Wednesday, July 24, 2024
Homeຂ່າວໜ້າໜຶ່ງທ່ານ ປະທານສູນກາງແນວລາວສ້າງຊາດ ຕ້ອນຮັບຜູ້ຕາງໜ້າອົງການ Unicef ປະຈຳລາວ

ທ່ານ ປະທານສູນກາງແນວລາວສ້າງຊາດ ຕ້ອນຮັບຜູ້ຕາງໜ້າອົງການ Unicef ປະຈຳລາວ

ທ່ານ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ ປະທານສູນກາງແນວ ລາວສ້າງຊາດ ຕ້ອນຮັບການເຂົ້າ ຢ້ຽມຄຳນັບ ຂອງ ທ່ານ ນາງ ເພຍ ຣີເບລໂລ ບຣິດໂຕ ( Pia Rebello Britto) ຜູ້ຕາງໜ້າອົງ ການ Unicef ປະຈຳ ສປປ ລາວ ພ້ອມດ້ວຍຄະນະ ໃນວັນທີ 24 ມິຖຸນາ 2024 ທີ່ ສູນກາງແນວລາວສ້າງຊາດ .

ທ່ານ ນາງ ເພຍ ຣີເບລໂລ ບຣິດໂຕ ໄດ້ສະແດງຄວາມຂອບໃຈຕໍ່ທ່ານປະທານສູນກາງແນວ ລາວສ້າງຊາດ ທີ່ໄດ້ເສຍສະຫຼະເວລາອັນມີຄ່າມາຕ້ອນຮັບທ່ານພ້ອມດ້ວຍຄະນະໃນຄັ້ງນີ້ ແລະ ທ່ານ ໄດ້ສະແດງຄວາມຂອບໃຈຕໍ່ສູນກາງແນວລາວສ້າງຊາດ ທີ່ ໄດ້ໃຫ້ຄວາມຮ່ວມມືຕະຫຼອດ ໄລຍະຜ່ານມາເປັນຕົ້ນແມ່ນການປຸກລະດົມການສັກຢາກັນພະຍາດ ແມ່-ເດັກ ເຫັນວ່າມີຄວາມສຳເລັດ ແລະ ສາມາດບັນລຸຕາມລະດັບຄາດໝາຍ.

ທ່ານປະທານສູນກາງແນວລາວສ້າງຊາດ ໄດ້ສະແດງຄວາມຍີນດີຕ້ອນຮັບທ່ານ ນາງ ເພຍ ຣີເບລໂລ ບຣິດໂຕ ພ້ອມດ້ວຍຄະນະ ແລະ ສະແດງຄວາມຂອບໃຈ ຊົມເຊີຍຕໍ່ອົງການ Unicef ທີ່ໄດ້ໃຫ້ການຊ່ວຍເຫຼືອເບິ່ງແຍງດ້ານສຸຂະພາບແມ່ ແລະ ເດັກ ຢູ່ ສປປ ລາວ ສຳລັບສູນກາງແນວລາວສ້າງຊາດ ແມ່ນຍີນດີໃຫ້ຄວາມຮ່ວມມືໃນດ້ານວຽກງານຕ່າງໆຕາມພາລະບົດບາດ ແລະ ເງື່ອນໄຂ ພ້ອມກັນນີ້ ທ່ານປະ ທານສູນກາງແນວລາວສ້າງຊາດ ໄດ້ໃຫ້ຮູ້ເຖິງພາລະບົດບາດ ສິດ-ໜ້າທີ່ ແລະ ການເຄື່ອນໄຫວ ຂອງອົງການແນວລາວສ້າງຊາດ ໂດຍຫຍໍ້ ເແລະ ທ່ານໄດ້ກ່າວອິກວ່າ: ຫວັງຢ່າງຍີ່ງວ່າໃນຕໍ່ໜ້ານີ້ ແມ່ຍິງລາວ ແລະ ເດັກນ້ອຍລາວ ຈະໄດ້ຮັບການສົ່ງເສີມຄວາມກ້າວໜ້າ ແລະ ສຸຂະພາບແຂງແຮງຂຶ້ນເລື້ອຍໆ.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments