Saturday, July 13, 2024
Homeຂ່າວພາຍໃນນວ ຮ່ວມສອງກະຊວງ ກວດກາຄວາມພ້ອມ ຮັບໃຊ້ກອງປະຊຸມອາຊຽນ

ນວ ຮ່ວມສອງກະຊວງ ກວດກາຄວາມພ້ອມ ຮັບໃຊ້ກອງປະຊຸມອາຊຽນ

ກອງປະຊຸມປຶກສາຫາລືກ່ຽວກັບການກວດກາຄວາມພ້ອມຮັບໃຊ້ກອງປະຊຸມອາຊຽນ ແລະ ກອງປະຊຸມປິ່ນອ້ອມ ໄດ້ຈັດຂຶ້ນວັນທີ 8 ກໍລະກົດ 2024 ທີ່ ຫ້ອງປະຊຸມ ສໍານັກງານ ອົງການປົກຄອງນະຄອນຫຼວງວຽງຈັນ ເປັນປະທານຂອງ ທ່ານ ອາດສະພັງທອງ ສີພັນດອນ ເຈົ້າຄອງນະຄອນ ຫຼວງວຽງຈັນ ທັງໃນນາມເປັນກຳມະການ ຮັບຜິດຊອບຊີ້ ນຳອະນຸກຳມະການວຽກງານປະດັບປະດາຕົວເມືອງວຽງ ຈັນ ໂຮງແຮມ ຮ້ານອາຫານ ທີ່ພັກ ໄຟຟ້າ ນໍ້າປະປາປະທານຮ່ວມໂດຍ ທ່ານ ໂພໄຊ ໄຊຍະສອນ ລັດຖະມົນຕີ ກະຊວງ ພະລັງງານ ແລະ ບໍ່ແຮ່ ມີ ທ່ານ ລິດຕາ ຂັດທິຍະ ຮອງລັດ ຖະມົນຕີກະຊວງໂຍທາທິການ ແລະ ຂົນສົ່ງ ພ້ອມດ້ວຍ ບັນດາທ່ານ ຮອງເຈົ້າຄອງ ຫົວໜ້າກົມ ຮອງກົມ ແລະ ພາກ ສ່ວນກ່ຽວຂ້ອງ ສອງກະຊວງ ແລະ ພະແນກການຂັ້ນນະ ຄອນຫຼວງ ເຂົ້າຮ່ວມ.

ໃນກອງປະຊຸມໄດ້ພ້ອມກັນລົງເລິກທົບທວນຄວາມພ້ອມດ້ານຕ່າງໆ ເພື່ອຮັບມືກັບສະພາບ ປະກົດການຕົວຈິງໃນໄລຍະນີ້ ເຊັ່ນ ສະພາບໄຟຟ້າຕົກ ການສະໜອງນໍ້າ ປະປາບໍ່ພຽງພໍ ການເລັ່ງປັບປຸງກໍ່ສ້າງຍົກລະດັບຖະໜົນຫົນທາງ ແລະ ການປະດັບປະດາຕົວເມືອງ ການຈັດສັນການຈະລາ ຈອນ ການເລັ່ງສ້ອມແປງໄຟອຳນາດ ແລະ ບັນຫາ ປິ່ນອ້ອມອື່ນໆ ເຊິ່ງໃນໄລຍະຜ່ານມາໄດ້ມີຄະນະກຳມະການຮັບຜິດຊອບລົງເຜີຍແຜ່ບັນດາເນື້ອໃນ ແລະ ເອກະສານຕ່າງໆ ໃຫ້ບັນດາພະແນກ-ອົງການ ແລະ ບັນດາເມືອງ ເພື່ອໃຫ້ຮັບຮູ້ ແລະ ເຂົ້າຮ່ວມຂະບວນການໃນການເປັນເຈົ້າ ພາບຄັ້ງນີ້ ຮ່ວມກັບລັດຖະບານໃນການເປັນເຈົ້າບ້ານທີ່ດີ ໄດ້ສົມທົບກັບກະຊວງການຕ່າງປະເທດໃນການລົງຕິດ ຕາມກວດກາບັນດາສະຖານທີ່ເປົ້າໝາຍຮັບໃຊ້ ໄລຍະກະ ກຽມ ແລະ ຈັດປະຊຸມ ເຊັ່ນສູນປະຊຸມ ສະຖານທີ່ທີ່ຈະນໍາໃຊ້ເປັນທີ່ພັກຂອງປະມຸກລັດ ແລະ ຜູ້ແທນເຂົ້າຮ່ວມກອງປະຊຸມ ຈຳນວນ 19 ແຫ່ງ (ໂຮງແຮມລະດັບ 5 ດາວ ແລະ ໂຮງແຮມ4 ດາວ) ມີຫ້ອງນອນ 1.875 ຫ້ອງ ແລະ ມີໂຮງ ແຮມທີ່ກໍາລັງຕົບແຕ່ງ ແລະ ກໍານົດເປັນເປົ້າໝາຍຮັບໃຊ້ເຂົ້າໃນກອງປະຊຸມຈໍານວນ 6 ແຫ່ງ ຄາດຄະເນຫ້ອງພັກຈໍານວນ 1.061 ຫ້ອງນອນ ພ້ອມກັນນີ້ ໄດ້ອອກແຈ້ງການຫາບັນດາຫ້າງຮ້ານ ແລະ ບ້ານເຮືອນທີ່ຢູ່ຕາມເສັ້ນທາງສາຍຫຼັກບໍລິເວນທີ່ພັກ ແລະ ຈັດກິດຈະ ກຳຕ່າງໆ ໃຫ້ເອົາໃຈໃສ່ໃນການອະນາໄມ ສ້ອມແປງ ປະດັບປະດາ ແລະ ເພີ່ມແສງສະຫວ່າງ ໃຫ້ອາຄານ ບ້ານເຮືອນຂອງຕົນ ໃຫ້ຈັດຕັ້ງປະຕິບັດການອະນາໄມ ແລະ ປະດັບປະດາຕົວ ເມືອງ ແລະ ຄຸ້ມຄອງການຂົນສົ່ງຂີ້ເຫຍື່ອໃຫ້ເປັນປົກກະຕິ ແລະ ເພີ່ມມື້ອະນາໄມເສັ້ນທາງເປົ້າໝາຍ ໂຮງແຮມ ສະ ຖານທີ່ປະຊຸມ ໄດ້ກຳນົດ ແລະ ລົງກວດກາຈຸດປະ ດັບປະ ດາຕົວເມືອງເຊັ່ນ: ການປະດັບປະດາຕົບແຕ່ງສວນສາທາ ລະນະ ການຕິດປ້າຍຄໍາຂັວນ ຕິດທຸງຊຸມ ຊຸມເສົາຕາມເສັ້ນທາງຕ່າງໆ ໄດ້ວາງຕາຂ່າຍສະໜອງໄຟຟ້າຢູ່ເຂດຮັບໃຊ້ກອງປະຊຸມ ແລະ ບັນດາໂຮງ ແຮມຕ່າງໆ ແລະ ບຳລຸງຮັກສາຈຸດເຊື່ອມຕໍ່ ໄດ້ຕິດຕັ້ງຕູ້ Load ເພື່ອເຊື່ອມຕໍ່ກັບຈັກປັ່ນໄຟຟ້າສໍາຮອງ 11 ໂຮງແຮມ ແລະ ໂຮງແຮມທີ່ບໍ່ມີຈັກປັ່ນໄຟສໍາຮອງ ແລະ ໂຮງແຮມກຳລັງກໍ່ສ້າງຢູ່ 7 ໂຮງ ແຮມ ແຕ່ຍັງມີປັນຫາເລື່ອງການລັກຕັດສາຍໄຟຟ້າຢູ່ຕາມເສັ້ນທາງ ຈຶ່ງເຮັດໃຫ້ມີສະພາບໄຟຟ້າດັບຢູ່ເສັ້ນທາງ ພ້ອມນີ້ກໍຍັງມີປາກົດການຫຍໍ້ທໍ້ເຊັ່ນ: ສັດລ້ຽງຖືປ່ອຍຊະຊາຍເຂົ້າມາເຂດຖະໜົນຫົນທາງ ສະຖານທີ່ທາງການ ໄດ້ສົມ ທົບກັບບັນດາໂຮງແຮມເປົ້າໝາຍໃນການກວດກາລະບົບສະໜອງນໍ້າ ແລະ ໄດ້ກະກຽມໃນກໍລະນີສຸກເສີນ ປັບປຸງລະບົບປ່ຽນຖ່າຍອຸປະກອນທີ່ເປ່ເພເສຍຫາຍ ຮັບປະກັນໃຫ້ມີນໍ້າສະໜອງໄດ້ຢ່າງພຽງພໍ.

ໃນທີ່ປະຊຸມຄັ້ງນີ້ ໄດ້ ເນັ້ນໜັກ ຊົມເຊີຍ ເຈົ້າໜ້າທີ່ຝ່າຍປະຕິບັດການໄຟຟ້າ ເຈົ້າໜ້າທີ່ພະນັກງານກໍ່ສ້າງຕິດຕັ້ງນ້ຳປະປາ ທີ່ໄດ້ເອົາໃຈໃສ່ເຮັດວຽກແກ້ໄຂບັນຫາທີ່ເກີດຂຶ້ນຕົວຈິງໃນໄລຍະຜ່ານມາ ແລະ ໃຫ້ສືບຕໍ່ເປັນກຳລັງແຮງ ແລະ ມີຄວາມພ້ອມຮອບດ້ານ ຮັບມືກັບບັນຫາ ກ່ຽວກັບ ໄຟຟ້ານ້ຳປະປະ ໃນໄລຍະລະດູຝົນນີ້ ພ້ອມດຽວກັນກໍຮຽກຮ້ອງ ໃຫ້ ບັນດາສຳນັກງານອົງການ ພ້ອມກັນເຂົ້າ ຮ່ວມເປັນເຈົ້າການຮ່ວມກັນ ໃນການເປັນເຈົ້າພາບທີ່ດີ ການປ້ອງກັນເວນຍາມຮັກສາຄວາມສະຫງົບປອດໄພ ແລະ ຄວາມເປັນລະບຽບຮຽບຮ້ອຍ ບໍລິເວນຮັບຜິດຊອບຂອງຕົນ ຮຽກຮ້ອງ ມາຍັງທົ່ວສັງຄົມ ບັນດາຜູ້ປະກອບການ ພໍ່ແມ່ປະຊາຊົນ ທະຫານຕຳຫຼວດ ນັກຮຽນນັກສຶກສາ ຊາວຕ່າງດ້າວ ທີ່ດຳລົງຊີວິດຢູ່ນະຄອນຫຼວງວຽງຈັນ ໃຫ້ເຂົ້າຮ່ວມຂະ ບວນແຂ່ງຂັນ ຮັກຊາດ ແລະ ພັດທະນາ ຕິດພັນກັບການເປັນເຈົ້າພາບທີ່ດີໃຫ້ກັບການກະກຽມກອງປະຊຸມ ໃນໄລຍະ ປີ 2024 ນີ້ ພ້ອມກັນ ຮັກສາຄວາມສະອາດຈົບງາມຕົວເມືອງ ການປະຕິບັດພັນທະ ປັກປັກຮັກສາ ແລະ ສ້າງສາພັດທະນານະຄອນຫຼວງວຽງຈັນ ຮ່ວມກັນ.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments