Home ຂ່າວການເມືອງ ຮອງລັດຖະມົນຕີກະຊວງປ້ອງກັນປະເທດ ລົງຊີ້ນໍາ-ກວດກາວຽກງານກະກຽມຊ້ອມຮົບຮ່ວມລາວ-ຈີນ”ໂລ້ກໍາບັງມິດຕະພາບ 2024″.

ຮອງລັດຖະມົນຕີກະຊວງປ້ອງກັນປະເທດ ລົງຊີ້ນໍາ-ກວດກາວຽກງານກະກຽມຊ້ອມຮົບຮ່ວມລາວ-ຈີນ”ໂລ້ກໍາບັງມິດຕະພາບ 2024″.

0
25

ໃນວັນທີ 1 ກໍລະກົດ 2024, ຢູ່ທີ່ວິທະຍາຄານນາຍທະຫານບົກກົມມະດໍາ ສະຫາຍ ພົນໂທ ຄໍາລຽງ ອຸທະໄກສອນ ກໍາມະການສູນກາງພັກ ຮອງລັດຖະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ເສນາທິການກອງທັບພ້ອມດ້ວຍຄະນະ ໄດ້ລົງຊີ້ນໍາ-ກວດກາວຽກງານກະກຽມຊ້ອມຮົບຮ່ວມລາວ-ຈີນ ພາຍໃຕ້ຫົວຂໍ້”ໂລ້ກໍາບັງມິດຕະພາບ 2024″, ມີບັນດາຄະນະຊີ້ນໍາລວມ, ອະນຸກໍາມະການດ້ານຕ່າງໆ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ໂອກາດນີ້, ສະຫາຍ ພົນໂທ ຄໍາລຽງ ອຸທະໄກສອນ ກໍໄດ້ຮຽກຮ້ອງໃຫ້ຄະນະຊີ້ນຳ, ອະນຸກໍາມະການແຕ່ລະພາກສ່ວນຈົ່ງພ້ອມກັນເອົາໃຈໃສ່ຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນເຂົ້າໃນການຮັບປະກັນ ໃຫ້ການເຄື່ອນໄຫວຈັດຕັ້ງປະຕິບັດແຕ່ລະບາດກ້າວຂອງແຜນການກະກຽມຊ້ອມຮົບຮ່ວມລາວ-ຈີນ ພາຍໃຕ້ຫົວຂໍ້ “ໂລ້ກໍາບັງມິດຕະພາບ-2024 ໃນຄັ້ງນີ້ຢ່າງເຂັ້ມງວດ, ພ້ອມທັງເນັ້ນໜັກໃຫ້ເອົາໃຈໃສ່ກະກຽມຄວາມພ້ອມທາງດ້ານສະຖານທີ່, ພິທີການເປີດ-ປິດ ພ້ອມກັນຈັດຕັ້ງປະຕິບັດມາດຕະການປ້ອງກັນຄວາມສະຫງົບຢ່າງເຂັ້ມງວດ ແນໃສ່ເຮັດໃຫ້ການຫັດແອບຊ້ອມຮົບລາວ-ຈີນມີຜົນສຳເລັດອັນຈົບງາມຮັບປະກັນຄວາມປອດໄພ 100%.

ຈາກນັ້ນ ສະຫາຍ ຍັງໄດ້ໂອ້ລົມປຸກລະດົມແນວຄິດຈິດໃຈຂອງພະນັກງານ-ນັກຮົບຜູ້ທີ່ໄດ້ເຂົ້າຮ່ວມ ແລະ ຮັບຜິດຊອບວຽກງານຕ່າງໆໃຫ້ພ້ອມກັນບຸກບືນຫ້າວຫັນ, ສຸມກໍາລັງແຮງກາຍ, ແຮງໃຈເຂົ້າໃນການຫັດແອບ, ຝຶກຊ້ອມຮ່ວມກັບນາຍ ແລະ ພົນທະຫານຂອງກອງທັບປົດປ່ອຍປະຊາຊົນຈີນ ໃຫ້ໄດ້ຮັບໝາກຜົນສູງຕາມແຜນການລະດັບຄາດໝາຍທີ່ວາງໄວ້.

ໂດຍ: ຄຳອ້າຍ ທອງວັນ

NO COMMENTS

LEAVE A REPLY

Please enter your comment!
Please enter your name here