ຫົວເຫວີຍໄດ້ແນະນຳຜະລິດຕະພັນ Wireless Ultra-Wideband ພະລັງ ງານສູງຮຸ່ນໃໝ່ຂອງ RRU5517t ເປັນຄັ້ງທໍາອິດຢູ່ທີ່ປະເທດກໍາປູເຈຍ ໃນ ຕົ້ນເດືອນກໍລະກົດ 2023 ອຸປະກອນດັ່ງກ່າວແມ່ນພາກສ່ວນທີ່ສໍາຄັນໃນ ປະມວນຜົນສັນຍານລະບົບໂທລະສັບເຄື່ອນທີ່ ຫຼື Radio Remote Unit (RRU) ເຊິ່ງໂມເດວນີ້ໄດ້ຮວບຮວມເອົາຄື້ນຄວາມຖີ່ໃນສາມຍ່ານທີ່ໃຊ້ສໍາລັບ ການຕິດຕໍ່ສື່ສານໄວ້ຢູ່ໃນອຸປະກອນຕົວດຽວ (ປົກກະຕິໃນເມື່ອກ່ອນອຸປະ ກອນໜຶ່ງຕົວແມ່ນຮອງຮັບໄດ້ພຽງ 1 ຍ່ານຄວາມຖີ່ເທົ່ານັ້ນ) ສະນັ້ນ ຈຶ່ງ ສາມາດຊ່ວຍປະຫຍັດພື້ນທີ່ອຸປະກອນຂອງສະຖານີຖານໂທລະສັບເຄື່ອນທີ່ໄດ້ 60% ເນື່ອງຈາກນໍາໃຊ້ອຸປະກອນພຽງຕົວດຽວ ນອກຈາກນີ້ ຍັງເປັນການ ປະສົມປະສານຂອງລະບົບລະບາຍຄວາມຮ້ອນດ້ວຍອາກາດທາງນອກ ແລະ ມີຄວາມຍືດຍຸ່ນໃນການນໍາໃຊ້ພະລັງຮ່ວມກັນຊ່ວຍຫຼຸດການໃຊ້ພະລັງງານ ໄດ້ປະມານ 30% ຊ່ວຍໃຫ້ຜູ້ປະກອບການດ້ານເຄືອຂ່າຍໂທລະຄົມສາມາດ ຍົກລະດັບຄຸນນະພາບຂອງເຄືອຂ່າຍ ແລະ ປະຫຍັດງົບປະມານໃນພາກ ສ່ວນການລົງທຶນຂອງ OPEX.
ເນື່ອງຈາກຄວາມຮຽກຮ້ອງຕ້ອງການຂອງຜູ້ໃຊ້ງານ ແລະ ເພື່ອເປັນການ ຍົກລະດັບການໃຫ້ບໍລິການດ້ານຄຸນນະພາບຂອງເຄືອຂ່າຍໃຫ້ສູງຂຶ້ນ ຜູ້ໃຫ້ ບໍລິການດ້ານໂທລະຄົມຈຶ່ງຈຳເປັນຕ້ອງມີການຂະຫຍາຍສັນຍານເພີ່ມຕື່ມເຊິ່ງຈະຕ້ອງເພີ່ມອຸປະກອນດັ່ງ ກ່າວໄປພ້ອມ ຢ່າງໃດກໍຕາມ ເສົາສັນຍານຢູ່ ທີ່ສະຖານີຖານມີຂໍ້ຈຳກັດດ້ານພື້ນທີ່ ແລະ ຄວາມສາມາດໃນການຮັບນ້ໍາ ໜັກ ຂອງອຸປະກອນສື່ສານເຮັດໃຫ້ຍາກຕໍ່ການຕິດຕັ້ງອຸປະກອນໃໝ່ ເພີ່ມຕື່ມ ຜ່ານມາຜູ້ໃຫ້ບໍລິການເຄືອຂ່າຍຕ້ອງໄດ້ຕິດຕັ້ງອຸປະກອນ ໜຶ່ງ ຕົວຕໍ່ໜຶ່ງຍ່ານຄວາມຖີ່ (1.8 GHz 2.1 GHz ແລະ 2.6 GHz) ແຕ່ຫົວເຫວີຍ ໄດ້ນໍາສະເໜີອຸປະກອນລຸ້ນໃໝ່ ແລະ ເປັນລຸ້ນທໍາອິດທີ່ສາມາດຮວບຮວມ ຍ່ານຄວາມຖີ່ວິທະຍຸສື່ສານທັງສາມຍ່ານ ເຂົ້າໄວ້ໃນອຸປະກອນ ຕົວດຽວ ນັ້ນກໍຄື RRU 4T4R (ສົ່ງ 4 ຮັບ 4) ຫົວເຫວີຍໄດ້ໃຊ້ນະວັດຕະກໍາ ultra-wide band ຄື້ນຄວາມຖີ່ວິທະຍຸ ແລະ ດ້ວຍນະວັດຕະກໍາທີ່ມີວິທີການດ້ານການ ເພີ່ມປະສິດທິພາບການໃຊ້ພະລັງານທີ່ເໝາະສົມທີ່ສຸດ ໂຊລູຊັນທີ່ສາມາດ ຮວບຮວມເອົາ 3 ຄື້ນຄວາມຖີ່ 1.8 GHz+2.1 GHz+2.6 GHz ເຂົ້າໄວ້ໃນອຸ ປະກອນຕົວດຽວນີ້ແມ່ນສາມາດຕອບສະໜອງຄວາມຕ້ອງການສໍາລັບການນໍາໃຊ້ການຂະຫຍາຍເຄືອຂ່າຍໂທລະສັບເຄື່ອນທີ່ໄດ້ເຕັມຮູບແບບ.
ການນຳໃຊ້ແບບລວມເອົາ 3 ຄື້ນຄວາມຖີ່ເປັນ 1 ໂມດູນຊ່ວຍຫຼຸດພື້ນທີ່ເສົາ ສັນ ຍານໄດ້ຫຼາຍກວ່າ 60% ນໍ້າໜັກລວມຂອງ RRUs ຫຼຸດລົງ 48% ແລະ ການໃຊ້ພະລັງງານຫຼຸດລົງປະມານ 30% ອີງຕາມການນໍາໃຊ້ທາງການຄ້າຂອງຜູ້ປະກອບການໃນເຂດເອີຣົບ ultra-wideband RRUs ມີຜົນປະໂຫຍດຫຼາຍຢ່າງເຊັ່ນ ການໃຊ້ງານທີ່ງ່າຍດາຍ ultra-wideband RRU ຂອງຫົວເຫວີຍຮອງຮັບການປະສານລວມກັນແບບ ສາມຄື້ນຄວາມຖີ່ ຕາມການນຳໃຊ້ທີ່ຜ່ານມາ RRU ສອງຕົວຖືກນຳໃຊ້ສຳ ລັບ ສອງຄື້ນຄວາມຖີ່ ແຕ່ຫຼັງຈາກນັ້ນຈໍາເປັນຈະຕ້ອງໃຊ້ RRU ພຽງຕົວ ດຽວສຳຫຼັບຄື້ນຄວາມຖີ່ສາມຄື້ນເພື່ອໃຫ້ໃຊ້ງານໄດ້ຢ່າງສະດວກສະບາຍ ປະສິດທິພາບສູງ ແລະ ປະຫຍັດພະລັງງານ ultra-wideband RRUs ຂອງຫົວເຫວີຍເປັນ wideband RRU ທີ່ແທ້ຈິງໂດຍຈະລວມ PA ຂອງ ຄື້ນຄວາມຖີ່ 3 ຄື້ນເຂົ້າກັບກຸ່ມຊັບພະຍາກອນການໃຊ້ງານ ແລະ ໃຊ້ ການແບ່ງປັນພະລັງງານລະຫວ່າງຄື້ນຄວາມຖີ່ 3 ຄື້ນ ທີ່ລະດັບ TTI (Transmission Time Interval) ເມື່ອປຽບທຽບກັບ RRU ຄື້ນຄວາມ ຖີ່ດ່ຽວຂອງ 3 ຄື້ນ ການນໍາໃຊ້ພະລັງງານຂອງ ultra-wideband RRU ສາມາດຫຼຸດລົງ 30% ໃນສະຖານະການທີ່ ເໝາະສົມ.
ປະສົບການໃນການໃຊ້ງານທີ່ດີຂຶ້ນ ດ້ວຍການເພີ່ມສະເປັກຂອງເຄືອຂ່າຍ ultra-wideband RRUs ແລະ ລະບົບ SingleCell algorithm ທີ່ເປັນເອກະ ລັກຂອງຫົວເຫວີຍ ສາມາດປະສານງານຮອງຮັບໃຫ້ບໍລິການຄື້ນຄວາມ ຖີ່ຕ່ຳ ແລະ ຄື້ນຄວາມຖີ່ກາງໄດ້ຢ່າງມີປະສິດທິພາບ ແລະ ຮອງການຮັບ ສົ່ງຂໍ້ມູນຈາກເຊວກາງໄປຍັງຜູ້ໃຫ້ບໍລິການຄື້ນຄວາມຖີ່ລະດັບກາງເພື່ອໃຫ້ສາມາດຮອງຮັບບໍລິມາດການໃຊ້ງານໄດ້ ຜູ້ໃຫ້ບໍລິການຄື້ນຄວາມຖີ່ຕໍ່າ ແມ່ນຈະມຸ່ງເນັ້ນໃຫ້ກັບການໃຫ້ບໍລິການຜູ້ໃຊ້ຢູ່ບໍລິເວນຂອບເຊວ ຄຸນລັກ ສະນະນີ້ເພີ່ມຄວາມໄວຂໍ້ມູນຂອງຜູ້ໃຊ້ຂອບເຊວ 80% ແລະ ເພີ່ມຄວາມຈຸ ເຄືອຂ່າຍໂດຍລວມ 25%.
ໃນງານແນະນຳຜະລິດຕະພັນດັ່ງກ່າວທ່ານ ຖັງ ເຈີ້ງເຊີງ ຜູ້ອຳນວຍການ ຝ່າຍຂາຍ wireless solution ຂອງຫົວເຫວີຍ ກໍາປູເຈຍ ກ່າວວ່າ “ultra-wideband RRU5517t ພະລັງງານສູງຂອງຫົວເຫວີຍຈະຖືກນໍາໄປໃຊ້ໃນ ດ້ານການຄ້າໃນຊ່ວງໄຕມາດທີ 3 ຂອງປີ 2023 ເຊິ່ງຈະຊ່ວຍໃຫ້ຜູ້ປະ ກອບການໃນປະເທດກຳປູເຈຍຫຼຸດພື້ນທີ່ເສົາສັນຍານ ປັບປຸງຄຸນນະ ພາບຂອງເຄືອຂ່າຍ ແລະ ເພີ່ມໂອກາດຄວາມສຳເລັດໃຫ້ກັບທຸລະກິດ ຖືເປັນການໃຊ້ຜະລິດຕະພັນໃໝ່ນີ້ໃນຂະແໜງການຄ້າຂະໜາດໃຫຍ່ເປັນຄັ້ງທຳອິດໃນພາກພື້ນອາຊີປາຊິຟິກ.
………………………………………………
