ຮູ້ຈັກຄວາມໝາຍຂອງ ສາມວັນ ໃນໄລຍະກຸດສົງການປີໃໝ່ລາວເຮົາແລ້ວບໍ່ ?
1. ວັນສັງຂານລ່ວງ ໝາຍເຖິງວັນສົ່ງທ້າຍປີເກົ່າ.
2. ວັນເນົາ ໝາຍເຖິງວັນຢຸດ ວັນເຊົາ ວັນຢູ່ລະຫວ່າງກາງ ເປັນຂົວຕໍ່ ເຊິ່ງບໍ່ແມ່ນວັນຂອງປີເກົ່າ ທັງບໍ່ແມ່ນວັນປີໃໝ່.
3. ວັນສັງຂານຂຶ້ນ ໝາຍເຖິງວັນຖະເຫຼີງສົກ ຫຼື ມື້ທໍາອິດຂອງປີໃໝ່ ເປັນວັນປ່ຽນ ຈ.ສ.
ເດືອນຄູ່ (ຍີ່, 4, 6, 8, 10 ແລະ 12) ຂອງປະຕິທິນລາວຕາມຈັນທະຣະຄະຕິມີ 30 ວັນ ( ເດືອນຄູ່ດັບຄີກ ໝາຍຄວາມວ່າ: ຂ້າງຂຶ້ນ ຂ້າງແຮມນີ 15 ວັນ ) ແລະ ເດືອນຄີກ ( ຈຽງ, 3, 5, 7, 9 ແລະ 11 ) ມີ 29 ວັນ ( ເດືອນຄີກກັບຄູ່ ສຸດທີ່ມີແຮມ 14 ຄໍ່າ ) ສິ່ງນີ້ໄດ້ເປັນການຕອບໂຈດ ທີ່ຄົນບູຮານລາວຄິດວ່າ ຈະເຮັດແນວໃດຈຶ່ງເຮັດໃຫ້ປະຕິທິນລາວ ທີ່ກຳນົດເອົາດວງຈັນເປັນຫຼັກ (ຈັນທະຣະຄະຕິ) ກັບປະຕິທິນສາກົນທີ່ຖືເອົາດວງອາທິດເປັນທີ່ຕັ້ງ (ສຸຣິຍະຄະຕິ) ບໍໃຫ້ຫຍັບຫ່າງກັນອອກໄປ ເລີຍລົງຕົວພໍດີ; ແກ້ໂຈດນີ້ ໄດ້ໂດຍຕັ້ງກົດໄວ້ເລີຍວ່າທຸກ 4 ປີໄດ ແມ່ນຈະມີເດືອນ ແປດສອງທົນ ຫຼື ສອງຄັ້ງ ນັ້ນເອງ (ປີ ນັ້ນ ວັນເຂົ້າພັນສາ ແມ່ນໃຫ້ຖືເອົາເດືອນແປດຄັ້ງທີ່ສອງ);
ວັນກຸດສົງການລາວກໍເຊັ່ນດຽວກັນ ພາຍຫຼັງປີແປດສອງຫົນ ຫຼື ມີເດືອນແປດສອງຄັ້ງ, ກຸດສົງການປີຖັດໄປ ແມ່ນຈະມີວັນເນົາສອງວັນ ເຊິ່ງ 4 ປີມີຄັ້ງໜຶ່ງເຊັ່ນດຽວກັນກັບເດືອນກຸມພາ ທີ່ມີ 29 ມື້ 4 ປີມີຄັ້ງໜຶ່ງ.
