ສຳນັກຂ່າວສານສູນກາງ ສປປ ເກົາຫລີ (KCNA)ເປີດເຜີຍວ່າ: ສປປ ເກົາຫລີ ໄດ້ອະນຸຍາດ ໃຫ້ພົນລະເມືອງ ຂອງປະເທດນີ້ ພວມອາໄສ ຢູ່ຕ່າງປະເທດ ໄດ້ກັບຄືນ ປະເທດ ຢ່າງເປັນທາງການ ພາຍຫລັງ ທີ່ສູນປ້ອງກັນ, ສະກັດກັ້ນ ພະຍາດ ລະບາດ ສຸກເສີນ ແຫ່ງລັດ ຂອງ ສປປ.ເກົາຫລີ (SEEPH) ໄດ້ດັດປັບ ຂໍ້ຕົກລົງ ວ່າດ້ວຍ ການປ້ອງກັນ, ຕ້ານພະຍາດ ລະບາດ ໃນສະພາບການ ພະຍາດ ລະບາດ ທົ່ວໂລກ ໄດ້ຫລຸດລົງແລ້ວ. ເຖິງຢ່າງໃດ ກໍຕາມ, ຜູ້ຄົນທີ່ກັບຄືນ ປະເທດນັ້ນ ຈະໄດ້ຕິດຕາມ ສະພາບການ ສຸຂະພາບ ຢູ່ສູນແຍກຕົວ ໃນເວລາ 1 ອາທິດ.ສປປ.ເກົາຫລີ ໄດ້ເຊື່ອມຕໍ່ ບັນດາຖ້ຽວບິນ ການຄ້າກັບ ສປ ຈີນ ແລະ ຣັດເຊຍ ຄືນໃໝ່ ພາຍຫລັງ ໄດ້ປິດປະຕູ ຊາຍແດນ ເປັນເວລາ ຫລາຍກ່ວາ 3 ປີ ຍ້ອນພະຍາດ ລະບາດ ໂຄວິດ-19./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
