Saturday, July 13, 2024
Homeຂ່າວຕ່າງປະເທດທ່ານ ສີຈິ້ນຜິງ ເຂົ້າຮ່ວມກອງປະຊຸມສຸດຍອດ ອົງການຮ່ວມມືຊຽງໄຮ+ ແລະກ່າວຄໍາປາໄສທີ່ສໍາຄັນ

ທ່ານ ສີຈິ້ນຜິງ ເຂົ້າຮ່ວມກອງປະຊຸມສຸດຍອດ ອົງການຮ່ວມມືຊຽງໄຮ+ ແລະກ່າວຄໍາປາໄສທີ່ສໍາຄັນ

ວິທະຍຸໂທລະພາບສູນກາງຈີນ CMG ໄດ້ລາຍງານວ່າ: ຕອນບ່າຍວັນທີ 4 ກໍລະກົດນີ້, ທ່ານ ສີຈິ້ນຜິງ ປະທານປະເທດຈີນ ໄດ້ເຂົ້າຮ່ວມກອງປະຊຸມສຸດຍອດ ອົງການຮ່ວມມືຊຽງໄຮ+ ຢູ່ນະຄອນຫລວງອັສທານາ ປະເທດກາຊັກສະຖານ ແລະ ກ່າວຄໍາປາໄສທີ່ສໍາຄັນພາຍໃຕ້ຫົວຂໍ້: “ຮ່ວມກັນສ້າງບ້ານເມືອງທີ່ດີງາມກວ່າເກົ່າຂອງອົງການຮ່ວມມືຊຽງໄຮ”. ເນື້ອໃນຄໍາປາໄສຂອງທ່ານ ສີຈິ້ນຜິງ ຊີ້ໃຫ້ເຫັນວ່າ: ປັດຈຸບັນ, ການປ່ຽນແປງຂອງໂລກ, ການປ່ຽນແປງຂອງຍຸກສະໄໝ ແລະ ການປ່ຽນແປງຂອງປະຫວັດສາດພວມດໍາເນີນດ້ວຍຮູບແບບທີ່ບໍ່ເຄີຍມີມາກ່ອນ.

ເພື່ອຮັບມືກັບສະພາບການປ່ຽນແປງຄືແນວນີ້, ທ່ານ ສີຈິ້ນຜິງ ໄດ້ສະເໜີຂໍ້ສະເໜີ 5 ຂໍ້ຄື: 1. ສ້າງບ້ານເມືອງຮ່ວມກັນທີ່ສາມັກຄີ ແລະ ໄວ້ເນື້ອເຊື່ອໃຈກັນ. ຈີນສະເໜີໃຫ້ບັນດາປະເທດສະມາຊິກອົງການຮ່ວມມືຊຽງໄຮ ເພີ່ມທະວີການແລກປ່ຽນບົດຮຽນດ້ານການບໍລິຫານປະເທດ ແລະ ການຄຸ້ມຄອງລັດ, ຊອກຫາໂອກາດທີ່ເໝາະສົມຈັດເວທີເປິກສາຫາລືພັກການເມືອງອົງການຮ່ວມມືຊຽງໄຮ. 2. ສ້າງບ້ານເມືອງຮ່ວມກັນທີ່ມີສັນຕິພາບ ແລະ ຄວາມສະຫງົບ. ຄວນປັບປຸງມາດຕະການ ແລະກົນໄກຮ່ວມມືດ້ານຄວາມໝັ້ນຄົງໃຫ້ສົມບູນຂຶ້ນ, ເລັ່ງລັດສ້າງສູນສັງລວມເພື່ອຮັບມືກັບໄພຂົ່ມຂູ່ ແລະ ສິ່ງທ້າທາຍດ້ານຄວາມໝັ້ນຄົງ ກໍຄືອົງການຈັດຕັ້ງທີ່ຂຶ້ນກັບສູນດັ່ງກ່າວ. 3. ສ້າງບ້ານເມືອງຮ່ວມກັນທີ່ມີຄວາມຈະເລີນຮຸ່ງເຮືອງ. ຈີນ ລິເລີ່ມສ້າງຕັ້ງສະຫະພັນການສຶກສາດິຈິຕອນອົງການຮ່ວມມືຊຽງໄຮ ເພື່ອຊຸກຍູ້ລະບົບຄຸ້ມຄອງຂອງອົງການຮ່ວມມືຊຽງໄຮ ໃຫ້ກາຍເປັນແບບທັນສະໄໝ. 4. ສ້າງບ້ານເມືອງຮ່ວມກັນຖານບ້ານໃກ້ເຮືອນຄຽງທີ່ດີຕໍ່ກັນ. 5. ສ້າງບ້ານເມືອງຮ່ວມກັນທີ່ມີຄວາມຍຸຕິທໍາ ແລະ ຄວາມເປັນທໍາ. ຮ່ວມກັນສົ່ງເສີມການຫັນເປັນຫລາຍຂົ້ວຂອງໂລກທີ່ມີຄວາມສະເໝີພາບ ແລະ ເປັນລະບຽບ ກໍຄືເສດຖະກິດໂລກາພິວັດທີ່ໃຫ້ຜົນປະໂຫຍດຢ່າງທົ່ວເຖິງ ແລະ ກວມລວມ, ຈັດຕັ້ງປະຕິບັດລັດທິຫລາຍຝ່າຍທີ່ແທ້ຈິງ.

ທ່ານ ຄາຊິມ ໂຈມາດ ໂຕຄາເຢັຟ ປະທານາທິບໍດີກາຊັກສະຖານ ເຊິ່ງເປັນປະເທດປະທານໝູນວຽນຂອງອົງການຮ່ວມມືຊຽງໄຮ ໄດ້ເປັນປະທານກອງປະຊຸມຄັ້ງນີ້, ທ່ານ ອັນໂຕນີໂອ ກູເຕີເຣັສ ເລຂາທິການໃຫຍ່ອົງການສະຫະປະຊາຊາດ ພ້ອມດ້ວຍບັນດາຜູ້ຮັບຜິດຊອບອົງການຈັດຕັ້ງສາກົນ ແລະ ພາກພື້ນໄດ້ເຂົ້າຮ່ວມກອງປະຊຸມ.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments