ທ່ານຜູ້ອ່ານທີ່ຮັກແພງ ມື້ນີ້ເຮົາຈະມາບອກຂໍ້ຄວາມ ກ່ຽວກັບການຮັກສາຜິວໜ້າ ໂດຍການໃຊ້ນົມສົດ ແລະ ສໍາລີ ເຊີ່ງມີໃນປະເທດຂອງພວກເຮົາ ໄປມາເບີ່ງນຳກັນເລີຍ!
1. ນົມສົດສາມາດໃຊ້ແທນໂທນເນີໄດ້ ຫຼັງຈາກລ້າງໜ້າແລ້ວເອົາສໍາລີມາຈຸ່ມນົມສົດ ແລ້ວເຊັດ ແລະ ນວດໃຫ້ທົ່ວໃບໜ້າ ເພື່ອໃຫ້ນົມຊືມເຂົ້າໄປໃນບໍລິເວນຜິວໜັງແລ້ວລ້າງອອກ ພຽງແຕ່ວິທີງ່າຍໆ ແບບນີ້ຈະໄດ້ຮັບໃບໜ້າທີ່ອ່ອນ ແລະ ນຽນນຸ້ມ.
2. ຖ້າຢາກມີໃບໜ້າທີ່ຊຸ່ມຊື່ນ ແລະ ສົດໃສ ພຽງແຕ່ເອົານົມສົດປົນກັບນໍ້າສະອາດໃສ່ກະຕຸກແລ້ວເອົາໄປແຊ່ໃນຕູ້ເຢັນເກັບຮັກສາໄວ້ ຫຼັງຈາກນັ້ນສີດໃສ່ໜ້າໃນເວລາກາງເວັນ ທ່ານຈະມີຜິວໜ້າທີ່ຊຸ່ມຊື່ນ ແລະ ໜ້າສຳພັດ (ສູດນີ້ແມ່ນມາຈາກ Angelina Jolie).
3. ຂອບຕາດຳຄືໝີແພນດາສາວໆ ຄົນໃດທີ່ນອນເດິກມີຕາດຳ ພວກເຮົາມີວິທີຊ່ວຍເຫຼືອ ພຽງແຕ່ຈຸ່ມສໍາລີກັບນົມສົດເຢັນໆ ຈາກນັ້ນປະໄວ້ປະມານ 10-15 ຫຼັງຈາກນັ້ນລ້າງອອກດ້ວຍນໍ້າສະອາດ ຈະເຮັດໃຫ້ຮອຍຄໍ້າຈາງລົງ *ຜູ້ຍິງຄວນຫຼີກລ້ຽງການທາຄີມທີ່ໃກ້ກັບຂອບຕາ ເພາະຈະເຮັດໃຫ້ຕາດຳຂື້ນ*
4. ມາກໜ້າສູດນີ້ແມ່ນດີທີ່ສູດນີ້ ແມ່ນສູດໃໝ່ໃຫ້ນຳເອົາໝາກເຫຼັນຕັດເປັນຕ່ອນບາງໆ (ແຊ່ໄວ້ຕູ້ເຢັນ) ແລະ ຈຸ່ມໃສ່ນົມສົດ ຈາກນັ້ນເອົາມາທາໄວ້ທົ່ວໃບໜ້າ ປະໄວ້ປະມານ 15-20 ນາທີແລ້ວລ້າງອອກ.
ອີກສູດໜຶ່ງສຳລັບໃບໜ້າທີ່ຜົດຜື່ນຈາກສິວ ຄວນໃຊ້ນົມສົ້ມ + ໂຢເກີດ
ອຸປະກອນທີ່ຕ້ອງກຽມຄື:
1. ໂຢເກີດລົດທຳມະຊາດ
2. ນົມສົ້ມ
3. ສໍາລີ
ວິທີເຮັດ
1. ອັດຕາສ່ວນຂອງໂຢເກີດ 2 ບ່ວງ ຕໍ່ກັບນົມສົ້ມ 1 ບ່ວງ ປະສົມເຂົ້າກັນແລ້ວຄົນໃຫ້ເປັນເນື້ອດຽວກັນ.
2. ຕັກສ່ວນປະສົມໃສ່ສໍາລີ ຫຼັງຈາກນັ້ນທາທົ່ວໃບໜ້າຍົກເວັ້ນດວງຕາ ແລ້ວປະເຄິ່ງຊົ່ວໂມງ ຫຼັງຈາກນັ້ນລ້າງອອກດ້ວຍໂຟມທີ່ສະອາດ ໃນເວລາພຽງສອງສາມມື້ເທົ່ານັ້ນ ທ່ານຈະສາມາດມີຄວາມສຸກກັບໃບໜ້າເປັ່ງປັງ ທົດລອງເຮັດເບີ່ງເດີ!.
