ສຳນັກຂ່າວຊິນຮວາ ເມື່ອບໍ່ດົນມານີ້ ທ່ານ ຮຸນ ມາເນັດ ນາຍົກລັດຖະມົນຕີກຳປູເຈຍ ເຂົ້າຮ່ວມກອງປະຊຸມກັບຄະນະຜູ້ແທນທາງທຸລະກິດຂອງກຸ່ມບໍລິສັດຈີນ ໃນນະຄອນຫລວງພະນົມເປັນ ພ້ອມທັງໄດ້ກ່າວເນັ້ນວ່າ: ກຳປູເຈຍ ຕ້ອງການ ການລົງທຶນຈາກ ສປ ຈີນ ເພີ່ມຂຶ້ນໂດຍກຳປູເຈຍ ໃຫ້ຄວາມສຳຄັນກັບການລົງທຶນດ້ານພະລັງງານຄຸ້ມຄອງ ສິ່ງແວດລ້ອມ, ສຸຂະພາບ, ກະສິກຳ, ອຸດສາຫະກຳ ແລະ ການເງິນ ຫລັງຈາກ ຜູ້ປະກອບການ ທີ່ໃຊ້ເງິນທຶນຂອງ ສປ ຈີນ ມີບົດບາດສຳຄັນ ຕໍ່ການຊ່ວຍກະຕຸ້ນ ເສດຖະກິດ ກຳປູເຈຍ ແລະ ຍົກລະດັບຊີວິການເປັນຢູ່ຂອງປະຊາຊົນທ້ອງຖິ່ນໃຫ້ດີຂຶ້ນ.
ຂະນະທີ່ໂຄງການຂະໜາດໃຫຍ່ ທີ່ ສປ ຈີນ ລົງທຶນຢູ່ພາຍໃຕ້ຂໍ້ລິເລີ່ມໜຶ່ງແລວທາງໜຶ່ງເສັ້ນທາງ (BRI) ເຊັ່ນ: ເຂດເສດຖະກິດພິເສດ ສີຫານຸວິລ, ເຂື່ອນໄຟຟ້ານ້ຳຕົກ, ທາງດ່ວນພະນົມເປັນ-ສີຫະນຸກວິລ, ສະໜາມບິນ ສາກົນ Siem Reap Angkor, ຖະໜົນຫົນທາງ ແລະ ຂົວ ໄດ້ມີບົດບາດ ສຳຄັນ ແລະ ຈະສືບຕໍ່ ມີບົດບາດ ຊຸກຍູ້ ເສດຖະກິດ ກຳປູເຈຍໃຫ້ເຂັ້ມແຂງ ຍິ່ງຂຶ້ນ ໃນຕໍ່ໜ້າ.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
