Vietjet ຈະຂະຫຍາຍເຄືອຂ່າຍການບິນສາກົນຕື່ມອີກ, ໃຫ້ແໜ້ນແຟ້ນ ມີພາບລັກຂອງສາຍການບິນໃນພາກພື້ນອາຊີ – ປາຊີຟິກ ດ້ວຍສາຍການບິນໃໝ່ທີ່ເຊື່ອມຕໍ່ນະຄອນຫຼວງຮ່າໂນ້ຍຂອງຫວຽດນາມຫາ ຮີໂຣຊີມາ ຂອງຢີ່ປຸ່ນ ແລະ ເມວເບີນ ຂອງອົດສະຕາລີ. ເສັ້ນທາງບິນກົງໃໝ່ນີ້ ລວມທັງເສັ້ນທາງເຊື່ອມຕໍ່ຂ້າມທະວີບ, ຄາດວ່າຈະບໍລິການລູກຄ້າໄດ້ຢ່າງສະດວກສະບາຍ ແລະ ໃນລາຄາປະຫຍັດ, ຕອບສະໜອງຄວາມຕ້ອງການໃນການເດີນທາງທີ່ເພີ່ມຂຶ້ນໃນທົ່ວພາກພື້ນ.
ພິທີເປີດເສັ້ນທາງບິນໃໝ່ຈະຈັດຂຶ້ນໃນມື້ນີ້ທີ່ Vietnam-Australia Business Forum 2024 ໂດຍທ່ານ Pham Minh Chinh, ນາຍົກລັດຖະມົນຕີຫວຽດນາມ ແລະ ການນຳທັງສອງປະເທດຮ່ວມຍິນດີ ເພີ່ມທະວີການເຊື່ອມຕໍ່ ແລະ ຊົມເຊີຍ Vietjet ບາດກ້າວທີ່ສຳຄັນໃນຄັ້ງນີ້.
ເສັ້ນທາງ ຮ່າໂນ້ຍ – ເມວເບີນ ຈະເລີ່ມໃຫ້ບໍລິການໃນວັນທີ 03 ມິຖຸນາ 2024, ອອກບິນອາທິດລະ 2 ຄັ້ງ ຄືວັນຈັນ ແລະ ວັນສຸກ ຈາກຮ່າໂນ້ຍ ມາຮອດເມວເບີນໃນມື້ດຽວກັນ. ຖ້ຽວບິນຂາກັບອອກຈາກນະຄອນເມວເບິນ ໃນວັນອັງຄານ ແລະ ວັນເສົາ. ປັດຈຸບັນ Vietjet ມີຖ້ຽວບິນຫຼາຍສາຍລະຫວ່າງ ຫວຽດນາມ ແລະ ອົດສະຕາລີ ຫຼາຍກວ່າ 58 ຖ້ຽວຕໍ່ອາທິດລະຫວ່າງນະຄອນໂຮ່ຈີມິນ ແລະ 5 ເມືອງໃຫຍ່ຂອງອົດສະຕຣາລີ, Melbourne, Sydney, Brisbane, Perth ແລະ Adelaide, ໂດຍນຳໃຊ້ເຮືອບິນທີ່ທັນສະໄໝລະດັບໂລກ ເຊັ່ນ: A330 ແລະ A321.
ນອກຈາກນັ້ນ, Vietjet ຈະເປີດຖ້ຽວບິນໂດຍກົງລະຫວ່າງຮ່າໂນ້ຍ ແລະ ຮີໂຣຊີມາ ເລີ່ມແຕ່ວັນທີ 12 ພຶດສະພາ 2024. ຖ້ຽວບິນໃໝ່ນີ້ແມ່ນເປັນເສັ້ນທາງການບິນກົງທຳອິດຈາກເຂດ Chugoku ແລະ Shikoku ໄປຫວຽດນາມ. ເສັ້ນທາງ ຮ່າໂນ້ຍ – ຮິໂຣຊິີມາ ຈະບິນກັບອາທິດລະ 2 ຄັ້ງໃນວັນພະຫັດ ແລະ ວັນອາທິດ, ໃຊ້ເວລາປະມານ 4 ຊົ່ວໂມງ 30 ນາທີ. ຖ້ຽວບິນໃໝ່ຈະລວມຖ້ຽວຂອງ Vietjet ລະຫວ່າງ ຫວຽດນາມ ແລະ ຍິປຸ່ນ ເຖິງ 8 ຖ້ຽວບິນກົງ, ເຊື່ອມຕໍ່ບັນດາເມືອງໃຫຍ່ທີ່ສຸດຂອງຫວຽດນາມ ຄື ຮ່າໂນ້ຍ ແລະ ນະຄອນໂຮ່ຈີມິນ ກັບບັນດາເມືອງໃຫຍ່ຂອງ ຍີ່ປຸ່ນ ເຊັ່ນ: ໂຕກຽວ, ໂອຊາກາ, ນາໂກຢາ, ຟູກຸໂອກະ ແລະ ຮີໂຣຊີມາ.
ເພື່ອສະເຫຼີມສະຫຼອງຖ້ຽວບິນໃໝ່, Vietjet ມອບປີ້ຍົນລາຄາປະຢັດເລີ່ມຕົ້ນພຽງແຕ່ 0 ໂດລາເທົ່ານັ້ນ (ບໍ່ລວມພາສີ ແລະ ຄ່າທຳນຽມ) ທີ່ເວັບໄຊ www.vietjetair.com ແລະ ແອັບມືຖື Vietjet Air, ນຳໃຊ້ໄດ້ທຸກເສັ້ນທາງຕ່າງປະເທດຂອງ Vietjet ກັບປີ້ໂປຣໂມຊັ່ນມີໃຫ້ຈັບຈອງທຸກວັນສຸກຕັ້ງແຕ່ວັນທີ 8 ມີນາ 2024, ເດີນທາງຕັ້ງແຕ່ວັນທີ 08 ມີນາ ຫາ 31 ທັນວາ 2024 (ບໍ່ລວມວັນພັກ ແລະ ຊ່ວງລະດູການທ່ອງທ່ຽວ).
ຈາກຮ່າໂນ້ຍ ນັກທ່ອງທ່ຽວສາມາດເດີນທາງໄປເມືຶອງອື່ນໆຂອງປະເທດໄດ້ຢ່າງສະດວກສະບາຍ ບໍ່ວ່າຈະເປັນ ເຫ້ວ, ດ່າໜັງ, ນະຄອນໂຮ່ຈິມິນ, ຍາຈາງ, ຟູກກວັກ ແລະ ສະຖານທີ່ທ່ອງທ່ຽວອີກຫຼາຍແຫ່ງ. ຂອບໃຈເຄືອຂ່າຍການບິນຕ່າງປະເທດກວ້າງຂວາງຂອງ Vietjet ພິເສດແມ່ນເສັ້ນທາງໃໝ່ທີ່ເຊື່ອມຕໍ່ວຽງຈັນ-ໂຮ່ຈິມິນ, ເຊິ່ງສ້າງໂອກາດໃຫ້ນັກເດີນທາງທີ່ມີແຜນຈະເດີນທາງ ແລະ ຍັງສາມາດເຊື່ອມຕໍ່ບັນດາຈຸດໝາຍປາຍທາງໃນທົ່ວພາກພື້ນອາຊຽນ ແລະ ອາຊີ-ປາຊີຟິກ.
ຖ້ຽວບິນໃໝ່ແມ່ນມີຄວາມສຳຄັນໃນແຜນການຂອງ Vietjet ທີ່ຈະຂະຫຍາຍເຄືອຂ່າຍການບິນ ເພື່ອຕອບສະໜອງຄວາມຕ້ອງການການທ່ອງທ່ຽວທີ່ເພີ່ມຂຶ້ນ ຊຸກຍູ້ການແລກປ່ຽນວັດທະນະທໍາ, ການສຶກສາ, ການພັດທະນາເສດຖະກິດ, ການທ່ອງທ່ຽວລະຫວ່າງຫວຽດນາມ ແລະ ບັນດາປະເທດໃນພາກພື້ນອາຊີປາຊີຟິກ.
ຂໍ້ມູນເພີ່ມຕື່ມ www.vietjetair.com
