ຕາມຂ່າວຈາກຊິນຮວາ ຂອງ ສປ ຈີນ, ກອງປະຊຸມອາຊີໂປ໋ອ໋າວ (BFA) ປະຈຳປີ 2024 ໃນເມືອງໂປ໋ອ໋າວ ແຂວງໄຫ່ໜານ (ໄຫຫລຳ) ທາງພາກໃຕ້ ຂອງ ສປ ຈີນ ໄດ້ເຜີຍແຜ່ບົດລາຍງານ ກ່ຽວກັບ ທ່າອ່ຽງ ເສດຖະກິດ ແລະ ຄວາມຄືບໜ້າ ຂອງການເຊື່ອມໂຍງ ເຂົ້າກັບ ອາຊີ ຊຶ່ງຄາດວ່າ ເສດຖະກິດ ອາຊີ ຈະຂະຫຍາຍຕົວ 4,5%ໃນປີ 2024ຫລາຍກວ່າ ຕົວເລກ ໃນປີ 2023 ແລະ ຈະຍັງຄົງ ມີການສົ່ງເສີມ ການຂະຫຍາຍຕົວ ຂອງເສດຖະກິດໂລກຫລາຍທີ່ສຸດ. ເຖິງຢ່າງໃດກໍ່ຕາມເສດຖະກິດ ອາຊີ ຈະຮັກສາ ອັດຕາ ການເຕີບໂຕ ທີ່ຂ້ອນຂ້າງສູງດ້ວຍແຮງ ສະໜັບ ສະໜູນ ຈາກພາກບໍລິໂພກ ທີ່ຂ້ອນຂ້າງ ແຂງແຮງ ແລະ ນະໂຍບາຍ ງົບປະມານ ທີ່ເຂັ້ມແຂງ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
