ຕາມຂ່າວຈາກນະຄອນຫລວງດາກາ, ວັນທີ9 ກໍລະກົດນີ້, ກະຊວງດ້ານກິດຈະການ ໄພພິບັດ ແລະ ບັນເທົ່າທຸກ ຂອງບັງກລາເທດ ເປີດເຜີຍວ່າ: ປະຊາຊົນ ປະມານ 40.000ຄົນ ຕ້ອງຍົກຍ້າຍ ໄປຢູ່ສູນພັກຊົ່ວຄາວ ຂອງລັດ ແລະ ມີການຈັດຕັ້ງ ໜ່ວຍງານແພດໝໍ ຫລາຍກວ່າ 600 ຄົນ ເພື່ອເບີ່ງແຍງ ຜູ້ເຄາະຮ້າຍ ຈາກເຫດການ ນ້ຳຖ້ວມ ຄັ້ງນີ້.ນອກນີ້ ຍັງມີເຮືອນປະຊາຊົນ ເປ້ເພ່ ຈຳນວນຫລາຍຫລັງ ຖະໜົນ ຫລາຍສາຍ ຖືກນ້ຳຖ້ວມຂັງ ,ຂົວ ແລະ ເຂື່ອນ ໄດ້ຮັບຄວາມເສຍຫາຍ. ຊາວກະສິກອນ ຕ້ອງຊ່ວຍກູ້ຊີວິດ ສັດລ້ຽງ ຈາກໄພນໍ້າຖ້ວມ.ຂະນະທີ່ ກົມອຸຕຸນິຍົມວິທະຍາທ້ອງຖິ່ນຄາດວ່າຈະມີຝົນຕົກໜັກ ຢູ່ພາກກາງ ແລະ ພາກໃຕ້ ຂອງປະເທດ ພ້ອມທັງເຕືອນໃຫ້ປະຊາຊົນກຽມຄວາມພ້ອມ ຮັບມືຕື່ມອີກ ຊຶ່ງຈະມີຝົນຕົກ ຢ່າງໜັກ ໃນອີກ 2-3ວັນ ຕໍ່ໜ້າ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
