ຢູໂດ້ລາວ ໄດ້ອີກ 1 ຫລຽນເງິນ ຈາກ ທ. ສຸກພະໄຊ ສິດທິສານ ປະເພດຕໍ່ສູ້ ຮຸ່ນນໍ້າໜັກ -60 ກິໂລ ເຊິ່ງຮອບຊີງເສຍໃຫ້ ທ. ຈູດຶກດາດ ນັກກິລາແຊ້ມ ເກົ່າ ຈາກຫວຽດນາມ ແບບຫວຸດວິດ ໃນຊີເກມ ຄັ້ງທີ 32 ທີ່ກຳປູເຈຍ ເປັນ ເຈົ້າພາບ.
ທ. ສຸກພະໄຊ ເຄີຍໄດ້ຫລຽນເງິນລາຍການນີ້ 2 ຄັ້ງຕິດຕໍ່ກັນ ເຊິ່ງຄັ້ງຜ່ານ ມາປີ 2021 ທີ່ຫວຽດນາມເປັນເຈົ້າພາບ ກໍເສຍໃຫ້ ນັກກິລາຄົນດັ່ງກ່າວ.
ນອກຈາກນີ້ ນັກກິລາຢູໂດ້ລາວ ຍັງໄດ້ 1 ຫລຽນເງິນ ຈາກ ປະເພດຟ້ອນ Kime No Kata ຄູ່ຊາຍ ຈາກ ທ. ວຽງວິໄລ ຈັນສີ ແລະ ທ. ຈິນດາວອນ ສີວັນວິໄລ ດ້ວຍຄະແນນໃນຮອບສຸດທ້າຍໄດ້ 513.5 ຄະແນນ, ຫລຽນຄຳ ເປັນຂອງຫວຽດນາມ ແລະ ຫລຽນທອງຮ່ວມ ກຳປູເຈຍ ເຈົ້າພາບ ແລະ ສິງກາໂປ.
ສ່ວນ 1 ຫລຽນທອງ ໄດ້ມາຈາກ ປະເພດຟ້ອນ Ju No Kata ຄູ່ຍິງ ຈາກ ນ. ມະຍຸລີ ພານຸວົງ ແລະ ນ. ພອນວັນ ສີອໍາພອນ ຮອບສຸດທ້າຍໄດ້ 401 ຄະ ແນນ ເທົ່າກັນກັບ ອັນດັບທີ 2 ປະເທດຫວຽດນາມ ແຕ່ຄະແນນຖືກຕັດ ຫລາຍກວ່າ, ສ່ວນຫລຽນຄໍາເປັນຂອງໄທ ແລະ ຫລຽນຮ່ວມແມ່ນ ກໍາປູເຈຍ ເຈົ້າພາບ.
ຂໍ້ມູນໂດຍ: ຂ່າວກິລາ Lao National TV
Medialaos MMD
