ຕາມຂ່າວຈາກນະຄອນຫລວງເຕກຸຍຊິການຢາ ວັນທີ17 ພະຈິກນີ້ ພາຍຸເຂດຮ້ອນຊາຣາ (Sara) ເຮັດໃຫ້ເກີດນ້ຳຖ້ວມ ເປັນບໍລິເວນກວ້າງ ແລະ ດ້ານພື້ນຖານໂຄງລ່າງໄດ້ຮັບຄວາມເສຍຫາຍຢ່າງໜັກໃນຫລາຍເຂດຊຸມຊົນ ຂອງປະເທດຮົງດູຣັດ ຖືກຕັດຂາດຈາກພາຍນອກ. ໃນເບື້ອງຕົ້ນມີລາຍງານຜູ້ເສຍຊີວິດ 1 ຄົນ, ມີຜູ້ປະສົບໄພຫລາຍກວ່າ 55.700 ຄົນ, ຊຸມຊົນຖືກຕັດຂາດ 146 ແຫ່ງ, ຂົວ 5 ແຫ່ງ ພັງລົງ ແລະ ຖະໜົນ 20 ແຫ່ງ ໄດ້ຮັບຄວາມເສຍຫາຍ. ຂະນະນີ້ ພາຍຸດັ່ງກ່າວ ພວມເຄື່ອນຕົວໄປຍັງປະເທດເບລິດ ແລະ ພາກຕາເວັນອອກສຽງໃຕ້ ຂອງເມັກຊິກ ດ້ວຍຄວາມໄວ 7 ກິໂລແມັດຕໍ່ຊົ່ວໂມງ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
