝັ້ນຄົງ, ເຊິ່ງມີສ່ວນສຳຄັນຕໍ່ຜົນສຳເລັດອັນຍິ່ງໃຫຍ່ ແລະ ມີຄວາມໝາຍທາງປະຫວັດສາດໃນພາລະກິດການປະຕິຮູບ, ການສ້າງສັນ ແລະ ການປົກປ້ອງສາທາລະນະລັດສັງຄົມນິຍົມຫວຽດນາມ.

ລົມພາຍຸໄຕ້ຝຸ່ນຄາຈິກິ (KAJIKI) ໄດ້ອ່ອນກໍາລັງລົງກາຍເປັນພາຍຸດີເປຼຊັນ ຍັງສືບຕໍ່ເຄື່ອນທີ່ຢູ່ທາງພາກເໜືອຂອງປະເທດລາວ ສົມທົບກັບລົມມໍລະສຸມຕາເວັນຕົກສ່ຽງໃຕ້ທີ່ມີກໍາລັງແຮງພັດປົກຄຸມ, ຊຶ່ງຈະເຮັດໃຫ້ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍ ຫາ ປານກາງຢຸ່ເກືອບທົ່ວໄປ ແລະ ຈະມີຝົນຕົກໜັກ ຫາ ໜັກຫລາຍ ພ້ອມມີລົມພັດແຮງຢຸ່ບາງທ້ອງຖິ່ນແຂວງພາກເໜືອ ແລະ ພາກກາງ.

ດັ່ງນັ້ນ, ຈຶ່ງແຈ້ງເຕືອນເຖິງປະຊາຊົນບັນດາເຜົ່າ, ອົງການປົກຄອງທ້ອງຖິ່ນ ແລະ ອົງການຈັດຕັ້ງທຸກພາກສ່ວນໃນແຕ່ລະພາກ ລວມທັງນະຄອນຫລວງວຽງຈັນ ຈົ່ງມີສະຕິລະມັດລະວັງ ແລະ ກຽມພ້ອມຮັບມືຕໍ່ສະພາບຝົນຕົກໜັກຕິດຕໍ່ກັນຫລາຍວັນ ທີ່ຈະເຮັດໃຫ້ມີດິນເຈື່ອນ, ນ້ຳຖ້ວມຊຸ, ນ້ຳຖ້ວມຍື່ງ ແລະ ນ້ຳຖ້ວມອັ່ງໃນຕົວເມືອງ. ຂໍໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ຢ່າງຕໍ່ເນື່ອງ.