ອີຢູ ຊ່ວຍເຫຼືອດ້ານມະນຸດສະທໍາ ແກ່ອາຟຣິກາ

ວິທະຍຸກະຈາຍສຽງຫວຽດນາມລາຍງານວ່າ: ຄະນະກໍາມະການເອີຣົບ (EC) ປະກາດບ້ວງເງິນຊ່ວຍເຫຼືອມະນຸດສະທໍາ ມີມູນຄ່າ 50 ລ້ານເອີໂຣ ໃຫ້ແກ່ພາກພື້ນ ອາຟຣິກາໃຕ້ ແລະ ມະຫາສະໝຸດ ອິນເດຍ. ບ້ວງເງິນດັ່ງກ່າວຈະຊ່ວຍແກ້ໄຂສະພາບການຂາດຄວາມໝັ້ນຄົງດ້ານສະບຽງອາຫານ, ດ້ານການຂາດສານອາຫານ ແລະ ໃຫ້ປະຊາຊົນພາກພື້ນນີ້ໄດ້ເຂົ້າເຖິງການບໍລິການພື້ນຖານ, ກຽມພ້ອມຮັບມືກັບໄພພິບັດ ແລະ ຊຸກຍູ້ການສຶກສາໃນສະພາວະສຸກເສີນໃນທົ່ວພາກພື້ນ. ໃນນັ້ນ, 13,3 ລ້ານເອີໂຣ ແບ່ງໃຫ້ ມາດາຢາກາ, 25 ລ້ານ ເອີໂຣ ໃຫ້ ໂມຊໍາບິກ, 7,4 ລ້ານ ເອີໂຣ ໃຫ້ແກ່ ຢິມບຳເວ ແລະ 4,3 ລ້ານເອີໂຣ ແບ່ງໃຫ້ ເລໂຊໂທ, ມາລາວີ ແລະ ໂຄງການອື່ນໆໃນພາກພື້ນ.