ຂ່າວສານຊີອາໄອລາຍງານ, ວັນທີ 22 ພຶດສະພາປີນີ້ ແມ່ນວັນຊີວະນານາພັນສາກົນຄັ້ງທຳອິດພາຍຫຼັງປະຊາຄົມໂລກຮັບຮອງຂອບຊີວະນານາພັນທົ່ວໂລກຄຸນໝິງ-ມອນເຕຣໂອ ຫຼື ຂອບຄຸນໝິງ-ມອນເຕຣໂອ. ອົງການ ສປຊ ໄດ້ຮຽກຮ້ອງໃຫ້ປະເທດຕ່າງໆເລັ່ງລັດຈັດຕັ້ງປະຕິບັດ “ຂອບຄຸນໝິງ-ມອນເຕຣໂອ”.
ເວັບໄຊທາງການຂອງອົງການສະຫະປະຊາຊາດໄດ້ໂພສແຈ້ງການໂດຍລະບຸວ່າ: ປີນີ້ແມ່ນປີໜຶ່ງທີ່ພິເສດໃນດ້ານອະນຸລັກຊີວະນານາພັນ “ຂອບຄຸນໝິງ-ມອນເຕຣໂອ” ທີ່ເປັນສັນຍາຄັ້ງປະຫວັດສາດໄດ້ລົງນາມເມື່ອເດືອນທັນວາປີ 2022, ໄດ້ກຳນົດເປົ້າໝາຍ ແລະ ມາດຕະການລະອຽດໃນການສະກັດກັ້ນ ແລະ ຫັນປ່ຽນການສູນພັນດ້ານຊີວະນານາພັນຢູ່ໃນທົ່ວໂລກ.
ແຈ້ງການລະບຸວ່າ: ຫົວຂໍ້ຂອງວັນຊີວະນານາພັນສາກົນປີ 2023 ແມ່ນຈາກສັນຍາການຮ່ວມແຮງຮ່ວມໃຈກັນຟື້ນຟູຊີວະນານາພັນ ເມື່ອໄດ້ປຶກສາຫາລືຕົກລົງແຜນການດຳເນີນງານແລ້ວ, ປະເທດຕ່າງໆກໍຕ້ອງຈັດຕັ້ງປະຕິບັດມາດຕະການທັງໝົດໃນສັນຍາດັ່ງກ່າວກ່ອນປີ 2030.
