ໃນວັນທີ12 ພຶດສະພາ 2023 ນີ້, ສະຫາຍ ພົນຈັດຕະວາ ວຽງແກ້ວ ສີສຸລາດ ເລຂາຄະນະພັກ ຫົວໜ້າການເມືອງກອງພົນທີ 2 ພ້ອມດ້ວຍ ຄະນະ ໄດ້ລົງເຄື່ອນໄຫວຊຸກຍູ້ວຽກງານຂະບວນການຕ່າງໆຢູ່ກອງພັນໃຫຍ່ 201 ກອງພົນທີ 2 ໂດຍມີຄະນະພັກ ຄະນະບັນຊາກອງພັນໃຫຍ່ ແລະ ພະນັກງານຫລັກແຫລ່ງກອງພັນ 201 ເຂົ້າຮ່ວມ.
ໂອກາດນີ້ ສະຫາຍ ພັນໂທ ຄຳແສງ ພັນອີນດາ ຫົວໜ້າການທະຫານ ກອງພັນໃຫຍ່ 201 ໄດ້ລາຍງານສະພາບການຈັດຕັ້ງປະຕິບັດໜ້າທີ່ ວຽກງານໃນໄລຍະຜ່ານໂດຍຫຍໍ້ໃຫ້ໄດ້ຮັບຊາບ ຈາກນັ້ນ ສະຫາຍ ພົນຈັດຕະວາ ວຽງແກ້ວ ສີສຸລາດ ເລຂາຄະນະພັກ ຫົວໜ້າການເມືອງ ກອງພົນທີ 2 ໄດ້ສະແດງຄໍາຍ້ອງຍໍຊົມເຊີຍຕໍ່ຜົນສໍາເລັດໃນການຈັດຕັ້ງ ປະຕິບັດໜ້າທີ່ວຽກງານໃນໄລຍະຜ່ານມາ ພ້ອມທັງເນັ້ນໜັກໃຫ້ຄະນະພັກ -ຄະນະບັນຊາ ພະນັກງານຫລັກແຫລ່ງຢູ່ກອງພັນໃຫຍ່ 201 ຈົ່ງຍົກສູງສະຕິ ຄວາມເປັນເຈົ້າການຕໍ່ໜ້າທີ່ວຽກງານການເມືອງຂອງຕົນ, ຊີ້ນຳ-ນຳພາ ສຶກສາອົບຮົມການເມືອງນຳພາແນວຄິດ ໃຫ້ພະນັກງານ-ນັກຮົບ ມີແນວ ຄິດອຸ່ນອຽນທຸ່ນທ່ຽງ ມີແນວຄິດການເມືອງໜັກແໜ້ນ ເຊື່ອໜັ້ນຕໍ່ການ ນໍາພາຂອງພັກ ຕັ້ງໜ້າປະກອບສ່ວນເຂົ້າໃນການຈັດຕັ້ງປະຕິບັດມະຕິ ຕ່າງໆຂອງພັກ ຂອງກອງທັບ, ຮັດແໜ້ນຄວາມສາມັກຄີພາຍໃນໃຫ້ ແໜ້ນແຟນ, ມີແບບແຜນວິທີເຮັດວຽກທີ່ໂປ່ງໃສ ແລະ ຂາວສະອາດ ແບ່ງບຸກຄົນຮັບຜິດຊອບ ຈັດຕັ້ງປະຕິບັດ 7 ລະບອບ 18 ວຽກ ແລະ ບັນດາຂໍ້ກຳກົດລະບຽບຂອງກອງທັບໃຫ້ເຂັ້ມງວດ, ຕ້ານ ແລະ ສະກັດ ກັ້ນປະກົດການຫຍໍ້ທໍ້ ທີ່ອາດຈະເກີດຂຶ້ນ ເຮັດໃຫ້ສະພາບກົມກອງ ມີຄວາມສະຫງົບ, ປົກປັກຮັກສາ ແລະ ເສີມຂະຫຍາຍມູນເຊື້ອອັນດີງາມ ຂອງກອງທັບ, ມູນເຊື້ອຂອງກົມກອງ ຕັ້ງໜ້າປະກອບສ່ວນເຂົ້າໃນ ຂະບວນການສ້າງສາພັດທະນາກົມກອງ ໃຫ້ມີໂສມໜ້າອັນໃໝ່ຂື້ນ ເປັນກ້າວໆ ພ້ອມກັນຈັດຕັ້ງປະຕິບັດມະຕິກອງປະຊຸມໃຫຍ່ ຂັ້ນຂອງຕົນໃຫ້ປະກົດຜົນເປັນຈິງ
ໂດຍ: ສຸວັນໂນ ທະລັງສີ.
