ວິທະຍຸສາກົນແຫ່ງ ສປ ຈີນ, ວັນທີ 4 ກໍລະກົດນີ້ ຢູ່ນະຄອນຊຽງໄຮ, ທ່ານ ຫລີ ສຽງ, ນາຍົກລັດຖະມົນຕີຈີນ ໄດ້ເຂົ້າຮ່ວມ ພິທີເປີດກອງປະຊຸມປັນຍາປະດິດໂລກ ແລະ ກອງປະຊຸມລະດັບສູງ ກ່ຽວກັບການຄຸ້ມຄອງປັນຍາປະດິດໂລກ 2024 ໃນໂອກາດນີ້ ທ່ານ ຫລີ ສຽງ ໄດ້ກ່າວເນັ້ນໜັກວ່າ: ການພັດທະນາປັນຍາປະດິດຕ້ອງການໃຫ້ບັນດາປະເທດ ປຶກສາຫາລື, ເຕົ້າໂຮມຄວາມເຫັນທີ່ເປັນເອກະພາບກັນ ແລະ ຮ່ວມກັນຮັບມືກັບສິ່ງທ້າທາຍໂດຍດ່ວນ.
ສປ ຈີນ ຍິນດີຮ່ວມກັບປະເທດຕ່າງໆ, ຊຸກຍູ້ໃຫ້ປັນຍາປະດິດເຂົ້າມາຮັບໃຊ້ການພັດທະນາຂອງໂລກຫລາຍກວ່າເກົ່າ, ເພີ່ມຄວາມສຸກໃຫ້ແກ່ມວນມະນຸດ ແລະ ຮ່ວມກັນກ້າວໄປສູ່ອະນາຄົດດ້ານປັນຍາປະດິດທີ່ດີງາມກວ່າເກົ່າ.
ທ່ານ ຫລີ ສຽງ ໄດ້ສະເໜີຂໍ້ສະເໜີ 3 ຂໍ້ຄື: ໜຶ່ງ, ລົງເລິກ ການຮ່ວມມື ແບບປະດິດ ສ້າງໃໝ່, ສ້າງຜົນປະໂຫຍດ ດ້ານປັນຍາປະດິດ; ສອງ, ຊຸກຍູ້ ການພັດທະນາ ທີ່ໃຫ້ຜົນປະໂຫຍດ ຢ່າງທົ່ວເຖິງ, ຫລຸດຜ່ອນ ຊ່ອງຫວ່າງ ດ້ານປັນຍາປະດິດ; ສາມ, ເພີ່ມທະວີ ການປະສານ ທົມທົບ ຄຸ້ມຄອງ ບໍລິຫານ ຮ່ວມກັນ, ຮັບປະກັນ ໃຫ້ປັນຍາປະດິດ ພັດທະນາ ໄປທາງທີ່ດີ.ນອກນີ້ ໃນກອງປະຊຸມ ຍັງໄດ້ອອກ “ຖະແຫລງ ການຊຽງໄຮ ວ່າດ້ວຍ ການຄຸ້ມຄອງ ປັນຍາ ປະດິດໂລກ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
