ຄໍລໍາສົ່ງເສີມສະບັບກ່ອນ ໄດ້ນໍາສະເໜີ ຜະລິດຕະພັນ ຫັດຖະກໍາຫວາຍ ຈາກກຸ່ມຫັດຖະກໍາບ້ານ ທ່າແວ້ງໄປແລ້ວ ມື້ນີ້ຈະມານໍາສະເໜີກ່ຽວກັບ ຫັດຖະກໍາໄມ້ປ່ອງ ຂອງບ້ານຂອນຈັນ ເມືອງຄໍາເກີດ ແຂວງບໍລິຄໍາໄຊ ທີ່ປະຊາຊົນ ເຊິ່ງສ່ວນໃຫຍ່ຢຶດຖືເປັນ ອາຊີບເສີມສາມາດເພີ່ມລາຍຮັບທີ່ຫມັ້ນຄົງໄດ້ເພາະ ອີງຕາມທ່າແຮງ ແລະ ເງື່ອນໄຂຂອງບ້ານທີ່ມີປ່າໄມ້ປ່ອງທໍາມະຊາດ ຂະໜາດໃຫຍ່ທີ່ປະຊາຊົນໄດ້ອະນຸລັກໄວ້ ແລະ ນໍາເອົາມາຫມູນ ໃຫ້ເກີດປະໂຫຍດດ້ານເສດຖະກິດ.
ຄໍລໍາສົ່ງເສີມສະບັບກ່ອນ ໄດ້ນໍາສະເໜີ ຜະລິດຕະພັນ ຫັດຖະກໍາຫວາຍ ຈາກກຸ່ມຫັດຖະກໍາບ້ານ ທ່າແວ້ງໄປແລ້ວ ມື້ນີ້ຈະມານໍາສະເໜີກ່ຽວກັບ ຫັດຖະກໍາໄມ້ປ່ອງ ຂອງບ້ານຂອນຈັນ ເມືອງຄໍາເກີດ ແຂວງບໍລິຄໍາໄຊ ທີ່ປະຊາຊົນ ເຊິ່ງສ່ວນໃຫຍ່ຢຶດຖືເປັນ ອາຊີບເສີມສາມາດເພີ່ມລາຍຮັບທີ່ຫມັ້ນຄົງໄດ້ເພາະ ອີງຕາມທ່າແຮງ ແລະ ເງື່ອນໄຂຂອງບ້ານທີ່ມີປ່າໄມ້ປ່ອງທໍາມະຊາດ ຂະໜາດໃຫຍ່ທີ່ປະຊາຊົນໄດ້ອະນຸລັກໄວ້ ແລະ ນໍາເອົາມາຫມູນ ໃຫ້ເກີດປະໂຫຍດດ້ານເສດຖະກິດ.ຜ່ານປະຊາຊົນຂອນຈັນໄດ້ປູກເສີມໄປພ້ອມກັບການອະນຸລັກ ແລະ ສາມາດນໍາໃຊ້ໄດ້ ຕາມຄວາມຕ້ອງການ ໃນການຜະລິດຫັດຖະກໍາໄມ້ປ່ອງ ເປັນສິນຄ້າ ເພື່ອສ້າງລາຍຮັບສ້າງວຽກໃຫ້ປະຊາຊົນພາຍໃ ນເມືອງຄໍາເກີດ ໃຫ້ມີຊີວິດການເປັນຢູ່ທີ່ດີຂຶ້ນ.
ແມ່ ແສງ ໄຊສົງຄາມ ສະມາຊິກກຸ່ມຫັດຖະກໍາບ້ານ ຂອນຈັນ ເວົ້າສູ່ຟັງວ່າ: ປະຊາຊົນບ້ານ ຂອນຈັນ ໂດຍປົກກະຕິແລ້ວ ແມ່ນເຮັດອາຊີບ ກະສິກໍາປູກຝັງລ້ຽງສັດ ເປັນຫລັກ ໃນການຫາລ້ຽງຊີບ ແລະ ການສ້າງເສດຖະກິດຄອບຄົວ ໂດຍບໍໄດ້ເຮັດອາ ຊີບອື່ນ ຈົນຕົກມາປີ 2005 ໄດ້ມີໂຄງການຂອງຫວຽດນາມ ໄດ້ເຂົ້າມາສົ່ງເສີມປະຊາຊົນ ທີ່ມີຄວາມສົນໃຈ ຢາກສ້າງອາຊີບເສີມເພີ່ມລາຍຮັບ ຈາກການກະສິກໍາ ກໍຄືຜະລິດຫັດຖະກໍາ ໄມ້ປ່ອງໂດຍເຂົາເຈົ້າຈະມາຮັບຊື້ພາຍຫລັງ ທີ່ປະຊາຊົນເຮັດແລ້ວ ກໍເຮັດມາໄດ້ໄລຍະໜຶ່ງ ກໍມີບັນຫາເມື່ອເຂົາເຈົ້າເອົາເຄື່ອງໄປແລ້ວກໍໄປເລີຍ ກຸ່ມຂອງພວກເຮົາ ກໍເລີຍແຍກຍ້າຍກັນໄປ ຈົນມາຮອດປີ 2015 ກໍມີກຸ່ມຈັກສານໄມ້ປ່ອງ ຈາກນະຄອນຫລວງວຽງຈັນ ກໍໄດ້ເຈົ້າມາປຸກລະດົມປະຊາຊົນຜະລິດອີກ ເຊິ່ງອຸປະກອນທຸກຢ່າງແມ່ນຂອງເຂົ້າໝົດ ເຮົາພຽງແຕ່ເປັນແຮງງານຜະລິດ ກໍຖືວ່າໄດ້ດີສົມຄວນໃນໄລຍະນັ້ນ ແຕ່ເຮັດມາໄລຍະໜຶ່ງງຽບ ໄປເພາະຕະຫລາດຍັງບໍ່ກວ້າງຂວາງ ກຸ່ມກໍແຍກຍ້າຍອີກເທື່ອໜຶ່ງ ແລະ ໄດ້ກັບມາລວມໂຕກັນໃໝ່ໃນປີ 2019 ເຖິງປັດຈຸບັນ ເຊິ່ງເປັນຊຸດທີສາມ ແມ່ນກະສິກໍາ ນະຄອນຫລວງລົງມາສົ່ງເສີມເຮັດກະຕາ ໂດຍການຈັດຝຶກອົບຮົບໃຫ້ກ່ຽວກັບ ວິທີ່ການເຮັດຕ່າງໆໃຫ້ທີຄວາມສວຍງາມ ແລະ ມີຄວາມທົນທານ ຫລັງຈາກເຮັດແລ້ວເຂົາເຈົ້າກໍຈະມາຮັບຊື້ ຈາກປະຊາຊົນ ຫລື ມີງານວາງສະແດງ ກໍຈະແຈ້ງໃຫ້ກຸ່ມເຂົ້າຮ່ວມ ເພື່ອເພີ່ມຕະຫລາດຈໍາໜ່າຍ ແລະ ເຮັດໃຫ້ສັງຄົມໄດ້ຮູ້ຈັກຜະລິດຕະພັນຈາກບ້ານ ຂອນຈັນຫລາຍຂຶ້ນ .
ແມ່ ແສງ ເວົ້າເສີມວ່າ: ອາຊີບນີ້ ເປັນອາຊີບເສີມ ແຕ່ເພີ່ມລາຍຮັບໃຫ້ປະຊາຊົນ ໄດ້ເດືອນ 2-3 ລ້ານກີບຕໍ່ເດືອນ ກໍ່ຖືວ່າ ເປັນລາຍຮັບທີ່ສາມາດ ລ້ຽງຄອບຄົວ ແລະສົ່ງລູກຮຽນໄດ້ ແຕ່ຕ້ອງຮູ້ຈັກປະຢັດມັດທະຢັດໃນສະພາບເສດຖະກິດແບບນີ້ ສະນັ້ນ, ຂໍ ຝາກເຖິງພັກ-ລັດ ແກ້ໄຂບັນຫາທາງດ້ານເສດຖະກິດ ເພາະວ່າມັນສົ່ງຜົນກະທົບຕໍ່ການດໍາລົງຊີວິດຢ່າງຫລວງຫລາຍ.
ຂຽນ: ມາລີດາ
