ສຳນັກຂ່າວຊິນຮວາ ຂອງ ສປຈີນ, ວັນທີ 23 ມິຖຸນາ ຜ່ານມາ, ກະຊວງ ການຄ້າຂອງໄທ ລາຍງານວ່າ: ປະລິມານ ການສົ່ງອອກເຂົ້າ ຂອງໄທ ໃນໄລຍະ ເດືອນມັງກອນ-ເດືອນພືດສະພາ ບັນລຸ 3,47 ລ້ານໂຕນ, ເພີ່ມຂຶ້ນ 26,64% ເມື່ອທຽບໃສ່ ໄລຍະດຽວກັນ ເມື່ອປີກາຍຜ່ານມາ ເນື່ອງຈາກ ຄວາມຕ້ອງການເຂົ້າ ໃນໂລກ ເພີ່ມສູງຂຶ້ນ. ສ່ວນມູນຄ່າ ການສົ່ງອອກເຂົ້າ ຂອງໄທ ລວມມີ 1,89 ຕື້ໂດລາ ສະຫະລັດ, ເພີ່ມຂຶ້ນ 30,58% ເມື່ອທຽບໃສ່ປີຕໍ່ປີ. ຄາດວ່າ ການສົ່ງອອກເຂົ້າຂອງໄທໃນປີນີ້ ຈະຫລາຍກວ່າ 8 ລ້ານໂຕນ ຊຶ່ງເປັນ ຕົວເລກເກີນເປົ້າໝາຍ ທີ່ກະຊວງ ກຳນົດໄວ້ 7,5-8 ລ້ານໂຕນ. ໃນຂະນະທີ່ ໄທ ເປັນຜູ້ສົ່ງອອກເຂົ້າ ຂະໜາດໃຫຍ່ ຂອງໂລກ. ເມື່ອປີກາຍນີ້ ການສົ່ງອອກເຂົ້າ ຈຳນວນ 7,69 ລ້ານໂຕນ ແລະ ເປັນຕົວເລກ ສູງກວ່າ ເປົ້າໝາຍ ທີ່ກຳນົດໄວ້ 7,5 ລ້ານໂຕນ. ໂດຍສະເພາະ ບັນດາ ຕະຫລາດຊັ້ນນໍາ ເຊັ່ນ: ອີຣັກ, ອາຟຣິກາໃຕ້, ຈີນ ແລະ ສ.ອາເມລິກາ./.
