ຂ່າວຕ່າງປະເທດລາຍງານ ໃນຕົ້ນອາທິດຜ່ານມາ, ກະຊວງສາທາລະນະສຸກຟີລິບປິນຢືນຢັນວ່າ: ພົນລະເມືອງທີ່ຍົກຍ້າຍຍ້ອນຄວາມຜິດປົກກະຕິຂອງພູເຂົາໄຟມາຢົນ ຢ່າງໜ້ອຍມີ 1.624 ຄົນໄດ້ຖືກບົ່ງມະຕິເປັນພະຍາດລະບົບຫາຍໃຈ, ຈຳນວນຜູ້ເປັນພະຍາດມີທ່າອຽງເພີ່ມຂຶ້ນ, ອາການຕົ້ນຕໍແມ່ນເປັນໄອ,ໄຂ້ ແລະ ເຈັບຄໍ ແຕ່ພາກສ່ວນສາທາລະນະສຸກບໍ່ໄດ້ອະທິບາຍສາເຫດທີ່ພາໃຫ້ເກີດອາການເຫຼົ່ານີ້.
ນັບແຕ່ເດືອນມິຖຸນາປີ 2023 ເປັນຕົ້ນມາ, ພູເຂົາໄຟມາຢົນ ໄດ້ເກີດມີຄວາມແບບຜິດປົກກະຕິຢ່າງຕໍ່ເນື່ອງ. ອົງການປົກຄອງທ້ອງຖິ່ນໄດ້ຍົກຍ້າຍພົນລະເມືອງ 2 ໝື່ນກວ່າຄົນທີ່ຢູ່ “ເຂດອັນຕະລາຍ” ໃກ້ກັບພູເຂົາໄຟໄປບ່ອນຫຼົບໄພຊົ່ວຄາວ.
