ສໍານັກຂ່າວ ຊິນຮວາຂອງ ສປ ຈີນ, ວັນທີ 20 ກໍລະກົດນີ້, ຈີນ ປະສົບຄວາມສໍາເລັດໃນການ ປ່ອຍຈະຫລວດ ຂົນສົ່ງໄຄວ່ໂຈວ-1ເອ (Kuaizhou-1A) ເພື່ອສົ່ງດາວທຽມ ຂຶ້ນສູ່ອາວະກາດຈຳນວນ 4 ດວງ ຈາກສູນປ່ອຍ ດາວທຽມ ຈີ່ວສຽນ ທາງຕາເວັນຕົກສຽງເໜືອ ຂອງປະເທດ. ຊຶ່ງດາວທຽມທັງ 4 ດວງນີ້ ຈັດຢູ່ໃນກຸ່ມ ດາວທຽມ ອຸຕຸນິຍົມວິທະຍາ ທຽນມູ່-1 (Tianmu-1) ໄດ້ເຂົ້າສູ່ວົງໂຄຈອນ ທີ່ກຳນົດໄວ້ແລ້ວ. ດາວທຽມຊຸດນີ້ ຈະຖືກໃຊ້ງານ ເພື່ອການບໍລິການ ຂໍ້ມູນອຸຕຸນິຍົມວິທະຍາ ດ້ານການຄ້າ ເປັນຫລັກ. ການສົ່ງດາວທຽມ ຄັ້ງນີ້ ຖືເປັນພາລະກິດ ຄັ້ງທີ 21 ຂອງຈະຫລວດຂົນສົ່ງ ດ້ານການຄ້າ ໄຄວ່ໂຈວ-1ເອ.
