ພັອ ອຸບົນ ຈຸນລະມະນີ ຮອງຫົວໜ້າກອງບັນຊາການ ປກສ ນະຄອນຫຼວງວຽງຈັນ ຫົວໜ້າຫ້ອງຕໍາຫຼວດ, ຊີ້ນໍາວຽກງານການປ້ອງກັນງານບຸນນະມັດສະການພະທາດຫຼວງວຽງຈັນ ປະຈໍາປີ 2023 ໄດ້ໃຫ້ສໍາພາດກ່ຽວກັບສະພາບຄວາມສະຫງົບພາຍໃນງານບຸນເຫັນໄດ້ວ່າມີມວນຊົນທີ່ມາທ່ຽວຫຼິ້ນໃນງານບຸນເປັນຈໍານວນຫຼວງຫຼາຍ, ນັບແຕ່ມື້ເປີດວັນທີ 23 ຫາ ຕອນເຊົ້າມື້ຕັກບາດ ວັນທີ 27 ພະຈິກ 2023 ນີ້, ໄດ້ມີສະພາບປະກົດການຫໍ້ຍທໍ້ ເປັນຕົ້ນແມ່ນບັນຫາການແຫກກະເປົາລັກຊັບເກີດຂື້ນທັງໝົດ 6 ເລື່ອງ, ມີຜົນເສຍຫາຍເປັນເງີນກີບ 30 ກວ່າລ້ານ, ຄໍາຮູບປະພັນ 3 ບາດ ແລະ ອື່ນໆອີກຈໍານວນໜຶ່ງ.
ພັອ ອຸບົນ ຈູນລະມະນີ ໄດ້ຝາກເທິງມ່ວນຊົນທີ່ມາທ່ຽວໃນງານບຸນ ໂດຍສະເພາະແມ່ນຄ່ໍາຄືນຂອງວັນທີ 27 ພະຈິກ ນີ້ ເຊິ່ງເປັນຄືນສຸດທ້າຍຂອງງານບຸນນະມັດສະການພະທາດຫຼວງວຽງຈັນ ໃຫ້ມີສະຕິໃນການຮັກສາເຄື່ອງຂອງທີ່ມີຄ່າຂອງຕົນເອງ ເພື່ອຫຼີກລ້ຽງກຸ່ມຄົນບໍ່ຫວັງດີສວຍໂອກາດລັກເອົາ.
ຂ່າວ: ມາລາວັນ.
