ຕາມຂ່າວຈາກວິທະຍຸສາກົນຫວຽດນາມ ເມື່ອບໍ່ດົນມານີ້ ທ່ານ ຟ້າມ ມິງຈິງ, ນາຍົກລັດຖະມົນຕີຫວຽດນາມ ໄດ້ເດີນທາງຮອດນະຄອນຫລວງປັກກິ່ງ ເລີ່ມຕົ້ນການຢ້ຽມຢາມ ສປ ຈີນ ແລະ ເຂົ້າຮ່ວມກອງປະຊຸມປະຈຳປີເວທີປາໄສເສດຖະກິດໂລກ (WEF). ໃນໂອກາດນີ້ຈະມີການພົບປະເຈລະຈາກັບ ທ່ານ ຫລີ ຊຽງ, ນາຍົກລັດຖະມົນຕີຈີນ ພົບປະກັບທ່ານ ສີ ຈິ້ງຜິງ, ເລຂາທິການໃຫຍ່ ປະທານປະເທດຈີນ ແລະ ພົບປະກັບ ທ່ານ ປະທານສະພາຜູ້ແທນປະຊາຊົນແຫ່ງຊາດຈີນ. ພ້ອມກັນນັ້ນ ທ່ານ ຟ້າມມິງຈິງ ຈະເຂົ້າຮ່ວມບັນດາວາລະປະຊຸມສຳຄັນຂອງກອງປະຊຸມ WEF, ພົບປະສອງຝ່າຍກັບ ທ່ານປະທານ ຝ່າຍບໍລິຫານ WEF ກໍ່ຄືພົບປະກັບການນຳຫລາຍປະເທດ, ອົງການຈັດຕັ້ງສາກົນ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
