ພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ( ຖວທ ) ແຂວງເຊກອງ ໄດ້ຈັດພິທີປາຖະກະຖາເຊື່ອມຊຶມເອກະສານວັນສໍາຄັນຂອງພັກ-ຂອງຊາດ ຂຶ້ນໃນວັນທີ 15 ກໍລະກົດຜ່ານມາ ທີ່ພະແນກດັ່ງກ່າວ ໂດຍການເປັນປະທານຂອງທ່ານ ບຸນທົງ ຖິ່ນດອນໂຂງ ຮອງຫົວໜ້າພະແນກ ຖວທ ແຂວງ, ມີຄະນະພັກ-ຄະນະພະແນກກ່ຽວຂ້ອງເຂົ້າຮ່ວມ.
ໂອກາດນີ້, ທ່ານ ບຸນທົງ ຖິ່ນດອນໂຂງ ໄດ້ຍົກໃຫ້ເຫັນມູນເຊື້ອວັນເກີດຂອງປະທານ ສຸພານຸວົງ ຄົບຮອບ 115 ປີ (13/7/1909-13/7/2024), ວັນສ້າງຕັ້ງພັກກອມມູນິດຈີນ ຄົບຮອບ 103 ປີ (1/7/1921-1/7/2024), ວັນເຊັນສົນທິສັນຍາມິດຕະພາບ-ການຮ່ວມມືຮອບດ້ານລະຫວ່າງສປປ ລາວ ກັບ ສສ ຫວຽດນາມ ຄົບຮອບ 47 ປີ, (18/7/1977-18/7/2024), ວັນສ້າງຕັ້ງສາຍພົວພັນການທູດລະຫວ່າງສປປ ລາວ ກັບ ສສ ຫວຽດນາມ ຄົບຮອບ 62 ປີ (5/9/1962-5/9/2024) ແລະ ວັນສ້າງຕັ້ງອົງການຈັດຕັ້ງສະຫະພັນແມ່ຍິງລາວຄົບຮອບ 69 ປີ (20/7/1955-20/7/2024).
ໃນພິທີບັນດາຄະນະພັກ-ຄະນະພະແນກ ຍັງໄດ້ປາຖະກະຖາເຜີຍແຜ່ເອກະສານແຈ້ງການຂອງຄະນະກຳມະການຫັນເປັນດີຈີຕອນຂອງແຂວງເຊກອງ ສະບັບເລກທີ 23/ຄຕ-ຄອຂ,ຊກ, ລົງວັນທີ 25 ມິຖຸນາ 2024 ວ່າດ້ວຍການຜັນຂະຫຍາຍ ແລະ ຈັດຕັ້ງປະຕິບັດການຫັນເປັນດີຈີຕອນ, ຂໍ້ຕົກລົງຂອງທ່ານເຈົ້າແຂວງ ສະບັບເລກທີ 33/ ຄຕ-ຄອຂ, ຊກ, ລົງວັນທີ 2 ກຸມພາ 2024 ວ່າດ້ວຍການແຕ່ງຕັ້ງຄະນະກຳມະການຫັນເປັນດີຈີຕອນ ແລະ ຄຸ້ມຄອງອິນເຕີເນັດຂັ້ນແຂວງ ແລະ ຂໍ້ຕົກລົງ ສະບັບເລກທີ 131/ຊກ, ລົງວັນທີ 23 ພຶດສະພາ 2024 ວ່າດ້ວຍລະບຽບການ ແລະ ກົນໄກການເຮັດວຽກງານອົງການປົກຄອງທ້ອງຖິ່ນ ແນໃສ່ໂຄສະນາ-ສຶກສາອົບຮົມການເມືອງ-ນໍາພາແນວຄິດໃຫ້ສະມາຊິກພັກ, ພະນັກງານລັດຖະກອນມີຄວາມຮັບຮູ້-ເຂົ້າໃຈກ່ຽວກັບຄວາມໝາຍຄວາມສໍາຄັນ ແລະ ມູນເຊື້ອຂອງວັນປະຫວັດສາດດັ່ງກ່າວໃຫ້ຕໍ່ເນື່ອງເປັນປົກກະຕິຢ່າງເລິກເຊິ່ງກວ້າງ ຂວາງ, ເສີມຂະຫຍາຍມູນເຊື້ອອັນສະຫງ່າງາມຂອງບັນດາວັນປະຫວັດສາດເຫຼົ່ານັ້ນ ເຂົ້າໃນການຝຶກຝົນຫຼໍ່ຫຼອມຕົນເອງຂອງພະນັກງານ, ສະມາຊິກພັກ ເພື່ອຮັບໃຊ້ຊາດ-ຮັບໃຊ້ປະຊາຊົນດ້ວຍຄວາມບໍລິສຸດໃຈ ເພີ່ມທະວີຄວາມຮັບຜິດຊອບໃນການປະຕິບັດມະຕິ Xl ຂອງພັກ, ແຜນການ 5 ປີຄັ້ງທີ IX ຂອງລັດ ແລະ ມະຕິ X ຂອງອົງຄະນະພັກແຂວງ ເຊື່ອມສານກັບວຽກງານຈຸດສຸມທີ່ພະແນກ ຖວທ ວາງອອກໃຫ້ປະກົດຜົນເປັນຈິງ. ຂ່າວ: ອັດສະວິນ
