ສຳນັກຂ່າວ ຊິນຮວາຂອງ ສປຈີນ, ວັນທີ 22 ພືດສະພາ, ສ.ເກົາຫລີ ເລີ່ມເພີ່ມຄວາມເຂັ້ມງວດ ໃນການກວດກາ ເພື່ອປ້ອງກັນ ພະຍາດ ສຳລັບ ການນໍາເຂົ້າ ຊິ້ນງົວ ຈາກ ສ.ອາເມລິກາ ພາຍຫລັງ ມີລາຍງານ ການແພ່ ລະບາດ ຂອງ ພະຍາດ ງົວບ້າ ໃນສ.ອາເມລິກາ.
ກະຊວງ ກະສິກຳ ອາຫານ ແລະ ກິດຈະການ ຊົນນະບົດ ຂອງ ສ.ເກົາຫລີ ເປີດເຜີຍວ່າ: ການຕັດສິນໃຈ ດຳເນີນ ມາດຕະການ ເບື້ອງຕົ້ນ ໂດຍການເພີ່ມ ອັດຕາສ່ວນ ໃນກວດກາ ຕົວຢ່າງຊິ້ນງົວ ນໍາເຂົ້າ ຈາກ ສ.ອາເມລິກາ ຈາກ 3% ເປັນ 10% ຕັ້ງແຕ່ ວັນທີ 22 ພືດສະພາ ຜ່ານມາ. ຫລັງຈາກ ສ.ອາເມລິກາ ໄດ້ຢືນຢັນ ກໍລະນີ ຄວາມຜິດປົກກະຕິ ຂອງ ພະຍາດ ງົວບ້າ (BSE) ທີ່ໂຮງຂ້າສັດ ແຫ່ງໜຶ່ງ ໃນລັດ ເຊົາແຄໂຣໄລນາ. ກະຊວງ ກ່ຽວຂ້ອງ ໄດ້ຮຽກຮ້ອງໃຫ້ ລັດຖະບານ ສ.ອາເມລິກາ ມອບຂໍ້ມູນ ທາງລະບາດ ວິທະຍາ ກ່ຽວກັບ ການແພ່ລະບາດ ຂອງ ພະຍາດນີ້ ແບບຜິດປົກກະຕິ , ພ້ອມທັງ ລະບຸວ່າ ຈະໃຊ້ມາດຕະການ ເພີ່ມເຕີມ ຖ້າຫາກ ມີຄວາມຈຳເປັນ ພາຍຫລັງ ທົບທວນ ການສືບສວນ ສອບສວນ ທາງລະບາດ ວິທະຍາ ຂອງສ.ອາເມລິກາ ແລະ ປະຊຸມກັບໜ່ວຍງານ ແລະ ຄະນະຜູ້ຊຽວຊຽນ ທີ່ກ່ຽວຂ້ອງ.
