ຕາມຂ່າວຈາກວິທະຍຸສາກົນຫວຽດນາມ, ທ່ານ ສີ ຈິ້ນຜິງ ປະທານປະເທດ ແຫ່ງ ສປ ຈີນ ໄດ້ສະແດງຄວາມຫວັງ ກ່ຽວກັບການຊຸກຍູ້ການຮ່ວມມືສອງຝ່າຍໃນບັນດາຂົງເຂດທີ່ແຕກຕ່າງກັນນັບແຕ່ຂັ້ນນິຕິບັນຍັດກໍ່ຄືການເພີ່ມທະວີການແລກປ່ຽນບົດຮຽນປະສົບການ ກ່ຽວກັບນິຕິກຳ ແລະ ຄຸ້ມຄອງລັດ. ສປ ຈີນ ຈະສືບຕໍ່ຮ່ວມມືກັບຣັດເຊຍ ເພື່ອພັດທະນາ ການພົວພັນ ຄູ່ຮ່ວມມື ຍຸດທະສາດ ຮອບດ້ານ, ລວມມີ ການໜູນຊ່ວຍ ເຊິ່ງກັນ ແລະ ກັນ, ເຊື່ອມໂຍງຢ່າງເລິກເຊິ່ງກວ້າງຂວາງ, ປ່ຽນແປງໃໝ່ ແລະ ຕ່າງຝ່າຍຕ່າງ ມີຜົນປະໂຫຍດເພື່ອແນໃສ່ຊຸກຍູ້ການພັດທະນາລວມ. ນີ້ແມ່ນ ຄຳຢັ້ງຢືນ ຂອງທ່ານ ສີ ຈິ້ນຜິງ, ປະທານ ປະເທດຈີນ ໃນວັນທີ 10 ກໍລະກົດ, ຢູ່ປັກກິ່ງ, ເມື່ອໃຫ້ການຕ້ອນຮັບ ທ່ານ Valentina Ivanovna Matvienko ປະທານສະພາສູງຣັດເຊຍ ທີ່ພວມມີການຢ້ຽມຢາມປັກກິ່ງ. ທ່ານ ສີ ຈິ້ນຜິງ ກໍ່ສະແດງຄວາມຫວັງ ກ່ຽວກັບ ການຊຸກຍູ້ ການຮ່ວມມື ສອງຝ່າຍ ໃນບັນດາຂົງເຂດທີ່ແຕກຕ່າງກັນ ນັບແຕ່ຂັ້ນນິຕິບັນຍັດກໍ່ຄືການເພີ່ມທະວີ ການແລກປ່ຽນບົດຮຽນປະສົບການ ກ່ຽວກັບນິຕິກຳ ແລະ ຄຸ້ມຄອງລັດ, ນຳການພົວພັນຮ່ວມມືລະຫວ່າງອົງການ ນິຕິບັນຍັດ ສອງປະເທດ ຂຶ້ນສູ່ລະດັບ ສູງໃໝ່. ສ່ວນ ທ່ານ ປະທານ ສະພາສູງຣັດເຊຍ ໄດ້ຢັ້ງຢືນວ່າ ການພົວພັນຄູ່ ຮ່ວມມື ສົມທົບກັບ ຍຸດທະສາດ ຮອບດ້ານ ຣັດເຊຍ-ສປ ຈີນ ເໝາະສົມກັບ ຜົນປະໂຫຍດ ຂອງສອງປະເທດ, ບັນລຸໄດ້ ລະດັບ ສູງທີ່ສຸດ ໃນປະຫວັດສາດ ແລະ ສືບຕໍ່ ມີການພັດທະນາ ຢ່າງມີສະຖຽນ ລະພາບ ຈາກນັ້ນ ໄດ້ນຳໜ້າ ຄະນະປະຕິບັດງານ ໄປຍັງ ສປ ຈີນ ໃນລະຫວ່າງ ວັນທີ 9-12 ກໍລະກົດ ແລະ ເຂົ້າ ຮ່ວມ ກອງປະຊຸມ ຄັ້ງທີ 8 ຂອງຄະນະກຳມະການຮ່ວມມື ລັດຖະສະພາ ຈີນ-ຣັດເຊຍ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
