ຕາມຂ່າວຈາກລອນດອນ, ທະນາຄານກາງ ຂອງຫລາຍປະເທດ ໃນເອີຣົບ ປະກາດ ກ່ຽວກັບ ການປັບຂຶ້ນ ອັດຕາ ດອກເບ້ຍ ນະໂຍບາຍ ໃນວັນທີ23 ມີນານີ້ ຫລັງຈາກ ທະນາຄານກາງ ສ.ອາເມລິກາ ຫລື ເຟດ(Fed)ປະກາດ ຂຶ້ນດອກເບ້ຍ 0,25%. ຂະນະທີ່ ພາກທຸລະກິດ ຂອງທະນາຄານ ຂອງໂລກ ຍັງຄົງ ວຸ້ນວາຍ.
ດັ່ງນັ້ນ ທະນາຄານກາງ ຂອງອັງກິດ, ສະວິດ ແລະ ນອກແວ ຈະຂຶ້ນດອກເບ້ຍ ເຊັ່ນດຽວກັນ ໂດຍສະເພາະ ທະນາຄານກາງ ຂອງສະວິດ ຈະປັບເພີ່ມຂຶ້ນ 0.50% ທຽບກັບ ການເພີ່ມຂຶ້ນ ຫລ້າສຸດ ໃນເດືອນທັນວາ ປີກາຍນີ້ ເຮັດໃຫ້ ດອກເບ້ຍ ເງິນກູ້ ປັບຂຶ້ນເປັນ 1.0% ສ່ວນ ທະນາຄານກາງ ອັງກິດ ຈະປັບເພີ່ມຂຶ້ນ 0.25% ຫລັງຈາກ ຕົວເລກ ອັດຕາ ເງິນເຟີ້ ເພີ່ມຂຶ້ນ 10,4% ເມື່ອທຽບໃສ່ ໄລຍະດຽວກັນ ຂອງປີກາຍ.ທະນາຄານກາງ ນອດແວ ຈະປັບຂຶ້ນ 0,25% ເປັນ3,0% ຫລັງຈາກ ຂຶ້ນມາແລ້ວ ຄັ້ງທີ່5 ຕິດຕໍ່ກັນ ຈົນເຖິງ ເດືອນມັງກອນ ປີນີ້./.
(ບັນນາທິການຂ່າວ: ຕ່າງປະເທດ), ຮຽບຮຽງຂ່າວໂດຍ: ສະໄຫວ ລາດປາກດີ
