ໄຟຟ້າລາວລາຍງານວ່າ: ປະຈຸບັນ ລັດວິສາຫະກິດໄຟຟ້າລາວ ຍັງສືບຕໍ່ແກ້ໄຂລະບົບຈໍາຫນ່າຍໄຟຟ້າ ທີ່ໄດ້ຮັບຜົນກະທົບຈາກພາຍຸພັດຜ່ານ ໃນຄັ້ງວັນທີ 3 ພຶດສະພາ 2024 ທີ່ຜ່ານມາ ເພື່ອສະຫນອງໄຟໃຫ້ກັບຜູ້ຊົມໃຊ້ຢ່າງຕໍ່ເນື່ອງ, ເຊິ່ງຜົນກະທົບທີ່ໄດ້ຮັບຈາກພາຍຸໃນຄັ້ງນີ້ເປັນຕົ້ນ: ຕົ້ນໄມ້ຫັກທັບສາຍໄຟ, ເສົາໄຟລົ້ມ, ສິ່ງປຸກສ້າງພາດສາຍໄຟຂາດ, ຫມໍ້ນັບໄຟໄໝ້, ສາຍຕາຂ່າຍ 22/0.4 ກິໂລໂວນຂາດ ແລະ ສາເຫດອື່ນໆ; ປະຈຸບັນສາມາດສ້ອມແປງແກ້ໄຂໄດ້ຫຼາຍຈຸດເຊີ່ງຄິດເປັນເປີເຊັນໄດ້ດັ່ງນີ້:
-5 ເມືອງນອກ ຄື:
ເມືອງໄຊທານີ ສຳເລັດ 70%
ເມືອງນາຊາຍທອງ ສຳເລັດ 90%
ເມືອງປາກງື່ມ ສຳເລັດ 70%
ເມືອງສັງທອງ ສຳເລັດ 97%
– 4 ເມືອງໃນ ຄື:
ເມືອງໄຊເສດຖາ ສໍາເລັດ 90%
ເມືອງສີສັດຕະນາກ ສໍາເລັດ 90%
ເມືອງຈັນທະບູລີ ສໍາເລັດ 95%
ເມືອງສີໂຄດຕະບອງ ສໍາເລັດ 90%
ແລະ ຈະເລັ່ງໃຫ້ທຸກຈຸດທີ່ໄດ້ຮັບຜົນກະທົບສໍາເລັດການແກ້ໄຂ ກ່ອນເວລາ 18:00 ໂມງ ຂອງມື້ນີ້.
