ໃນວັນທີ 28 ມິຖຸນາ 2024 ທີ່ ກະຊວງການຕ່າງປະເທດ ໄດ້ມີພິທີມອບ-ຮັບເງິນສະໜັບສະໜູນການເປັນປະທານອາຊຽນຂອງ ສປປ ລາວ ໃນປີ 2024 ຈໍານວນ 1 ຕື້ ກີບ ຈາກ ບໍລິສັດ ເທີນ ຫີນບູນ ພາວເວີ ຈໍາກັດ.
ຕາງໜ້າໃຫ້ລັດຖະບານ ສປປ ລາວ ແມ່ນ ທ່ານ ບຸນເຫຼືອ ພັນດານຸວົງ, ຮອງລັດຖະມົນຕີກະຊວງການຕ່າງປະເທດ ໃນນາມຮອງຫົວໜ້າອະນຸກໍາມະການຂົນຂວາຍການຊ່ວຍເຫຼືອ ສໍາລັບປະທານອາຊຽນ ຂອງ ສປປ ລາວ ໃນປີ 2024 ເປັນຜູ້ຮັບ ແລະ ທ່ານ ຈີ່ຊົ່ງ ຈືຫວ່າໄຊກິ, ຜູ້ອໍານວຍການໃຫຍ່ບໍລິສັດ ເທີນ ຫີນບູນ ພາວເວີ ຈໍາກັດ ໄດ້ຕາງໜ້າບໍລິສັດມອບເງິນຊ່ວຍເຫຼືອດັ່ງ ກ່າວ.
ການຊ່ວຍເຫຼືອດັ່ງກ່າວ ແມ່ນຈະນໍາໃຊ້ເຂົ້າໃນວຽກງານການ ດໍາເນີນການເປັນປະທານອາຊຽນ ຂອງ ສປປ ລາວ ໃນປີ 2024.
