ວັນທີ 5 ມັງກອນ 2024 ນີ້, ທ່ານ ຄໍາເຜີຍ ພິລາພາ ຜູ້ອຳນວຍການໃຫຍ່ ສຳນັກຂ່າວສານປະເທດລາວ ພ້ອມຄະນະ ໄດ້ຕ້ອນຮັບ ທ່ານ ນາງ ວິລະວອນ ພັນທະວົງ ຮອງຫົວໜ້າຄະນະໂຄສະນາອົບຮົມສູນກາງພັກ, ຜູ້ຊີ້ນໍາກົມຂໍ້ມູນຂ່າວສານ ແລະ ຝຶກອົບຮົມ ໃນໂອກາດມາອວຍພອນປີໃໝ່ສາກົນ 2024 ແລະ ໃນໂອກາດວັນສ້າງຕັ້ງສຳນັກຂ່າວສານປະເທດລາວ (ຂປລ) ຄົບຮອບ 56 ປີ. ພ້ອມທັງໄດ້ມອບຕູ້ລໍາໂພງ 1 ໜ່ວຍ ເພື່ອປະກອບສ່ວນເຂົ້າໃນວຽກງານຕົວຈິງ.
ໂອກາດນີ້, ທ່ານຜູ້ອໍານວຍການໃຫຍ່ສໍານັກຂ່າວສານປະເທດລາວ ກໍໄດ້ຕາງໜ້າຄະນະນໍາ ກໍຄື ພະນັກງານພາຍໃນ ຂປລ ສະແດງຄວາມຂອບໃຈ ແລະ ອວຍພອນໄຊອັນປະເສີດ ມາຍັງ ທ່ານ ນາງ ວິລະວອນ ພັນທະວົງ ເຊັ່ນດຽວກັນ.
