ສຳນັກຂ່າວສານຫວຽດນາມ ວັນທີ 8 ເດືອນກັນຍາ ບໍລິສັດຜະລິດເຮືອບິນແອຣບັສ (Airbus) ໃຫ້ຮູ້ວ່າ: ບໍລິສັດນີ້ໄດ້ສົ່ງມອບ ເຮືອບິນ ຈຳນວນ 52 ລຳ ໃນເດືອນສິງຫາ ປີ 2023 ເຮັດໃຫ້ເຮືອບິນທີ່ສົ່ງມອບຕັ້ງແຕ່ຕົ້ນປີ ໄລ່ເຖິງປັດຈຸບັນເພີ່ມຂຶ້ນເປັນ 433 ລຳ.
ໃນຂະນະດຽວກັນ, ບໍລິສັດນີ້ຍັງໄດ້ຂາຍເຮືອບິນ ຈຳນວນ 117 ລຳ, ເຮັດໃຫ້ຍອດການຈຳໜ່າຍເຮືອບິນໄລ່ເຖິງປັດຈຸບັນ, ລວມມີ 1,257 ລຳ. ສ່ວນໃບສັ່ງຊື້ເຮືອບິນຍັງມີອີກຈຳນວນຫລວງຫລາຍ ທີ່ຍັງບໍ່ທັນດຳເນີນການ, ເປັນຄັ້ງທຳອິດ ຊື່ງລວມມິ ເຖິງ 8,000 ລຳ ເມື່ອທ້າຍເດືອນສິງຫາ ໃນປີນີ້ ເນື່ອງຈາກ ຄວາມຕ້ອງການ ເດີນທາງ ທາງອາກາດ ໄດ້ເພີ່ມສູງຂຶ້ນ ຫລັງຈາກການແພ່ລະບາດ ຂອງພະຍາດ ໂຄວິດ-19. ສ່ວນ ໃບສັ່ງຊື້ເຮືອບິນໃໝ່ ຂອງບໍລິສັດ ໃນເດືອນກັນຍານີ້ ປະກອບມີເຮືອບິນໄອພົ່ນ 75 ລຳ ຈາກ Wizz Air. ນອກຈາກນັ້ນ, ແອຣບັສ ຍັງຕັ້ງເປົ້າໝາຍ ການສົ່ງມອບ ເຮືອບິນ ຈຳນວນ 720 ລຳໃນປີນີ້.
ນອກຈາກນີ້ ແອຣບັສ ລາຍງານວ່າ: ຝູງບິນທົ່ວໂລກ ຈະເພີ່ມຂຶ້ນ ສອງເທົ່າ ເປັນ 46.560 ລຳ ໃນປີ 2042 ເມື່ອທຽບໃສ່ ຈຳນວນ 22.880 ລຳ ກ່ອນເກີດ ການແພ່ ລະບາດ ຄັ້ງໃຫຍ່. ແອຣບັສ ຄາດການວ່າ ການຈະເລີນເຕີບໂຕ ຂອງອຸດສາຫະກຳ ການບິນຈະແຂງແຮງທີ່ສຸດໃນອາຊີ ເປັນຕົ້ນ: ອິນເດຍ ແລະ ຈີນ.
