ສຳນັກຂ່າວຊິນຮວາ ຂອງ ສປ ຈີນ,ວັນທີ7ເມສານີ້, ສປ ຈີນ ເລັ່ງພັດທະນາ ຫຸ່ນຍົນມະນຸດ ຄວາຟູ່(Kuavo)ຄວາມສູງ 1,7 ແມັດ ເພື່ອເຮັດໜ້າທີ່ ຕ້ອນຮັບແຂກ, ຕອບຄຳຖາມ ຜູ້ມາຢ້ຽມຢາມ ແລະ ແນະນຳ ເສັ້ນທາງ ໃຫ້ແກ່ ແຂກຜູ້ມາຮ່ວມ ກອງປະຊຸມ ພາຍໃນ ສູນນະວັດຕະກຳ ສາກົນ ຈົງກວນຊຸນ ທີ່ນະຄອນຫລວງ ປັກກິ່ງ. ປັດຈຸບັນ ຫຸ່ນຍົນ ດັ່ງກ່າວ ຖືກນຳໄປໃຊ້ງານ ໃນມະຫາວິທະຍໄລ,ຫໍວາງສະແດງ ແລະ ໂຮງງານ ຜະລິດລົດ.ນອກນີ້ ຍັງກຽມນຳໄປໃຊ້ງານ ໃນເຮືອນປະຊາຊົນ ແລະໃຫ້ບໍລິການອື່ນໆ ໃນອະນາຄົດ.ສປ ຈີນ ຖືສິດທິບັດ ທີ່ກ່ຽວຂ້ອງກັບ ຫຸ່ນຍົນ 190.000ກວ່າຊະນິດ, ກວມເອົາ ປະມານ 2ສ່ວນ 3ຂອງສິດທິບັດ ທັງໝົດ ໃນທົ່ວໂລກ.ຕະຫລາດ ຫຸ່ນຍົນມະນຸດ ຂອງ ສປ ຈີນ ຄາດວ່າ ຈະເພີ່ມຂຶ້ນເຖິງ 870ຕື້ຢວນ ໃນປີ 2030.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
