ໃນຕອນບ່າຍ ວັນທີ 11 ພະຈິກ 2023 ທ່ານ ສອນໄຊ ສີພັນດອນ ນາຍົກລັດຖະມົນຕີ ຫົວໜ້າຄະນະສະເພາະກິດ ຮັບຜິດຊອບແກ້ໄຂບັນຫາເຄັ່ງຮ້ອນຂອງເສດຖະກິດ-ການເງິນ, ບັນຫາເງິນເຟີ້, ອັດຕາແລກປ່ຽນເງິນຕາ, ລາຄາສິນຄ້າ ແລະ ໜີ້ສິນຕ່າງປະເທດ (ຫົວໜ້າຄະນະສະເພາະກິດ 19/ກມສພ) ພ້ອມດ້ວຍຄະນະ ໄດ້ສືບຕໍ່ຕິດຕາມ ແລະ ຊຸກຍູ້ ການຈັດຕັ້ງປະຕິບັດບັນດາມາດຕະການແກ້ໄຂບັນຫາເຄັ່ງຮ້ອນ ຂອງເສດຖະກິດ-ການເງິນ ຢູ່ແຂວງສາລະວັນ ໂດຍສະເພາະການຜະລິດຮັບໃຊ້ພາຍໃນແຂວງ ແລະ ການຜະລິດເປັນສິນຄ້າສົ່ງອອກ.
ໃນໂອກາດນີ້, ຄະນະຂອງທ່ານນາຍົກລັດຖະມົນຕີ ໄດ້ໄປຢ້ຽມຢາມ ແລະ ຊຸກຍູ້ ການພັດທະນາໂຄງການປູກພືດເປັນຢາ (ພືດສະໝຸນໄພ) ເປັນສິນຄ້າສົ່ງອອກ ຂອງບໍລິສັດ ລາວສຶມຸລະ ຈຳກັດ ທີ່ເມືອງເລົ່າງາມ
![](https://medialaos.net/wp-content/uploads/2023/11/400477763_878609497157195_1135443954560392985_n-1024x682.jpg)