ໄທ ຈະສະເໜີຂາຍພັນທະບັດສະກຸນເງິນຕ່າງປະເທດຄັ້ງທຳອິດໃນຮອບ 20 ປີ

ສຳນັກຂ່າວ ບລູມເບີຣກ, ລັດຖະບານໄທ ພວມພິຈາລະນາ ສະເໜີຂາຍ ພັນທະບັດ ສະກຸນເງິນ ຕ່າງປະເທດ ເປັນຄັ້ງທຳອິດ ໃນຮອບ 20 ປີ ເພື່ອລະດົມທຶນ ໃນຕະຫລາດໂລກ ດ້ວຍວົງເງິນ 1ຕື້ໂດລາ ສະຫະລັດ ຫລື ປະມານ 36ຕື້ບາດ ເພື່ອເປັນເກນ ອ້າງອີງ ໃຫ້ກັບ ພາກທຸລະກິດ ທີ່ໄປອອກ ຫຸ້ນກູ້ ຫລື ກະຕຸ້ນທຶນ ໃນຕ່າງປະເທດ.ພາຍຫລັງ ທ່ານ ພັດຊາຣະ ອະນັນທະສິນ,ຜູ້ອຳນວຍການສຳນັກງານ ບໍລິຫານໜີ້ ສາທາລະນະ ໃຫ້ສຳພາດ ເມື່ອບໍ່ດົນມານີ້ວ່າ: ກະຊວງການເງິນ ກຽມສະເໜີ ໃຫ້ລັດຖະບານ ພິຈາລະນາ ພາຍໃນເດືອນພຶດສະພານີ້.