ວິທະຍຸກະຈາຍສຽງແຫ່ງຊາດຫວຽດນາມ, ທ່ານ ນາງ ນາລີນີ ທະວີສິນ, ປະທານຄະນະກຳມະການສາກົນຂອງພັກເພື່ອໄທ ໄດ້ຢັ້ງຢືນຄືນຄວາມປາດຖະໜາ ຢາກເຂົ້າຮ່ວມ ກຸ່ມບັນດາ ພື້ນຖານ ເສດຖະກິດ ຫາກໍ ພົ້ນເດັ່ນ(BRICS) ຂອງ ໄທ ໃນໄລຍະຈະມາເຖິງ, ສະແດງຄວາມພ້ອມທີ່ຈະພັດທະນາການພົວພັນກັບບັນດາປະເທດໃນກຸ່ມ. ໃນເວທີປາໄສ ລະຫວ່າງພັກສາກົນ ດ້ວຍຫົວຂໍ້ “ຫລາຍປະເທດໃນໂລກເພື່ອໂລກຫລາຍຂົ້ວ”, ໄດ້ດຳເນີນແຕ່ວັນທີ 17 – 18 ມິຖຸນາ ຢູ່ Vladivostok (ຣັດເຊຍ), ທ່ານ ນາງ ນາລີນີ ທະວີສິນ ໃຫ້ຮູ້ວ່າ ໄທ ພ້ອມແລ້ວ ທີ່ຈະຮ່ວມມືກັບບັນດາປະເທດ BRICS, ກໍຄືທຸກປະເທດທີ່ສະໜັບສະໜູນລັດທິຫລາຍຝ່າຍ ແລະ ປາດຖະໜາຢາກມີສັນຕິພາບ ແລະ ຄວາມໝັ້ນຄົງ. ໃນຖານະເປັນພັກການເມືອງ ກຳອໍານາດ ຂອງ ໄທ, ທ່ານນາງ ກໍສະແດງຄວາມປາດຖະໜາຢາກເຂົ້າຮ່ວມ BRICS ຍິ່ງໄວກໍຍິ່ງດີ. ກ່ອນໜ້ານັ້ນ, ທ່ານ ລັດຖະມົນຕີ ການຕ່າງປະເທດ ໄທ ໄດ້ສົ່ງຈົດໝາຍ ເຖິງຄູ່ຕຳແໜ່ງ ຣັດເຊຍ, ທ່ານ Sergey Lavrov, ພ້ອມທັງ ປາດຖະໜາ ຢາກກາຍເປັນສະມາຊິກຖາວອນ ຂອງ BRICS ແລະ ຫວັງວ່າບັນດາປະເທດ BRICS ຈະສະໜັບສະໜູນຄວາມມຸ່ງມາດປາດຖະໜານີ້ໃນກອງປະຊຸມສຸດຍອດຂອງກຸ່ມທີ່ຈະຈັດຂຶ້ນ ໃນເດືອນ ຕຸລາ ຈະມາເຖິງຢູ່ຣັດເຊຍ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
