ຂ່າວສານຊີອາໄອລາຍງານວ່າ: ໃນວັນທີ 23 ກໍລະກົດ ຜ່ານມານີ້, ທະນາຄານພັດທະນາອາຊີ ຫຼື ADB ໄດ້ປະກາດບົດລາຍງານ “ການຄາດຄະເນການພັດທະນາອາຊີ ປີ 2025 (ສະບັບເດືອນກໍລະກົດ)”, ໂດຍໄດ້ປັບຫຼຸດການຄາດຄະເນການເຕີບໂຕດ້ານເສດຖະກິດໃນປີ 2025 ຂອງກຸ່ມເສດຖະກິດທີ່ກຳລັງພັດທະນາຢູ່ເຂດອາຊີ-ປາຊີຟິກ ລົງເຫຼືອ 4.7% ແລະ 4.6% ໃນປີ 2026.
ADB ເປີດເຜີຍວ່າ: ການປັບຫຼຸດການຄາດຄະເນຄັ້ງນີ້ ຕົ້ນຕໍແມ່ນໄດ້ຮັບຜົນກະທົບຈາກນະໂຍບາຍດ້ານພາສີຂອງ ສະຫະລັດ ອາເມຣິກາ, ຄວາມບໍ່ແນ່ນອນຂອງການຄ້າທົ່ວໂລກ ແລະ ຄວາມອ່ອນແອດ້ານຄວາມຕ້ອງການພາຍໃນປະເທດ.
