Vietjet ເພີ່ມການບໍລິການໃໝ່ໃນປະເທດຈີນ ເຊື່ອມຕໍ່ນະຄອນໂຮ່ຈິມິນ ກັບ ຊີອານ

11/04/2024

99

*ທາງເລືອກໃໝ່ໃນການເດີນທາງໄປ ຊີອານ, ນະຄອນຫຼວງເກົ່າຂອງຈີນ ດ້ວຍການບໍລິການໃໝ່ຂອງ Vietjet

(ນະຄອນຫຼວງວຽງຈັນ, ວັນທີ 10 ເມສາ, 2024) – ຄວາມຕື່ນເຕັ້ນເທື່ອໃໝ່ກຳລັງຈະເກີດຂຶ້ນ ເພາະວ່າ Vietjet ໄດ້ຂະຫຍາຍເຄືອຂ່າຍການບິນລະຫວ່າງຫວຽດນາມ ແລະ ຈີນເພີ່ມເຕີມອີກ, ຫຼັງຈາກການເປີດໂຕບໍລິການຖ້ຽວບິນ Shanghai ແລະ Chengdu ໃນຕົ້ນປີນີ້. ສາຍການບິນນີ້ຈະເປັນສາຍການບິນທຳອິດທີ່ຈະດຳເນີນການບິນໂດຍກົງເຊື່ອມຕໍ່ສູນກາງເສດຖະກິດຂອງຫວຽດນາມນະຄອນໂຮ່ຈິມິນກັບນະຄອນຫຼວງຊີອານຂອງຈີນ. ມີການບໍລິການແບບບໍ່ຢຸດຢັ້ງຈະເຮັດໃຫ້ນັກທ່ອງທ່ຽວມີທາງເລືອກໃນການເດີນທາງຫຼາຍຂຶ້ນ, ເຮັດໃຫ້ເວລາເດີນທາງໜ້ອຍລົງ ແລະ ປະຫຍັດຄ່າໃຊ້ຈ່າຍຫຼາຍຂຶ້ນ.

ເສັ້ນທາງນະຄອນໂຮ່ຈີມິນ-ຊີອານຈະເປີດບໍລິການໃນວັນທີ 29 ເມສາ 2024 ດ້ວຍຖ້ຽວບິນໄປກັບ 4 ຖ້ຽວຕໍ່ອາທິດ. ຖ້ຽວບິນຈາກນະຄອນໂຮ່ຈີມິນ ຫາ ເມືອງຊີອານ ອອກເດີນທາງທຸກວັນຈັນ, ວັນພຸດ, ວັນສຸກ ແລະ ວັນອາທິດ ເວລາ 20:05 ໂມງ (ຕາມເວລາທ້ອງຖິ່ນ) ແລະ ລົງຈອດຢູ່ສະໜາມບິນສາກົນຊີອານ ຊຽງຢາງ ເວລາ 01:30 ໂມງຂອງມື້ຕໍ່ມາ (ຕາມເວລາທ້ອງຖິ່ນ). ຖ້ຽວບິນຂາກັບຈາກຊີອານ ໄປນະຄອນໂຮ່ຈີມິນ ອອກເດີນທາງທຸກໆວັນຈັນ, ອັງຄານ, ວັນພະຫັດ ແລະ ວັນເສົາ ເວລາ 02:30 ໂມງ (ຕາມເວລາທ້ອງຖິ່ນ) ແລະ ລົງຈອດຢູ່ນະຄອນໂຮ່ຈີມິນ ເວລາ 06:25 ໂມງ (ຕາມເວລາທ້ອງຖິ່ນ).

ທຸກໆຈຸດໝາຍປາຍທາງຈະບໍ່ໄກເກີນໄປໃນປັດຈຸບັນ, ນັບຕັ້ງແຕ່ Vietjet ໄດ້ເປີດເສັ້ນທາງການບິນໃໝ່ຈາກນະຄອນຫຼວງວຽງຈັນ ຫາ ນະຄອນໂຮ່ຈີມິນ ໂດຍມີຖ້ຽວບິນໄປກັບ 4 ຖ້ຽວຕໍ່ອາທິດໃນວັນຈັນ, ວັນພຸດ, ວັນສຸກ ແລະ ວັນອາທິດ ເຊິ່ງໃຊ້ເວລາບິນພຽງແຕ່ 1 ຊົ່ວໂມງ 45 ນາທີເທົ່ານັ້ນ. ນັກທ່ອງທ່ຽວຈາກລາວສາມາດຖືໂອກາດນີ້ໃນການເດີນທາງໄປຫວຽດນາມ, ພ້ອມທັງເຊື່ອມຕໍ່ບັນດາຈຸດໝາຍປາຍທາງທີ່ກ່ຽວຂ້ອງເພື່ອສຳຫຼວດ ແລະ ສຳຜັດປະສົບການກັບການເດີນທາງທີ່ໜ້າຈົດຈຳ.

ເພື່ອເປັນການສະເຫຼີມສະຫຼອງເສັ້ນທາງໃໝ່ ແລະ ການເດີນທາງທີ່ສະບາຍກະເປົາ, Vietjet ເປີດໂຕຫຼຸດລາຄາກັບFriday sale ວັນສຸກສຸດພິເສດດ້ວຍຄ່າໂດຍສານຕໍ່າສຸດ 0 USD (ບໍ່ລວມພາສີ ແລະ ຄ່າທຳນຽມ) ສຳລັບການເດີນທາງຈົນຮອດວັນທີ 31 ທັນວາ 2024 (ບໍ່ລວມມື້ພັກ, ປີໃໝ່ຕາມປະຕິທິນ ແລະ ຊ່ວງເວລາທີ່ມີເດີນທາງຫຼາຍຂອງລະດູການທ່ອງທ່ຽວ). ໂປຣໂມຊັ່ນນີ້ມີໃຫ້ຈັບຈອງທຸກໆວັນສຸກຈົນຮອດທ້າຍປີທີ່ເວັບໄຊ www.vietjetair.com ແລະ ແອັບມືຖື Vietjet Air.

ເພີດເພີນໄປກັບການບິນກັບ Vietjet ໃນເຮືອບິນທີ່ທັນສະໄໝ ແລະ ເປັນມິດກັບສິ່ງແວດລ້ອມ, ພະນັກງານການບິນທີ່ເປັນມືອາຊີບ ແລະ ສຳຜັດປະສົບການກັບອາຫານທີ່ແຊບຊ້ອຍ ພ້ອມກັບອາຫານນາໆຊາດ ແລະ ອາຫານຫວຽດນາມ ທີ່ເລືອກໄວ້, ລວມທັງອາຫານທີ່ນິຍົມເຊັ່ນ: ເຝີ ແລະ ເຂົ້າຈີ່ຫວຽດນາມ. ນອກຈາກນັ້ນ, ທ່ານສາມາດເພີດເພີນກັບການສະແດງວັດທະນະທໍາ ແລະ ສິລະປະທີ່ເປັນເອກະລັກໃນລະຫວ່າງການເດີນທາງຂອງທ່ານຢູ່ທີ່ລະດັບຄວາມສູງ 10,000 ແມັດ. Vietjet ຍັງມອບປະກັນໄພ SkyCare ໃຫ້ກັບຜູ້ໂດຍສານທັງໝົດ, ເພື່ອຮັບປະກັນການເດີນທາງທີ່ບໍ່ມີຄວາມກັງວົນ. ຢ່າລືມທີ່ຈະໃຊ້ສິດທິປະໂຫຍດສະສົມຄະແນນຂອງ Vietjet SkyJoy ແລະ ຮັບສິດທິປະໂຫຍດຈາກຂໍ້ສະເໜີພິເສດອື່ນໆ.