ອາກອນທີ່ດິນແມ່ນພັນທະເປັນເງິນທີ່ເກັບຈາກບຸກຄົນ, ນິຕິບຸກຄົນ ຫຼື ການຈັດຕັ້ງທີ່ເປັນເຈົ້າຂອງສິດນໍາໃຊ້ທີ່ດິນ, ຜູ້ນຳໃຊ້ ຫຼື ຜູ້ຄອບຄອງ ຊຶ່ງຈະໄດ້ຊໍາລະເປັນແຕ່ປີຕາມທີ່ກົດໝາຍກໍານົດໄວ້.
ປັດຈຸບັນການຊໍລະອາກອນທີ່ດິນມີຫຼາຍຊ່ອງທາງໃນການຊຳລະບໍ່ວ່າຈະຈ່າຍຜ່ານແອັບພິເຄຊັນຂອງທະນາຄານ; ຈ່າຍຜ່ານຫ້ອງການສ່ວຍສາອາກອນທີ່ຢູ່ໃກ້ບ້ານທ່ານ ແລະ ຫ້ອງການປົກຄອງບ້ານບ່ອນຕອນດິນຕັ້ງຢູ່. ໃນປີ 2024 ຜ່ານມາ ສາມາດເອົາຂໍ້ມູນຕອນດິນເຂົ້າສູ່ລະບົບຄຸ້ມຄອງເກັບລາຍຮັບສ່ວຍສາອາກອນ (TaxRIS) ສໍາເລັດແລ້ວຫຼາຍກວ່າ 1,357,341 ຕອນ, ເພີ່ມຂຶ້ນຈາກຂໍ້ມູນເບື້ອງຕົ້ນ 490,077 ຕອນ (ເບື້ອງຕົ້ນ 867,264 ຕອນ); ການເກັບລາຍຮັບອາກອນທີ່ດິນໄດ້ທັງໝົດ 211 ຕື້ກວ່າກີບເທົ່າກັບ 106% ຂອງແຜນການປີທຽບໄລຍະດຽວກັນຂອງປີຜ່ານເພີ່ມຂຶ້ນ 11% ເປັນເງິນ 20 ຕື້ກວ່າກີບ.
ການເສຍພັນທະອາກອນທີ່ດິນຖືເປັນການປະກອບສ່ວນໃນການສ້າງສາ ແລະພັດທະນາປະເທດຊາດ.
#ທີ່ມາ: ກະຊວງການເງິນ
