ກະຊວງສາທາລະນະສຸກ ແລະ ອົງການຢູນິເຊັບ ໄດ້ຈັດພິທີສະເຫຼີມຫຼອງຜົນສຳເລັດໃນວຽກງານດ້ານໂພຊະນາການ ແລະ ສະເຫຼີມສະຫຼອງການຮ່ວມມືອັນຍາວນານຕະຫຼອດ 50 ປີ ລະຫວ່າງ ລັດຖະບານ ແຫ່ງ ສປປ ລາວ ແລະ ອົງການຢູນິເຊັບ ທີ່ ໂຮງໝໍມະໂຫສົດ.
ໃນມື້ນີ້, ພວກເຮົາບໍ່ພຽງແຕ່ຮັບຮູ້ເຖິງຜົນສຳເລັດຂອງພວກເຮົາເທົ່ານັ້ນ ແຕ່ພວກເຮົາຈະຕ້ອງເພີ່ມຄວາມພະຍາຍາມ ແລະ ການລົງທຶນ – ເພື່ອປູເສັ້ນທາງໄປສູ່ໂພຊະນາການທີ່ດີກ່ວາເກົ່າ ພ້ອມກັບຮັບຮູ້ເຖິງບົດບາດອັນສໍາຄັນຂອງບັນດາທ່ານໝໍ, ພະຍາບານ, ພໍ່ແມ່ ແລະ ຜູ້ປົກຄອງ ໃນການຮັບປະກັນວ່າ ເດັກນ້ອຍສາມາດເຂົ້າເຖິງການບໍລິການດ້ານໂພຊະນາການທີ່ມີຄຸນນະພາບ.
ຂໍຂອບໃຈຄູ່ຮ່ວມພັດທະນາຂອງພວກເຮົາ ສະຫະພາບເອີຣົບ, ອົງການ USAID, ລັດຖະບານການາດາ, ລັດຖະບານຝຣັ່ງ, ລັດຖະບານລຸກຊໍາບວກ, ອົງການອາຫານໂລກ ແລະ ອົງການອະນາໄມໂລກ ໃນການຮັບປະກັນວ່າແມ່ ແລະ ລູກນ້ອຍ ສາມາດເຕີບໂຕ ຜ່ານການສົ່ງເສີມໂພຊະນາການທີ່ດີ.
