ສຳນັກຂ່າວ ຊິນຮວາ ຂອງ ສປ ຈີນ ວັນທີ 7 ກັນຍານີ້ ທ່ານ ລີ ສຽງ (Li Qiang) ນາຍົກລັດຖະມົນຕີ ແຫ່ງ ສປ ຈີນ ໄດ້ພົບປະກັບ ທ່ານ ແອນໂທນີ ອັລບາເນຊີ (Anthony Albanese) ນາຍົກລັດຖະມົນຕີອົດສະຕຣາລີ ພ້ອມຈະເຮັດວຽກ ຮ່ວມກັນ ໃນການຟື້ນຟູການແລກປ່ຽນໃນຫລາຍດ້ານຂອງສອງຝ່າຍ ຫລັງຈາກພົບປະກັນນອກຂອບກອງປະຊຸມສຸດຍອດອາຊຽນ ຄັ້ງທີ 43 ຢູ່ອິນໂດເນເຊຍ ພ້ອມທັງເພີ່ມການພົວພັນ ທີ່ໝັ້ນຄົງ ແລະ ມີສະຖຽງລະພາບຈະເປັນຜົນປະໂຫຍດ ໃຫ້ກັບປະຊາຊົນ ທັງສອງປະເທດຫລາຍຂຶ້ນກວ່າເກົ່າ. ຂະນະທີ່ ທ່ານ ແອນໂທນີ ອັລບາເນຊີ ຈະເດີນທາງ ຢ້ຽມຢາມ ສປ ຈີນ ຢ່າງເປັນທາງການ ຕາມຄຳເຊີນ ຂອງ ທ່ານ ລີສຽງ ເພື່ອເຮັດ ໃຫ້ການຮ່ວມມືສອງຝ່າຍແໜ້ນແຟ້ນຍິ່ງຂຶ້ນ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
