ໃນອາທິດຜ່ານມາ ທ່ານ ສໍລັບ ກຸມມານ ເລຂາທິການ (ພາກຕາເວັນອອກ) ກະຊວງການຕ່າງປະເທດ ແຫ່ງ ອິນເດຍ ແລະ ທ່ານ ປຣາຊ່ານ ເອກອັກຄະລັດຖະທູດອິນ ເດຍ ປະຈໍາ ສປປ ລາວ ພ້ອມດ້ວຍຄະນະໄດ້ໄປຢ້ຽມຢາມດ່ານສາກົນສິນຄ້າທ່າບົກທ່ານາແລ້ງ ແລະ ເຂດໂລຊິດຕິກນະຄອນຫຼວງວຽງຈັນ ຕັ້ງຢູ່ບ້ານດົງໂພສີ ເມືອງຫາດ ຊາຍຟອງ ນະຄອນຫຼວງວຽງຈັນ ຖືກຕ້ອນຮັບໂດຍທ່ານ ອາລຸນແກ້ວ ກິດຕິຄຸນ ປະທານກໍາມະການຍຸດທະສາດ ແລະ ການວາງແຜນບໍລິສັດ ພີທີແອວໂຮນດິ້ງ ພ້ອມດ້ວຍຄະນະ.
ໂອກາດນີ້ ທ່ານ ອາລຸນແກ້ວ ກິດຕິຄຸນ ໄດ້ໃຫ້ກຽດກ່າວຕ້ອນຮັບ ແລະ ລາຍງານການພັດທະນາທ່າບົກຢູ່ສະຖານທີ່ແຫ່ງນີ້ເປັນໂຄງການບູລິມະສິດຂອງລັດຖະບານລາວ ໂຄງການທ່າບົກທ່ານາແລ້ງໄດ້ເປີດໃຫ້ບໍ ລິການມາແຕ່ປີ 2021 ເປັນຕົ້ນມາ ແລະ ປັດຈຸບັນກຳລັງສືບຕໍ່ກໍ່ສ້າງພື້ນຖານໂຄງລ່າງເຂດໂລຊິດສະຕິກຄາດວ່າຈະໃຫ້ສຳເລັດທ້າຍປີ 2023 ໂດຍການພັດທະນາມີຫຼາຍໂຊນບໍ່ວ່າຈະເປັນເຂດພັດທະນາອຸດສາງ ຫະກຳສົ່ງອອກ ສາງນໍ້າມັນ ແລະ ອື່ນໆ ໂດຍພວກເຮົາມີລົດໄຟລາວ-ຈີນ ທີ່ຈະເປັນເຄື່ອງມື ຫຼື ເຄື່ອງຈັກຂັບເຄື່ອນທີ່ສຳຄັນເຮັດແນວໃດໃຫ້ການພັດທະນາຢູ່ລາວໄດ້ຮັບການດຳເນີນໄປໄວ ແຕ່ສຳຄັນຈະເປັນການສົ່ງເສີມໃຫ້ມີການຄ້ານັບມື້ເພີ່ມຂຶ້ນເລື້ອຍໆລະຫວ່າງຈີນ ເອີຣົບ ແລະ ອາຊຽນ
ໂຄງການທ່າບົກທ່ານາແລ້ງເປັນໂຄງການໜຶ່ງທີ່ເປັນໂຄງການຍ່ອຍຂອງໂຄງການໃຫຍ່ Laos Logistics Link (LLL) ມີກິດຈະການຄວບຄຸມໃນຫຼາຍຂະແໜງການຂອງລາວ ແລະ ມີບຸກຄະລາກອນການເຮັດວຽກຂອງພວກເຮົາຂ້ອນຂ້າງເປັນມືອາ ຊີບທັງໝົດ ການສ້າງທ່າບົກທ່ານນາແລ້ງທີ່ປະກອບດ້ວຍໂລຊິດສະຕິກຄົບຊຸດ ປະ ກອບມີເຂດການຄ້າເສລີ ເຂດອຸດສາຫະກໍາປຸງແຕ່ງສົ່ງອອກ ລະບົບສາງນໍ້າມັນ ແລະ ອື່ນໆ ຈະສາມາດດໍາເນີນການດຶງເອົາຜົນປະໂຫຍດມາໃຫ້ປະເທດໄດ້ຍ້ອນມີລົດໄຟລາວ-ຈີນ.
ຕອນທ້າຍຄະນະຜູ້ແທນຍັງໄດ້ໄປຢ້ຽມຢາມເບິ່ງຕຶກປະຕິບັດງານຂອງທ່າບົກທ່ານາແລ້ງ ແລະ ຕຶກພາສີທ່າບົກທ່ານາແລ້ງ ຢ້ຽມຢາມລານຕູ້ສິນຄ້າຊີວາຍ ສາງຄ່ຽນຖ່າຍສິນຄ້າ ແລະ ຈຸດຄ່ຽນຖ່າຍສິນຄ້າລະຫວ່າງລາງມາດຕະຖານ ແລະ ລາງໜຶ່ງແມັດຕື່ມອີກ.
………………………………………..
