ຕາມຂ່າວຈາກວິທະຍຸສາກົນຫວຽດນາມ, ອາຊຽນ+3 (ຍີ່ປຸ່ນ,ສປ ຈີນ ແລະ ສ.ເກົາຫລີ) ຈະເພີ່ມທະວີປັບປຸງເຄືອຂ່າຍ ຄວາມປອດໄພດ້ານການເງິນທົ່ວໂລກ ຕໍ່ໜ້າບັນດາຄວາມຂາດສະຖຽນລະພາບດ້ານເສດຖະກິດ ຫລັງຈາກຈັດກອງປະຊຸມ ລັດຖະມົນຕີ ການເງິນ ແລະ ຜູ້ວ່າການ ທະນາຄານ ສູນກາງ ອາຊຽນ+3 ທີ່ຈັດຂຶ້ນ ເມື່ອບໍ່ດົນມານີ້ ຢູ່ນະຄອນ ອິນຊອນ ຂອງ ສ.ເກົາຫລີ ຢູ່ນອກ ກອງປະຊຸມ ປະຈຳປີ ຄັ້ງທີ 56 ຂອງສະພາ ຜູ້ວ່າການ ທະນາຄານ ພັດທະນາ ອາຊີ (ADB). ໃນຖະແຫລງ ການຮ່ວມ ໃນຄັ້ງນີ້ ຫລາຍຝ່າຍ ໄດ້ໃຫ້ຄຳໝັ້ນ ສັນຍາ ເພີ່ມທະວີ ການຮ່ວມມື ດ້ານການເງິນ ໃນພາກພື້ນ ຜ່ານຫລາຍ ກົນໄກ, ໃນນັ້ນ ມີກົນໄກ ຫັນຂໍ້ ລິເລີ່ມ ຊຽງໃໝ່ ເປັນ ຫລາຍຝ່າຍ. ບັນດາ ເຈົ້າໜ້າທີ່ ການເງິນ ຢັ້ງຢືນ ການຮ່ວມມື ດ້ານການເງິນ ຂອງ ອາຊຽນ +3 ສວມບົດບາດ ນັບມື້ ນັບຈຳເປັນ ເພື່ອແນໃສ່ ຊ່ວຍໃຫ້ ບັນດາ ເສດຖະກິດ ພາກພື້ນ ຮັບມືກັບ ຄວາມສ່ຽງ ແລະ ສິ່ງທ້າທາຍ ອັນໃໝ່ ໃນຕໍ່ໜ້າ./.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
