ຕາມຂ່າວຈາກວິທະຍຸສາກົນຫວຽດນາມ, ເມື່ອບໍ່ດົນມານີ້, ການນຳບັນດາປະເທດອາຊຽນ ໄດ້ອອກຖະແຫລງການຮ່ວມວ່າດ້ວຍການຕ້ານການຄ້າມະນຸດ ໂດຍສວຍໃຊ້ເຕັກໂນໂລຊີ ຜ່ານບັນດາກົນໄກພາກພື້ນ ແລະ ຊຸກຍູ້ການພົວພັນຊື້-ຂາຍ ໂດຍນຳໃຊ້ສະກຸນເງິນບັນດາປະເທດອາຊຽນ (LCS) ຫລັງຈາກບັນດາປະເທດອາຊຽນ ໄດ້ໃຫ້ຄຳໝັ້ນສັນຍາຊຸກຍູ້ການເຊື່ອມຕໍ່ ຊຳລະຢູ່ພາກພື້ນດ້ວຍການນຳໃຊ້ບັນດາກາລະໂອກາດປ່ຽນແປງໃໝ່ ແລະ ເຕັກໂນໂລຊີ, ສ້າງເງື່ອນໄຂໃຫ້ແກ່ການຊຳລະ ຂ້າມຊາດແບບສະດວກ, ປອດໄພ, ຄິດໄລ່ເຖິງເງື່ອນໄຂ, ສະພາບການຂອງແຕ່ລະປະເທດ. ບັນດາປະເທດອາຊຽນ ໄດ້ສົ່ງເສີມການນຳໃຊ້ສະກຸນເງິນບັນດາປະເທດໃນອາຊຽນຕໍ່ບັນດາການພົວພັນຊື້ຂາຍຂ້າມຊາດໃນພາກພື້ນ ໃຫ້ຫລາຍຂຶ້ນ ແລະ ໜູນຊ່ວຍ ການສ້າງກຳລັງພິເສດເພື່ອພັດທະນາກອບພົວພັນຊື້ຂາຍ ດ້ວຍສະກຸນເງິນຂອງກຸ່ມອາຊຽນ ຢ່າງເຂັ້ມແຂງ ໃນຕໍ່ໜ້າ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
