ວິທະຍຸກະຈາຍສຽງຫວຽດນາມລາຍງານວ່າ: ປະລິມານພະລັງງານທົດແທນທີ່ເພີ່ມຂຶ້ນໃນທົ່ວໂລກໃນປີນີ້ຄາດວ່າຈະສູງກວ່າ 30% ເມື່ອທຽບໃສ່ປີ 2022 ໃນສະພາບການມີຄວາມວິຕົກກັງວົນຫຼາຍຢ່າງກ່ຽວກັບຄວາມໝັ້ນຄົງດ້ານພະລັງງານ ກ່ຽວຂ້ອງເຖິງຄວາມຂັດແຍ່ງທາງດ້ານພູມສາດການເມືອງ.
ໃນບົດລາຍງານທີ່ຫາກໍປະກາດເມື່ອບໍ່ດົນມານີ້, ອົງການພະລັງງານສາກົນ (IEA) ຄາດຄະເນວ່າ: ປະລິມານພະລັງງານທົດແທນຈະເພີ່ມຂຶ້ນ 107 ກິກະວັດ ເມືື່ອທຽບໃສ່ປີ 2022, ລະດັບສະຖິຕິໄດ້ເພີ່ມຂຶ້ນເປັນ 440 ກິກະວັດ ໃນປີນີ້. ໄດ້ປະກອບສ່ວນຢ່າງໃຫຍ່ຫຼວງເຂົ້າໃນລະດັບການເພີ່ມຂຶ້ນຂອງພະລັງງານທົດແທນ, ນີ້ແມ່ນການພັດທະນາຢ່າງແຂງແຮງຂອງລະບົບພະລັງງານແສງຕາເວັນ ແລະ ພະລັງງານແຮງລົມ. ຍອດປະລິມານພະລັງງານທົດແທນໃນປີໜ້າຄາດວ່າຈະເພີ່ມຂຶ້ນເປັນ 4.500 ກິກະວັດ.
