ວິທະຍຸກະຈາຍສຽງຫວຽດນາມລາຍງານວ່າ: ຫວ່າງມໍ່ໆມານີ້, ທ່ານ ມາເນວ ອາດໍຣນີ ໂຄສົກທຳນຽບປະທານາທິບໍດີ ອາກຊັງຕິນ ຖະແຫຼງວ່າ: ອາກຊັງຕິນ ຈະຖອນຕົວອອກຈາກອົງການອະນາໄມໂລກ (WHO) ແລະ ຢັ້ງຢືນວ່າ ດ້ວຍຂໍ້ຕົກລົງນີ້, ອາກຊັງຕິນ ພວມມຸ່ງໄປເຖິງປະເທດທີ່ມີອະທິປະໄຕໃນບັນດາບັນຫາສາທາລະນະສຸກ.
ຂ່າວລະບຸວ່າ: ກ່າວຄຳເຫັນໃນການຖະແຫຼງຂ່າວ, ທ່ານ ມາເນວ ອາດໍຣນີ ໃຫ້ຮູ້ວ່າ: ອາກຊັງຕິນ ບໍ່ໄດ້ຮັບການອຸປະຖຳຈາກອົງການ WHO. ດັ່ງນັ້ນ, ການຕັດສິນໃຈດັ່ງກ່າວບໍ່ສົ່ງຜົນກະທົບຕໍ່ຄຸນນະພາບການບໍລິການສາທາລະນະສຸກຂອງ ອາກຊັງຕິນ. ກ່ຽວກັບ ອາກຊັງຕິນ ຖອນຕົວອອກຈາກ WHO ຈະມີຜົນສັກສິດເມື່ອທ່ານ ຈາເວຍ ມິເລີ ປະທານາທິບໍດີ ອາກຊັງຕິນ ລົງນາມໃນລັດຖະດຳລັດຮັບຮອງເອົາ.
