ຕາມຂ່າວຈາກວິທະຍຸສາກົນ ແຫ່ງ ສປ ຈີນ, ອົງການສະຫະປະຊາຊາດ (ສປຊ) ໄດ້ເປີດເຜີຍບົດລາຍງານ “ຄວາມໝັ້ນຄົງ ດ້ານທັນຍາຫານ ແລະ ສະພາບດ້ານໂພຊະນາການຂອງໂລກ” ປະຈຳປີ 2023. ບົດລາຍງານຊີ້ ໃຫ້ເຫັນວ່າ: ຍ້ອນສະພາບການ ແພ່ລະບາດ ຂອງພະຍາດ ໂຄວິດ-19 ເກີດຂຶ້ນ ຊ້ຳແລ້ວ ຊ້ຳອີກ, ການປ່ຽນແປງ ຂອງດິນຟ້າ ອາກາດ ແລະ ເກີດການ ປະທະກັນ ເລື້ອຍໆ ເຮັດໃຫ້ ປະຊາກອນ ທົ່ວໂລກ ຜະເຊີນກັບ ຄວາມອຶດຫິວ ສູງເຖິງ 783 ລ້ານຄົນ ໃນປີ2022.ໃນນີ້ ເພີ່ມຂຶ້ນໃໝ່ 122 ລ້ານຄົນ ເມື່ອທຽບໃສ່ປີ 2019.ຂະນະທີ່ ອາຊີ ແລະ ອາເມຣິກາ ຣາຕິນ ໄດ້ຮັບຄວາມຄືບໜ້າ ໃນດ້ານການ ຫລຸດຜ່ອນ ຄວາມອຶດຫິວ, ແຕ່ວ່າ, ລະດັບ ອຶດຫິວ ຢູ່ອາຊີ ຕາເວັນຕົກ, ເຂດກະຣາອິບ ແລະ ທະວີບ ອາຟຣິກາ ຍັງສູງຂຶ້ນ ຢ່າງຕໍ່ເນື່ອງ. ຢູ່ທະວີບ ອາຟຣິກາ, ແຕ່ລະ 5 ຄົນໃດ ແມ່ນມີຜູ້ໜຶ່ງ ກິນບໍ່ອີ່ມ, ປະຊາຊົນ ອຶດຫິວ ແມ່ນກວມເອົາ ສອງເທົ່າ ຂອງລະດັບ ສະເລ່ຍ ຂອງປະຊາກອນໂລກ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
