ວິທະຍຸ ກະຈາຍສຽງ ຫວຽດນາມ, ທ່ານ ມາກ ຣູທີ(Mark Rutte) ເລຂາທິການໃຫຍ່ ອົງການ ສົນທິສັນຍາ ອັດລັງຕິກເໜືອ (NATO) ໃຫ້ຮູ້ວ່າ ບັນດາ ປະເທດ ສະມາຊິກ ໄດ້ໃຫ້ຄຳໝັ້ນສັນຍາ ໜູນຊ່ວຍ ດ້ານການທະຫານ ທີ່ມີມູນຄ່າກວ່າ 20 ຕື້ ເອີໂຣ (21,65 ຕື້ໂດລາສະຫະລັດ) ໃຫ້ແກ່ ອູແກຣນ ໃນ 3 ເດືອນຕົ້ນປີ. ພາຍຫລັງ ຈັດການຖະແຫລງຂ່າວ ຢູ່ນະຄອນ ບຣຸກແຊນ (ແບນຊິກ), ທ່ານ ເລຂາທິການໃຫຍ່ NATO ຢັ້ງຢືນວ່າ: ກອງບັນຊາການ ຂອງສຳພັນທະມິດ ຢູ່ Wisebaden ຍັງສືບຕໍ່ ປະສານງານ ເລື່ອງສະໜອງ ການຊ່ວຍເຫຼືອ ດ້ານຄວາມໝັ້ນຄົງ ແລະ ບຳລຸງສ້າງໃຫ້ແກ່ ຢູແກຼນ. ໃນລະຫວ່າງວັນທີ 3 – 4 ເມສາ, ທ່ານລັດຖະມົນຕີການຕ່າງປະເທດ ບັນດາປະເທດສະມາຊິກ NATO ໄດ້ໂຮມປະຊຸມຢູ່ນະຄອນ ບຣຸກແຊນ ເພື່ອປຶກສາຫາລືກ່ຽວກັບການໜູນຊ່ວຍ ອູແກຣນ ເພີ່ມເຕີມ. ບັນດາການກະທຳ ໜູນຊ່ວຍ Kiev ຂອງເອີຣົບ ພວມນັບມື້ນັບເຂັ້ມແຂງກວ່າ ພາຍຫລັງ ທີ່ມີສັນຍາກ່ຽວກັບ ການດັດປັບ ນະໂຍບາຍ ພົວພັນຕ່າງປະເທດຂອງ ສ.ອາເມລິກາ ພາຍໃຕ້ສະໄໝ ຂອງທ່ານ ໂດນັນ ທຣຳ, ປະທານາທິບໍດີ, ດ້ວຍການຫຍັບເຂົ້າໃກ້ລັດເຊຍ ກໍຄື ຫັນຈຸດສຸມຈາກ ເອີຣົບ ໄປຍັງພາກພື້ນ ມະຫາສະໝຸດ ອິນເດຍ – ປາຊີຟິກ. ໃນຂະນະນັ້ນ, ຣັດເຊຍ ຍາມໃດກໍຄັດຄ້ານເລື່ອງ ບັນດາປະເທດ ຝ່າຍຕາເວັນຕົກ ໜູນຊ່ວຍໃຫ້ແກ່ ຄຽບ(Kiev), ໂດຍຖືວ່າ ນີ້ແມ່ນການກະທຳ ເຮັດໃຫ້ເພີ່ມທະວີ ການປະທະກັນ ແລະ ເກາະຜິດກັບ ອູແກຣນ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
