ໝາກພ້າວເປັນໝາກໄມ້ຢືນຕົ້ນ ທີ່ຢູ່ໃນຕະກູນປຣາມ ຊື່ງເປັນພືດທີ່ມີປະໂຫຍດ ໂດຍສະເພາະນໍ້າໝາກພ້າວຈະມີລົດຊາດແຊບ ມີກີ່ນຫອມຫວານແບບທຳມະຊາດ ຖ້າດື່ມເລື້ອຍໆ ຈະມີປະໂຫຍດດີຕໍ່ຮ່າງກາຍ ພ້ອມດຽວກັນນໍ້າໝາກພ້າວຍັງສາມາດໄປປະກອບເປັນອາຫານ ຂະນົມ ນໍ້າປັ່ນ ຫຼື ເປັນສ່ວນປະກອບຂອງສະໝູນໄພເພື່ອສຸຂະພາບໄດ້ ແຖມຍັງມີລົດຊາດແຊບນຳອີກ ມື້ນີ້ເຮົາຈະມາແນະນຳປະໂຫຍດຂອງນໍ້າໝາກພ້າວມີຫັຍງແດ່ ມາເບີ່ງນຳກັນເລີຍ!
- ນໍ້າໝາກພ້າວມີແຮ່ທາດ ແລະ ສານອາຫານ
ນໍ້າໝາກພ້າວແມ່ນນໍ້າມາຈາກທຳມະຊາດ ເຊີ່ງຈະມີໃນໜ່ວຍໝາກພ້າວ ເປັນໜ່ວຍທີ່ມີສີຂຽວ ແຕ່ຖ້າໝາກພ້າວເລີ່ມແກ່ ນໍ້າໝາກພ້າວຈະປ່ຽນເປັນຊີ້ນໝາກພ້າວ ເຊີ່ງໃນນໍ້າໝາກພ້າວມີປະລິມານ 240 ml ປະກອບດ້ວຍທາດຄາຣໄຮເດດ ໄຟເບີ ໂປຣຕີນ ວິຕາມິນຊີ ແມງການີສ ແມັກຊີຊຽມ ໂພຣແທດຊຽມ ໂຊດຽມ ແລະ ແຄຣຊຽມ.
- ນໍ້າໝາກພ້າວມີສານຕ້ານອະນຸມູນອິດສະລະ
ສານຕ້ານອະນຸມູນອິດສະລະ ເປັນໂມເລກຸນທີ່ຜະລິດຂື້ນໃນເຊວຕ່າງໆ ລະຫວ່າງຂະບວນການເຜົາຜານອາຫານ ນອກຈາກນີ້ປະລິມານສານຕ້ານອະນຸມູນອິດສະລະໃນຮ່າງກາຍ ສາມາດເພີ່ມຫຼາຍຂື້ນຈາກຄວາມຕືງຄຽດ ການຈັບບາຍລັງສີ UV ພ້ອມທັງການຈັບບາຍຝຸ່ນຕ່າງໆ ປະໂຫຍດຂອງນໍ້າໝາກພ້າວຢ່າງໜື່ງຄືການເພີ່ມສານຕ້ານອະນຸມູນອິດສະລະໃຫ້ກັບຮ່າງກາຍ ແນະນຳໃຫ້ເລືອກນໍ້າໝາກພ້າວສົດໆ ຈະໄດ້ຮັບສານຕ້ານອະນຸມູນອິດສະລະກ່ວານໍ້າໝາກພ້າວສຳເລັດຮູບ.
- ນໍ້າໝາກພ້າວມີປະໂຫຍດຕໍ່ເປັນພະຍາດເບົາຫວານ
ມີການຄົ້ນຄ້ວາລະບຸວ່າ ນໍ້າໝາກພ້າວສາມາດຊ່ວຍຄວບຄຸມລະດັບນໍ້າຕານໃນເລືອດໄດ້ ນອກຈາກນີ້ໃນນໍ້າໝາກພ້າວຍັງມີແມັກນີຊຽມ ທີ່ຊ່ວຍໃນການເພີ່ມຄວາມໄວໃນການຕອບສະໜອງອິນຊູລິນ ຂອງຮ່າງກາຍໄດ້ອີກດ້ວຍ ດັ່ງນັ້ນ ຄົນເຈັບພະຍາດເບົາຫວານ ຫຼື ຜູ້ທີ່ມີພາວະສ່ຽງຕໍ່ການເປັນພະຍາດເບົາຫວານ ສາມາດດື່ມນໍ້າໝາກພ້າວໄດ້.
- ນໍ້າໝາກພ້າວສາມາດຫຼຸດຄວາມດັນເລືອດໄດ້
ນໍ້າໝາກພ້າວປະກອບດ້ວຍໂພແທດຊຽມ ສາມາດຊ່ວຍຫຼຸດຄວາມດັນເລືອດໄດ້ ໂດຍສະເພາະຄວາມດັນເລືອດ SPB ນອກຈາກນີ້ການດື່ມນໍ້າໝາກພ້າວເປັນປະຈຳ ຍັງຊ່ວຍຫຼຸດຄວາມສ່ຽງຂອງພະຍາດຫຼອດເລືອດອຸດຕັນໄດ້.
- ນໍ້າໝາກພ້າວສາມາດຟື້ນຟູຮ່າງກາຍຫຼັງຈາກອອກກຳລັງກາຍໄດ້
ປະໂຫຍດຂອງນໍ້າໝາກພ້າວ ຄືການຊ່ວຍຟື້ນໂຕໃຫ້ຮ່າງກາຍຫຼັງຈາກອອກກຳລັງກາຍມາຢ່າງໜັກ ເພາະໃນນໍ້າໝາກພ້າວມີສ່ວນປະກອບໜື່ງທີ່ຊື່ວ່າ: ອີເລັກໂທຣໄລ ເປັນແຮ່ທາດສຳຄັນຕໍ່ຮ່າງກາຍ ໜ້າທີ່ຫຼັກໆ ແມ່ນການເບີ່ງແຍງຂອງແຫຼວ ຄົນທີ່ເສຍເຫື່ອຫຼາຍສາມາດດື່ມນໍ້າໝາກພ້າວເພື່ອຟື້ນຟູຮ່າງກາຍໄດ້ດີກ່ວາການດື່ມນໍ້າລ້ານຳອີກ.
- ນໍ້າໝາກພ້າວຊ່ວຍຍ່ອຍອາຫານ
ນໍ້າໝາກພ້າວເປັນຕົວສຳຄັນໃນການເກັບຮັກສານໍ້າໃນຮ່າງກາຍ ເປັນສ່ວນປະກອບສຳຄັນ ສຳລັບຂະບວນການຍ່ອຍອາຫານ ຊ່ວຍໃຫ້ອາຫານດູດຊືມໄດ້ດີ ແລະ ໄຟເບີທີ່ຢູ່ໃນນໍ້າໝາກພ້າວ ຍັງຊ່ວຍໃນການສົ່ງຂອງເສຍຈາກການຍ່ອຍອາຫານອອກຈາກຮ່າງກາຍໄດ້ນຳອີກ.
- ນໍ້າໝາກພ້າວເຮັດໃຫ້ຜິວງາມ
ນອກຈາກນໍ້າໝາກພ້າວຈະຊ່ວຍເພີ່ມນໍ້າໃຫ້ຮ່າງກາຍເຮັດໃຫ້ລະບົບຕ່າງໆ ເຮັດວຽກໄດ້ດີແລ້ວ ຍັງຊ່ວຍເພີ່ມຄວາມຊຸ່ມຊື່ນໃຫ້ຜິວ ແລະ ປັບຜິວໃຫ້ສຸຂະພາບດີຂື້ນ ເພາະໃນນໍ້າໝາກພ້າວມີວິຕາມິນຊີ ທີ່ຊ່ວຍໃນການຜະລິດຄໍລາເຈນໃຫ້ຜິວງາມ ເຮັດໃຫ້ຮິ້ວຮອຍຫຼຸດລົງ ຜິວພັນເບັງປັງຫຼາຍກ່ວາເກົ່າ.
- ນໍ້າໝາກພ້າວຊ່ວຍເຜົາຜານໄຂມັນໄດ້ດີຂື້ນ
ນໍ້າໝາກພ້າວສາມາດຊ່ວຍເຜົາຜານໄຂມັນໄດ້ດີ ເພາະຖ້າຮ່າງກາຍເຜົາຜານໄດ້ຫຼາຍທໍ່ໃດ ໄຂມັນໃນຮ່າງກາຍກໍ່ຈະຫຼຸດລົງເທົ່ານັ້ນ ນໍ້າໝາກພ້າວຍັງເຮັດໃຫ້ຮູ້ສຶກອີ່ມ ດື່ມເຂົ້າໄປແລ້ວບໍ່ຕຸ້ຍ ເໝາະສົມກັບຄົນທີ່ກຳລັງຫຼຸດນໍ້າໜັກ.
- ນໍ້າໝາກພ້າວສາມາດຊ່ວຍແກ້ອາການເມົາຄ້າງ
ເຊື່ອວ່າຫຼາຍຄົນມັກມີອາການເມົາຄ້າງ ແນະນຳໃຫ້ທ່ານດື່ມນໍ້າໝາກພ້າວ ເພາະໃນນໍ້າໝາກພ້າວມີເກືອແຮ່ ແລະ ສານຕ້ານອະນຸມູນອິດສະລະ ທີ່ຈະຊ່ວຍຟື້ນຟູໃຫ້ຮ່າງກາຍດີຂື້ນ ແຖມຍັງຊ່ວຍເພີ່ມນໍ້າໃຫ້ກັບຮ່າງກາຍ ຫຼຸດອາການເຈັບຫົວໄດ້ນຳອີກ.
